🍒🥀 قصة عبير 🍒🥀 بالدارجة المغربية

🍒 الفصل 35 🥀

🔥عندما يصبح الدم ماء🔥

#عبير

#ياسمين_إكرام

🌺البارت: 296

دخلات عبير حطات صاكها في المكان المخصص ورجعات خرجات دايرة يديها في البلوزتها كتساري عينيها على وجه المرضى لفي طريقها ..

تنهدات كل وهمو كل ومرضو ولكن السبيطار جامعهم في نفس المكان ..دخلات الغرفة و من الباب كتسمع الأنين ..

تبعات الأنين مارة من صفوف المرضى الى ان شافت امرأة في سن الخمسينات جالسة في كرسي حاذرة راسها وكهتزو كتافها دليل على بكاءها ....

حولات نظرها لسرير لجانبها حطات يديها على فمها مأثرة من كدمات لفتات لمعلقين ليها السيروم ... كدمات غارقين عينيها منفوخين وحتى من كتافها لعارينمخلاوش من الكدمات وماخافيا تحت الغطا أعظم ...

رددت السلام بخفوت حتى هزت فيها لامرأة عينيها

رادة السلام هزات الملف لجنب المريضة كتشوف في المؤشرات حطاتو بتأسف على حالها وقربات السيروم لثواني وهي معلقة عينيها كتشوف فيه عطات نظرة لفتاة لقاتها فاتحة عينيها تبسمات ليها لعل بابتسامتها تخفف عليها ولو القليل من الألم ..

مقدراتش تقرب تقلب عينيها بعدات كتشوف في أمها وفضولها كياكل فيها ..فغرات فمها مرددة :اش وقع ليها الحاجة ...

حذرات المرأة عينيها حتى حسات بيدين عبير عاد رجعات عينيها ليها للمعة الدموع كتكتاسيهم رددت المرأة بغمة:اودي ابنتي اش غادي نقوليك منين نبدا ومنين نسالي بنتي وحدا لعندي وكان غادي يقتلها لي ولد لحرام ربعات عبير يديها بألم :علاش اش كايجيها

تنهدات المرءة مرددة:راجلها مكفاتوش كيخونها ملي واجهاتو بفعايلو شوفي فين وصلها

رددت عبير :عندها شي وليدات

حركات لمرا راسها بلا:تحمد الله و تشكرو معامن غادي دير لولاد مع جيفة ...(سهات في الأرض مرددة)كانت تجي عندي وتشكى لي منو وتقولي يجي يلقى الدار تبري حوايجو نقين ماكلتو موجودة لكن ريحة العيالات فيه ندور فيها انا(حطات يديها على صدرها كتضرب فيه)كنقول ليها نتي سباب قابلتي دار وروينتها ونسيتيه حتى ولا يدور على لبنات كنقول انا لمقريتهاش ومعرفتهاش بحر الفراش واش كيعمل في الراجل كون يرجع زمان لور نفقها بلي لا طياب ولا تقاد دار كيجر راجل غير تبرعو ومغادي يتفنفن لا هكا لا هكا ولكن دابا مابقا مايتقال(ساست يديها)راجل مشا و وشدات عليه شي لفعة رداتو خاتم في صبعها ملي تكلمات بنتي وواجهاتو خسر عليها هاد الحالة وزادها قال نتي لخليتيني نقلب برا ...

سالات العشرة ورما عليها الطلاق خرجات على راسها وغادي ترجع عندي الدار (باست يديها)الحمد الله على كل حال غير ترجع صحيحتها ...