🍒🥀 قصة عبير 🍒🥀 بالدارجة المغربية

🍒 الفصل 34 🥀

🖤جروح لاتندمل بسهولة🖤

#عبير

#ياسمين_اكرام

🌺البارت:289

رددت خديجة بعد مدة من الإستغراب:فين غادا ابنتي ...

شافت عبير في امهها و رددت كتنهد:فكرت وقلت لبيت لكنت كاريا تجلس فيه اميمة حتى وكان تولد .. باش تاهيا تاخد راحتها ...

سهات خديجة لفترة في الأرض كتدور الكلام في راسها وعاد رجعات هزات راسها محركاه باه ..

سرطات ريقها عبير وتحرجات خافت خديجة تقول بفلوس ولدها كتاكل فيه ناضت من حداهم تسلات دخلات عليه لقاتو مغمض عينيه زاحت عينيها عليه موجهة لصاطها هزاتو وحلات كتقلب في الفلوس لعندها هزات عينيها فيه ملي سمعاتو ردد:اش كديري اجي تكاي ليك

ردت :بغيت ندي اميمة نوريها البيت

قاد جلستو مردد:وعلاش زربانة خلي حتى يفوت نهار فاتن

حركات راسها بلا ورددت :خير البر عاجل حسن مكاين علاش نبقاو نماطلو

حرك راسو باه وناض لسروالو لمحطوط في الجنب شافتو جبد البزطام وحلو كيقلب ..

سرطات ريقها بحرج وحذرات عينيها كتشوف في الأرض حتى وقف حداها ومد ليها فلوس كثيرة معرفتش شحال مي كتبان ماشي قليلة ...

مدات يديها ليها مرددة هادشي كثير خدات البعض ناوي ترجعو ليه حتى كان حابسها بيديه :خلي عندك الباقي تحتاجيه من بعد

خشاتهم في صاكها مرددة:شكرا ليك ..

قربات ليه وتهزات على طراف صباعها باستو على خدو و بعدات بحرج خلاتو يقهقه مردد:مبغاكش يهديك الله تبدلي البلاصة

تبسمات وتلفتات خارجة حتى وصلات عند الباب وردت:ان شاء الله ملي يكتاب ....

خرجات ترطاتو كيتبسم ويدور في راسو :ايه حتى نشرفو ويولي (شاف تحتو) السيد دابل تاهذا نظر ...صبر ياربي صبر ..رجع تكا فوق السرير وغمض عينيه ...

خرجات كتسد في الصاك وقفات في الصالون لقات اميمة لابسة جلابة لجات بيها غير شافتها وقفات جايا في اتجاها ...

رددت مودعة عائشة وخديجة :بسلامة .

حركو راسهم و رددت خديجة:حتا حنا شويا ونخرجو (رمات عينيها لفاتن)نشوفو لهاد المصيبة ماتحتاج ...

خرجات عبير شادة في اميمة ...التاجؤو لطبيبة هي الأولى تطمأن على الجنين جلسو كيتسناو النوبة وعينين اميمة كتحركو يمين وشمال مرة في عبير مرة في لبنت لفي الإشتقبال مرة في النساء لجالسين مثقلين وكين لمعاها زوجها ..

تنهدات وناضت بعدما سمعات سميتها تبعات عبير حتى دخلو واستقبلاتهم الطبيبة ببشاشة ...

بعد الأخد و الرد دخلاتها لغرفة الفحص ..هزات اميمة حواجها وتسرحات خلات الطبيبة توضع السائل على بطنها وتبدا الفحص ..