🍒🥀 قصة عبير 🍒🥀 بالدارجة المغربية

🍒 الفصل 28🥀

البارت :236

وقف في البلاصة لموالف يوقف فيها حطات يديها على الباب بغات تحلو حتى تلفتات كتشوف فيه ملي سمعات اسمها على فمو :علمي خالتي غادي نجيو في العشية

كلام خلا عينيها يخرجو من مكانهم وطنين ضرب أذنيها ...لحظة صمت سيطرت على الأجواء بعدها رددت كتحك شعرها:كيفاش علاش عاد الزربة كاملة

تنهد مردد:راه سنين اعبير

صغرات عينيها:يالاه تطلقتي عيب بعدا

باستفهام :علاش عايب وحنا باغين نديرو غير الحلال

هزات كتافها:يقولو ناس هي سبابو حتى طلق ونولي أنا لخايبا

غمض عينيه باغي يكحي ذكرا ديال الأذى لداز عليه من ذماغو ...لمدة وهو صامت خلاها تلفت تشوفو ساهي تنهدات مرددة : بسلامة

حلات لباب وحطات رجليه على الأرض ناويا تنوض حتى كتحس بيه جره من ذراعها على غفلة ..فغرات فمها فيه وغمضات عيونها على قبلتو على خدها ..

بورشتها واقشعر جسدها مع شعرها بغا يطير لمسة شفايفو خلاتها تبغي طير وغير بعد عليها وقفات بغات تسد لباب مخلياه كيردد:علمي خالتي لعشيا ها حنا عندكم

سرطات الغصة وهي غادا بلا متلفت تشوف فيه مخلياه متبعها بحب حتى اختافات على عينيه والبسمة على فمو ..

قلب الطريق ناوي يبشر خديجة بالخبر لعاارف غادي يفرحها لما لا وهو عارف العلاقة لبناتهم بحال الأم وبنتها على العكس العلاقة لكانت مع حفصة ولكان كيغمض عينيه على بزاف الحوايج باش مايدخلش لسوق العيالات تنهد محيدها من ذماغو مردد حسبي الله ونعم الوكيل في سرو ...

💦💦💦💦

حلات الباب عبير بساروت وتلفتات وىاها والبسمة كتزهق ليها ..رجعات عينيها لباب ..دخلات وسداتو من موراها مخليا ضهرها استوطن مساحتو ...

تنهدات كتفكر في عائشة لغادي تكون مضات سنانها عليها ...

توجهات لبيت لكان محلول ومغطي غير بخامية ..

هزاتها ودخلات حاذرة عينيها كتحط في صاكها وحوايجها مخلية عائشة تردد:على السلامة اش هاد الخدمة ديال ليل

تلفتات بعدما سدات صدفة البيجامة:الخدمة كان شي حفل وبقا شادنا علمنا تال أخير لحظة ومقدرتش نجي خفت نخسر خدمتي وزيدون حمدي الله حست علمتك راه مالقيتش ايمتا نحك راسي

حركات راسها عائشة:طرف الخبز ماشي ساهل ياكما بقيتي بجوع

حكات شعرها بحرج وشافت فيها بعدما جلسات بالقرب منها:مكانش عندي لوقت ولكن فطرت عاد جيت

تنهدات عائشة وطفات على البراد حطات خبز تاع الدار ديال لبارح مع زيت العود و الزيتو الأسود برفقة الفرماج وكاشير ناداتها لفطور وناضت غسلات يديها وكتفكر في طريقة لتخبرها بحذيفة لمن عينيه باين مصر وغادي يجيو