« بيت أبو طلال »
أم طلال : غيم و رفيف جاهزين
ورد : ايه جاهزين
طيف : ورد شفتيها كيف طالعه تهبل
ورد : أي والله ماشاءالله يجنن
أم طلال : مين غيم
طيف : اييه
تحمس يشوفها من كلامهم عنها ، رفع رأسه من دخلت وهي ورفيف
كانت لابسه فستان احمر ناعم ماسك على جسمها ، تجمد وماقدر يصد
عنها كانت جميلة بمعنى الكلمة ، ركضت رفيف لجدتها: جده كيف فستاني
أم طلال : يجنن مثلك
البنات كانوا ملاحظين طلال مسرح في غيم وماسكين ضحكتهم عليه ،
وقفت أم طلال : جاهزين تطلع
غيم : ايه
أم طلال: اجل يلا ياطلال خذ رفيف واطلع شغل سياره
ناظرته أمه استغربت انه مارد عليها كان مسرح في غيم ،
كلهم ناظروا فيه ، خجلت من نظراته عليها حتى أمه مارد عليها ،
نطقت ورد : يمه ولدك عقله مو براسه الحين
ضحكت طيف وامها التفت لهم : أشفيكم !
ورد : سلامتك هههههههههه
طيف : طلول سمعت أمي وش قالت لك
التفت لامه : يمه قلتي شي!
هزت رأسها هي تضحك : خذ رفيف واطلع يلا جاهزين
وقف يحاول يوزن نفسه : تمام يلا
مسك يد رفيف وطلعوا ،
« قصر ال شجاع »
وقفت غُرور ونوره وصبا يستقبلون أم طلال والبنات ، ضمت غُرور غيم
ولفت لنوره : أمي اعرفك على غيم
قربت نوره سلمت عليها : مثل ماقلتي والله شخبارك
غيم ابتسمت: الحمدلله وإنتي
نوره : الحمدلله
بعد ماسلموا على بعض دخلوا الصاله ، بعد فقره أ سلام وسوال عن الحال ،
بدوا الضيافه القهوه والحلى ، جلسوا البنات جنب بعض ،
ورد : مالمومك يا غيم لما قلتي عنها كل هذا البنت تتجنن
استحت غُرور ، غيم : قلت لك عسسل
غُرور: شوفوا مين تتكلم
جود : اي بنات شخباركم كملكم قاطعينا
ورد : تعرفين بعد العزاء أمي معد صارت تطلع مثل قبل
طيف : أصلاً غريبه اليوم أجينا
ورد : منجد والله
صبا : الله يرحمهم
غُرور: عادي اسأل مين !
ورد : اخوي وزوجته الي هي اخت غيم توفوا بحادث
غُرور: معليش على سوالي الله يرحمهم
ورد : عادي حبيبتي
راحوا البنات المجلس عشان يأخذون راحتهم ، جابت سديم السماعه وشغلتها
سديم : نبي اليوم انطلع طاقتنا
طيف : جوي
نادين : اهلاً بـ غُرور و غيم اول جمعه لنا وهم معنا ،
صبا : منجد صدق
دخلت جود جلست وهو متنرفزه، صبا: أشفيك
جود : اخوات ايهاب كريهات
صبا : ليش
جود ناظرت لغرور : جالسين يقولون كلام يضايق عمه نوره
غُرور : وش يقولون!
جود : كلام مستفز
وقفت غُرور: جاني فضول اعرف وش يقولون تعالي معيي
طلعت لصاله ومشت جلست جنب نوره ، وناظرت لهم ، نوره اشرت
لها تطلع بس رفضت ، نطقت أسماء اخت ايهاب : ماشاءالله مسرع ما سويتي لبنتك
غرفه في بيت اخوي
رفعت حواجبها غُرور ،و نوره ابتسمت : ايهاب سواها واختارها
مريم اخته الثانيه : يعني حتى سياره عشانك أنتي اشتراها.
غُرور ناظرت لنوره ، نوره : وش قصدك
أسماء : ابد يعني ايهاب يسوي كل هاذا عشان تحبيه
ناظرت بغرور وكملت : مو عشان شي ثاني وإلا هو مايبي يسوي كذا ومو مجبور يسويها
نوره عارفه نيتهم يبون يستفزوها ،ابتسمت ماتبي مشاكل والناس موجودين : ماتوقع يسوي عشان كذا
تضايقت كثير من تلميحاتهم لها ، حتى لو بترد عليهم هم ماقالوا شي غلط ،
