-
دخلوا ريناد وحازم الي بيعايد ام مهاب واستغربوا من الاغنيه جنوبيه ورقص غرور وجميله وناظر حازم لغرور الي ابتسمت وهزت له ، ابتسم حازم من فهم سبب رقصهم وحماس جميله وضحكها له ، سلم حازم على ام مهاب وجلس يناظر لغرور وجميله الي يرقصون ، انتهت الاغنيه وجلست جنبه غرور توريه بصوره الطلاق ، ابتسم وهز راسه لها و وبعد دقايق استاذن حازم وطلع من وصلوا اهل طلال ، ابتداء العيد باغانيه و تحضير الفطور العيد ، وبعد ساعه حطوا الفطور وفطروا الكل بفرح يعم صدورهم من جمعتهم بدون اي مشاكل،
وقف مهند ومشى للمطبخ وغسل يده ونادا امه ، دخلت ام فيصل ونطقت : سم يمه تبغى شي
مهند : سم الله عدوك يالغاليه ، ايوا زوجتي وينها مقد عايدت عليها
ابتسمت ام فيصل ونطقت : انتظر
وقفت عند باب المطبخ : يااا جوود
طلعت جود من صاله : هلا ياعمه
ام فيصل : مهند هنا يبي يعايد عليك
جود : قولي له معليش
مهند من مطبخ : وليشش ؟
جود : والله يا مهند الزواج بكره مرح تشوفني لين بكره
مهند : يالجود اول عيد وانتي زوجتي خافي ربك
جود : طيب مهند بكره قريب
مهند: يا بنت حلال تعالي بعيد عليك بسسس
جود : لاا ولااااا مرح تشوفني وتبي تعيد عليه انا هنا يازوجي كل عام وانت بالف خير
مسك راسه وضحكت امه ونطق : منتي صادقه صحح
جود : لا والله صادقه
تنهد بتحلطم ونطق : امرك لله يا بنت عمي المهم كل عام وانتي بخير يالجوده
ابتسمت جود : وانت بخير ياقلبي
ودخلت جود ونطق مهند لامه : تلعب فيني من عندك يايمه
ضحكت ام فيصل : البنت صادقه بكره العرس تحمل
-
عند رجال ناظر حازم لشادي الي دخل المجلس اشر له يجي يجلس جنبه ، ابتسم شادي ومشى جلس جنب حازم وتركي ، اخذ حازم جواله وارسل لغرور يتجهزون ويطلعون الحين ،ومناف الي جالس وفتح جواله ودخل التويتر وغرد :
يأول عيد لنا مع بعض
يا مسرة اعوامي وعيدي السعيد
كل عام واعيادي معك متواصله يازهـرتي
نشرها وجلس مبتسم ينتظر ردها ،
-عند صبا - فتحت جوالها من صوت التغريده وابتسمت تقراء بحب ، دخلت على الخاص شافته مرسل : مايحصل لنا لقاء!
وقفت مشت للمطبخ تسكر الباب ترد عليه : في مطبخ تعال من باب الخلفي
سكرت الجوال وعدلت شكلها بسرعه ،
عند غرور- لبسوا هي واخواتها و اخذوا فطور خالد الي حطته له ، وطلعوا من البيت لسياره حازم ، ركبوا في خلف وشادي قدام مع حازم ، ومشوا متوجهين للمستشفى،،
-المطبخ-
شدت على يدها بتوتر من فتح باب المطبخ الخلفي ودخل مناف وبيده باقه ورد، ابتسمت له تشوفه يمشي اتجاها ،
ترك مناف الورد على طاوله ولف عليها وهو يسحبها له ويحضنها ونطق : ياجعل كل عيد لي وانتي بقربي يـ زهره مناف
رفعت يدها لظهره ونطقت: كل عام وانت بخير يـ منافي
ابتعد ونطق :وانتي بالف خير
ناظر لشكلها بالفستان الاسود الي عليها ونطق : ماشاءالله عليك
ابتسمت بخجل تشوفه يمد لها الورد ويسولف بتوتر فيه
