🔥عندما يصبح الدم ماء🔥
#عبير
#ياسمين_اكرام
🌺البارت:351
بأسف رددت كتطبطب على لحيتو:عانيتي حتا نتا
ردد بعدما هز يديه حطها على يديها:عانيت من الكلام لكيطيح الكتاف وشحال من خدمة مشات لي على قبل هاد الرجل ولمهضرش كان كيشوف فيا شوفة شفقة وعاد لكيعايرني ويدفعني(سكت ساهي امامو لمدة عاد رجع شاف فيها ) كلام كثير اعبير والسكات حسن
سرطات الغصة والدمعة تكونت من جديد على المعانات لداز منها تلاحت عليه عنقاتو كتبكي
🌺🌺🌺
التنمر موضوع او بالأحرى ظاهرة عدوانية طويلة وعريضة..
مهما تكلمنا فيه حقو قليل حيث واخا القلم يقف والصحف يتقاداو غادي يبقا فيه مايتقال موضوع ليس بوليد اليوم تأثيرو النفسي على الشخص لعندو عاهة كبير ويقدر يوصل الشخص بسببو الى اأضيق طريق الإنتحار نهايته ..
🌺🌺🌺
طبطب حذيفة على ظهرها مردد ببسمة :باراكا من البكا راك نشفتي هذوك الدموع داكشي فات عليه سنين مكاينش علاش البكا
بعدات عليه كتمسح في دموعها :بنادم خايب تالهاد الدرجة ميرحمش خوه المسلم
دار وجهها بين يديه :كاين المزيان وكابن الخايب كيفما لقيت لأذاني وحاول يمحيني لقيت من بعد لشد على يدي وعلمني الحرفةحتى وقفت على رجلي..
حركات راسها باه
تركاتو يتكلم بعدما سارا عينيه على وجهها: نساي عليك الحوايج الخايبين وتفكري المزيانين باش تعيشي ونعيشو جميع (حط يديه على كرشها )وتجيبي لينا شي فنكوش نخاويو روميساء
ضرب قلبها على اثر لمستو لبطنها فغرات فمها مرددة بابتسامة:مزال الحال احذيفة لعار نتكفاو غير مع روميساء
تبسم مردد:علاش لا كاينة الواليدة وخالتي يعاونوك كنطلب الله كل نهار على قبل هاد الأمر الله يرزقنا بالذرية الصالحة ...
تنهدات وبعدات من حداه موجه الخارج:مزال الحال احذيفة مزال تاتكبر شويا روميساء عاد نفكرو
تنهد متبعهاوحتى اختافات وارجع هز راسو لسما كيتمتم بالدعاء بالذرية الصالحة لرجع مرافقو منذ فترة ......
حلات عبير عينيها على صوت على صوت الضجيج لفي الدار مرفوق بصوت تنغنيغ عبير الصغيرة وكذا بكاء رميساء ..تنهدلت ولاحتالغطا من عليها شافت مكان حذيفة خاوي ..فتحات الشرجم و زولات الخامية تارمة الشمس تدخل وتوجهات الحمام كتجمع في شعرها لمسرح ليها على ظهرها ... دخلات الحمام كتقضي روتينها بعدها خرجات رتبات البيت عاد حلات الباب وتبعت صدى الأصوات ...شافت حذيفة جاي جيهتها بحوايج الدار تبعاتو الى ان وصل حداها جرها من نيفها مردد:يالاه فقتي انعاسة..
أنت تقرأ
🍒🥀 قصة عبير 🍒🥀 بالدارجة المغربية
ChickLit💎💎💎💎💎 #السلام_و_عليكم💎💎💎💎💎 #قصة_واقعية #كاملة ❣من بعد غيااب طويييييل و عريض قررت نشارك معاكم قصة خفيفة الظل نتمنى تكون خفيفة على قلوبكم شكون فينا تمنى يكون هاني في هاد الدنيا دار و معيشة يومية واسرة محتاضناه و خايفا عليه من الظلم من ال...
