🍒🥀 قصة عبير 🍒🥀 بالدارجة المغربية

🍒 الفصل 44🍒

🔥عندما يصبح الدم ماء🔥

#عبير

#ياسمين_اكرام

🌺البارت:364

حلات عبير عينيها على وسعهم مقاداش تلفت في حتى اتجاه ..بقات ساكتة كتشوف قدامها حتى سمعات صوتو ملي قرب لوذنيها:حطي لفي جيبك ولا نخسر ليك فصالتك ازوينة ولا (طلع الموص دوزو على وجهها) وجهك امم

عضات على شفايفها بغات تدافع على راسها ولكن حاكمها في الشدة ومعندهاش منين تزحزح ..

قفزات ملي سطل تقلب من بين يديها على اثر يدو لدفعاتو ..خشات يديها في صدرها كترجف وخرجات بزطامها منو ..شهقات شهقة ثانية على اثر اليد لجراتو وحلو بفمو ويديه الأخرى لاوية عليها ممفاكش ..قلبو وجبد منو بعض الوريقات نقدية ورماه ورجع فيكسا الموص على وجهها مردد بنرفزة:كنا بغينا نخليو ليك هاد الوجه الزين ولكن خسارة وريقاتك مقادينش الغراض ...

يالاه بغات تلفت تشوفو وهي تحس بالموص تغرس داز على خدها حتى غمضات عينيها بألم وطيحات الصاك في الأرض ..

ضربها بجرية تاركها شادة على خدها ..هزات يديها كيرجفو من الخوف لسرا مع ذاتها حطاتها عليه وبعداتها كتشوفها ملطخة بالدماء ... قطرات من الدموع طاحو مصافين وحدا تلوى الأخرى ورجليها مبقاوش حاملينها معقلت على راسها الا كتجري راجعة الدار كتشهق وحالتها تبكي العديان ..

🌺🌺

أصبحت الدموع رفيقتي في كل مراحل حياتي منذ نشأتي الى بلوغ عمري هذا ....دمعة ساخنة على محيا جسد منهك .... فهل سأبقى قوية وأمسح كل دمعة سقطت على ثغري أم أن التعب والملل سيأخد طريقي هذا

#ياسمين

🌺🌺

بغات تمشي لسبيطار ولكن فين هما الفلوس باش تشد على الأقل طاكسي ...رجعات كتسابق مع الريح ..طلعات في الدروج وقطرات من الدم كيقطرو من وراها على الدرجات الماضية ...الا ان وصلات الباب ..وقفات ومزال الدمعة على عينيها شمرات على نيفها ..خبطات الباب ومزال شادة على خدها عينيها على الأرض ..

تحل الباب من طرف خديجة وفي لحظة جات عينيها عليها شهقات الأخيرة حاطة يديها على فمها كتدور عليها عينيها من الإصفرار لحايط بوجها ..الدم لعلى يديها وجلخ حتى عنقها ...

رددت عبير بصوت بزز كيخرج:حذيفة جا اخالتي ...

رددت خديجة والصدمة مسيطرة عليها: اش بيك اش واقع مال وجهك ...

سرطات عبير الغصة بزز مرددة:واش جا حذيفة اخالتي

حركات خديجة راسها باه تاركا عبير تدوز عليها كتمشى بسرعة موجهة لبيت نيشان ...

فتحاتو كتدور عينيها عليه في البيت مكانش سمعات الما كي تساقط في الدوش بلا ماتفكر ..دقات كترد اسمو ..خبطات برجليها وبيدها حتى سمعات الما حبس وتردد صوتو كينادي باسمها ...