🍒🥀 قصة عبير 🍒🥀 بالدارجة المغربية

🍒 الفصل 59 🍒

💟سندي أنتَ في الحياة💟

#عبير

#ياسمين_اكرام

🌺البارت:482

ضحكات عبير من كلامو وقربات خطواتها ليه حتى جلسات بجانبو جامعة رجل و رجل الأخرى نازل على الأرض مرددة :اش بغيتي تقولي

تبسم هاز يديه كيمررها بحنية على خدها بسكون لثواني عاد ردد:جاك الفولار زوين مفكرتيش ديريه

بقات كتشوف في عينيه لكيبوحو بالحب الصادق رددت بعدما لملمات الكلام:كنفكر فيه مي مزال مقدرت نزعم ..

مرر يديه على شعرها:غير زعمي راك عارفة الدين علاش كيحث كتصلي صلاتك كملي ديري فولارك ..

سهات لمدة كتستشعر الراحة بمرونة يديه لوصلو لعنقها هزات راسها فيه مبسمة على ذغذغتو ليها ليها مرددة :واخا ان شاء الله ..

قربها عندو داخلين في بحر الحب وبقواعد العشق غادي يدوزو ليلتهم وبروح الإشتياق وتنهيدات النشوة سادين عينيهم ..ناسين خديجة وعائشة لتسناوهم العشا وملي مجاوش تعشاو وجمعو و طواو وكل شد بلاصتو في استعداد لنوم برفقة روميساء ..

أشرق يوم الإثنين يوم الجد والإجتهاد ..جرات عبير بينوارها ارتداتو على جسدها لعاري كيوم أنجبتها امها ..هزات الغطا على حذيفة ساتراه وانسلت بعدها الدوش ...طلقات الما يسخن وحلات البينوار حطاتو جانبا ..دوزات عينيها على مخلفات الليلة المشتعلة ..عضات على شفايفها والبسمة أحاطت محياها ..

خرجات بفوطة شافت فيه كيف مرتاح في نعاسو ..توجهات البلاكار ارتدات كسيوة طويلة كيف ولفات في الأواخر ..موحدة بلون البوردو لواات عليها فولار أسود وسرحات الصلاية بعدما رددت اسم حذيفة حتى فتح عينيه بتعب ....

صلات صلاتها وجلسات كتستغفر لدقائق بعدها وقفات كتطوي في الصلاية وكتستمع لصوت لماةفي الدوش ..تقابلات مع المرايا كتشوف في ملامحها مع الحجاب تذكرات كلام حذيفة والرجاء للقات في عينيه تبسمات من البرائة والجمال مع الرقة والطهارة لكتظهر على وجها كمبة من المشاعر اجتاحتها كأنها اول مرة تشوف راسها بالحجاب ..

هزات كتافها قاداتو باتزان دارت مايكاب خفيف زاد من ابراز ملامحها الجميلة ..تنهدات في الأخير وهي كترش في البارفان المفضل ديالها ...

تفتح الباب ..بقات صامدة مكانها عاضة على شفايفها كتسنى ردة فعلو ..

تسمع تردد اسمها من طرفو بعدها ردد:صليتي

تلفتات شافت فيه ببسمة ..

بادلها عاقد حجبانو لثواني وهوا كيدقق في عينيها باغي يقرا المغزى المبين فيهم ...

قرقب خطواو منها مردد : قررتي ديريه من اليوم

حركات راسها باه مربعة يديها رادة :كيف قلتليك من فترة وانا بغا نديرو هانتا كتشوف حتى لبسي مستور وكلشي (تنفسات بعمق )ملي قلتيلي هذاك الكلام البارح بحال دفعتيني خطوة الأمام علاش غادي نزيد نتعطل ..