🍒🥀 قصة عبير 🍒🥀 بالدارجة المغربية

🍒 الفصل 46 🍒

💟سندي أنتَ في الحياة💟

#عبير

#ياسمين_اكرام

🌺البارت:377

ردد ببسمة كحل عينيه فيها: غيرحطيها واجي ...

رددت عارفا المغزى من بسمتو:مكتعياش احذيفة ولاهيلا عيت وتحردت(حطات الصغيرة ووقفات راجعة اتجاهو)

تبسم حذيفة:هادشي لعطاك الله وخاصك تقبلي عليه راجلك كيحماق عليك وسط فراشو

حيدات البينوار تاركاه كيطلع وينزل في جسمها كأنو أول مرا يشوف جسدها الممشوق مرددة كتفلي عينيه لكاياكلو فيها :غير وسط فراشو لكيحماق عليها ..

فغر فمو وحذر راسو كيحك في عينيه:هذي عارفاها نتي كنهضر على الحماق اخر لكتحمقيني ...

تكات جارا عليها الغطا مرددة :مفهمتش ...

قرب ليها كيزول في الغطا مردد:اجي نفهمك

طلقاتها بضحكة على إثر لمساتو .....سد ليها فمها وبدا في خدمتو لمشبعش منها ....

تنهدات كتنفس وترتاح متبعاه غادي في خطواتو الحمام والأذان علن موعد صلاة الفجر ..جرات الغطا مغطية جسمها لتلون بعضاتو ...

عينيها تجبدات والنوم غاب على ناظرها ..شافتو خرج كيمسح في شعرو سهات فيه حتى حسات بالفوطة على وجها شهقات بفزع وحيداتها كتشوفو هاز الصلاية وعينيه عليها رددت:مالك على صبيح

ردد بصوتو الخشن كالمعتاد:نوضي عومي حد الحمام السخون وصلي شتك مكتصليش امدام ...

تنهدات لايحة الفوطة فوق السرير مرددة:قطعتها من شحال الله يسمح لي وصافي

ردد مركز الشوفة في عينيها:اش كتسناي امدام لعمر غادي ومعرفنا نوبة فين تجي ...

غمضات عينيها وحلاتهم مرددة:تلهيت مع المشاكيل عاد زيد الخدمة والقرايا ياربي تسمح لي ...

ردد :بداي غير دابا مبغيتش نمشي الجنة بوحدي بغيتك تكوني معايا ومتفرقينيش (تبسم ليها ابتسامة كتذوب الحجر خلا قلبها دق من كلامو ولمسات حبو من خلالها )

حطات رجليها في الارض وتوجهات الحمام عارية كيوم ولداتها امها تاركاه قام الصلاة ...

دوشات وريحات عضامها ..توضات ولوات عليها البينوار ...

خرجات كتقطر لقاتو جبهتو على الأرض دازت البلاكار جبدات بيحامتها الصيفية ..ارتاداتها ولبسات عباية السوداء لوات فولارها ... وتلفتات كتشوف فيه لقاتو كيطلع وينزل فيها ببسمة مردد بخفوت :ماشاء الله جا معاك

قربات كتبسم :بصح

بعد على صلاية مردد :بصح بصح هانتي صلي ليك وتسامحي ونهضرو من بعد .... حركات ليه راسها متبعاه حتى توجه الخامية كيزيح فيها ووقف كيشوف في الشمس لبدات تطلع وبين يديه تسبيح ....