🍒🥀 قصة عبير 🍒🥀 بالدارجة المغربية

🍒 الفصل 57 🍒

💟سندي أنتَ في الحياة💟

#عبير

#ياسمين_اكرام

🌺البارت:465

تلفتات خديجة شافت فيها لثواني وتبسمات مرددة:الله ابنتي وايمتا تجمعي الكلام قدك كيتكلمو وتي مزال متسقمي الهضرة

رددت روميساء كضحك :انا زينة زينة ..ههه

قلبات وجهها كتطيب الغدا مخلياها تخربق وتلعب في الكلام حتى سمعات الدقان في الباب وصوت الدراري ودقان ديالهم رددت حاطة لفي يديها ملفتة في روميساء لكتلعب بصبيعاتها :هاخوتك جاو ...

تركتها نزلات من الكرسي تابعاها واقفة في جنب الباب خاشيا صبعها في فمها كتسناها تفتح الباب ..حيدات صبعها من فمها وهي كتشوف في حذيفة صغير داخل بهدوء في يديه بسكوي كياكل منو ..

تمشات ببسمة جيهتو حتى عنقاتو وباستو في خدودو ..تاهو ذرعها بيديها وتمشا غادي هو وياها البيت ....

دخلات عبير الصغيرة داخلة تابعاهم من اللور وعينيها على روميساء مكتحملهاش من يوم يومها كتحس بالإهتمام لكان من جهة خالها مشا ملي جات وهي لكانت واخدا اهتمامو ..

دخلات سارة كتضحك بحال ديما وراها راجلها هاز الصغيرة بعدما سلمو على خديجة ...

واقفة خديجة كتقطع في بطاطا ناويا تقليها ...جالسة بنتها حداها حاطا يديها على خدها مرددة:بنتك مبقاتش جات غبرات تقول مبقاتش كتعرف الدار ...

هزات خديجة راسها مرددة: راه واحلا مع زوج بعالك كيطيرو ياكلو من العينين كي بغيتيها تجي

مطمطات سارة فمها مرددة :تقول غير هي لوالدة الله يستر ...

دخلات عبير كتنهج مرددة :ماما اجي تشوفي روميساء خدات لحذيفة لبيسكوي ديالو وبابا مهضرش ...

نفخات سارة وقلبات وجهها مرددة: تابعني صداع تالهنا ياك ابنتي باك تما ايوا منكم ليه خليوني رتاح شويا

رددت خديجة :هادشي لكنقول من صباح ...

رددت سارة :عبير مزال ماناويا تجي جاتني عيقات

خديجة: الله يصاوب ابنتي اش نقول

تنهدات سارة مرددة:بعد لمرات كيوسوس لي الشيطان وكنقول هاد البلان كامل دارتو باش تسكن بوحدها وتفرز مونتها هي ومها ..

رددت خديجة :استغفر الله العضيم راك قلتيها وساويس الشيطان هاذو بحال مكتعرفيش عبير

وجد الغدا وبدات خديجة كتحط في الطبسل الدجاج المدغمر بزيتون والبطاطا فريت من الفوق ...تسمع تردد صوت حذيفة وهوا كيسلم على ياسين ...

💟سندي أنتَ في الحياة💟

#عبير

#ياسمين_اكرام