طلال : تدرين عرفت ان هاذي البنت استحلت قلبه وروحه باكمال
غيم : ليش
طلال : مُلهم وقت غضبه مايعرف مين قدامه وينفجر على اول شخص يطلع بوجه ياما تعبنا معه أنا وبدر كذا بس ذي مرا غير كان خايف عليها من نفسه
كانت متبسمه ونطقت : الله يخليهم لبعض
طلال : آمين ويخلينا أحنى لبعض
ابتسمت بخفه وقربت تحضنه : امييين يارب
« اليوم الثاني ، فِ مكة في الحرم »
بعد ماوصلوا جده ، استأجروا سياره واحرموا ومشوا لمكه ، وبدوا عمرتهم ، كانوا يطوفون حول الكعبه ويكبرون ويدعون ، كانت ضي متمسكه في احرامه وفي لفه سادسه من طواف ماتدري كيف فلتت يدها ومعد شافت بدر قدامها، التفتت تدور عيونها عليه بس اختفى ، عند بدر الي كان يدعي له ولها ولحياتهم
التفت بيناظرها بس توسعت عيونه من ماشافها، لف يدور عليها بين زحمه والخوف بقلبه ، شافها تدور عليه
ومشى لها ومسكها ونطق بحده : وييين رحتتتتي
ضي تنهدت : وينككك انت خفت إني ضعت هنا
بدر : مو أنا قلت لك امسكي باحرامي
ضي : كنت ماسكته بس مع الزحمه فلتت يدي
بدر: انتبهي اليوم زحمه
مد يده وشابكها بيدها : ويدك لا تترك يدي
هزت رأسها ومشت معه يكملون لفه سابعه ، كان شعورها غريب وهي تناظر ليدهم ، وبدر الي كان يدعي بقلبه وهو يشد على يدها ان مايظلمها ويقصر معها بشي ، هو يشوف فيها شي مميز ونادر روحها المرحه الي تناسب
شخصيته و ضحكتها الي من يشوفها يبتسم لأ شعورياً و ينبسط لما تتكلم و تبسط معه بحماس ، كملوا طوافهم ، وقبل يصلون الركعتين وصلوا للكعبه ولمسوها وقبولها وهو مبسوطين أنهم وصلوا لعندها بهزحمه ، صلوا ركعتين ، ومشوا لسعي والمروه ، كملوا بعد سعي ، وقفت قدامه ، طلع المقص وقص شوي من شعره
نطقت : قص لي انت
بدر وهو يناظر لزحمه ونطق : تعالي هنا
مشت قدام الجدار وهو وقف قدامها يغطيها وطلعت خصله من شعرها ، مسكها وقصها لها ، بعد ماقصوا
إحرامهم،
طلعوا من الحرم للفندق ، وصلها وهو تروش ولبس وطلع يجيب لهم غداء ، مشت ضي طلعت لها بجامه خفيفه ومشت تدخل الحمام تتروش ، طلعت ترطب جسمها، ولبست واخذت المنشفه تلفها على شعرها بطريقه مرتفعه،وجلست قدام التسريحه وطلعت ماسكاتها واختارت ماسك لوجهها لان وقت اعتمرا كان شمس وعشان بشرتها بتحط ماسك ، حطت من الماسك الأسود ،
ووقفت من دق بدر الباب مشت تفتح له ووقفت ورا الباب ،
دخل بدر ولف يناظر وانخرش من قناع الأسود الي عليها ونطق: اللهم سكنهم في مساكنهم وششش ذااا
سكرت الباب وضحكت : أشفيك الي يشوفك يقول شفت جني قدامك
عقد حاجبه ونطق : والله شوفي وجهك وش ذا فيه
ضي : ماسك عشان بشرتي ماتتحسس
بدر : ومالقيتي إلى هلون
ضي : وش فيه بلعكس نتيجته حلوه واصلا بحط لك منه الحين
بدر : ومين الي بيسمح لك
ضي ابتسمت : من الي بيطلب انك تسمح لها
بدر : اقول امشي بس ناكل
ضي : أعطني احضره
بدر : تكفيين لا تقولين بتأكلي كذا
توّسعت عيونها: بببدر خيير
ابتسم : وش قلت أنا الحين
ضي : والله شوف ياحبيبي تعود أنا أنسانه احب العنايه وهذي الأشياء وأنت مجبور تتعود لأني
لما أحط لي وبحط لك معي
همس بخفيف : كدينا خير
ضحكت : ترا أسمعك
بدر : المهم جايع بموت هيّا ناكل
ضي : والله حتى أنا يلا
حطت الأكل وبدوا يأكلون وكانت تشوف نظراته وتضحك عليها ، شبعوا وقام يغسل وهي رفعت الأكل ،ومشت للماسك والفرشه وشمت له ، كان سادح بسرير رفع نفسه من شافها جت لعنده : وش تبين!
ابتسمت : من الحين أقول مآبي اسمع اعتراض
بدر : لااا مـ
قاطعته : والله ماترفض يلا أنا حلفت
تأفف ونطق : ياربيي خلاص تمام
ابتسمت وهي تقرب منه ، كان جالس و مثبت ظهره لسرير ، جلست قدامه وكان قريبه حيييل من وجهه، وبدت تحط له من ماسك ، ارتبك من قربها وريحتها الي داهمته ، ابتعدت وهي توقف : الله لاق عليك
ابتسم: ايي مرااا
ضحكت وهي تمشي للحمام تغسل الماسك، طلعت وهي تنشف وجهها وناظرها بدر : يعني حطيتي لي و غسلتي
ضي : كمل وقته بوجهي
بدر : كم اتركه الحين
ضي : ٢٠ دقيقه
بدر : يووههه مطول
ضي : لا الحين بسرعه تمرر
جلست قدامه نطقت : مدام معنا وقت قبل ننام بسالك كم سوال وأنت بعد اسألني ونجاوب
جلس قبالها ونطق : يلا بس الكل يجاوب بصراحه
ضي : أصلا فيه لعبه أخذناها أنا وغرور في ايباد أسأله فيها
بدر : حلو يلا
فتحت ضي أيبادها وحطته قدامهم : يلا
طلع اول سوال وكان : مشاعر حسيتها وتمنيت ماحسيت فيها أيش هي ؟
ناظرت له : انت جاوب أول
ناظر لسوال ، وتذكر يوم زواج أديم كيف كان منهار وتمنى انه ماحبها ولاحس بهذا شعور ،
ضي : وين وصلت يلا جاوب
تنهد : ماتذكر مافي شي
ضي : معقوله مافي
بدر : اييه يلا أنتي قولي
ضي : اممم موت جدي الله يرحمه لأنو كنت دلوعته ومدللته وموته كسرني كثير
بدر : الله يرحمه
ضي : آمين ، يلا سوال الثاني
طلع سوال الثاني وكان : وش الصفه الي بشخص الي قدامك تبيه يحافظ عليها
ناظرها : يلا جاوبي أنتي اول
ابتسمت وهي تناظره : شخصيتك
عقد حاجبه : كيف شخصيتي ،
ضي : يعني انت شخص الي على قلبك على لسانك ماتكذب مثل بعض الرجال ماتظلم احد ولا تكذب عليه انت مع الكل مثل مانت صح مالنا فتره نعرف بعض بس شفت شخصيتك كذا
ابتسم بخفيف وكلمتها ماتظلم احد هزته من داخل ،تنهد وهو عيونه عليها كلامها عنه كبير
ومايبي يطلع عكسه ،
قاطعت تفكيره : يلا وأنت
ابتسم وهو ينطق : حافظي على روحك هاذي
ضي : كيف !
بدر : روحك الي تحب الحياه كذا يعني مثلا يوم اول نظره في يوم الزواج لو وحده غيرك على رده فعلي وقتها
تزعل بس أنتي غير إنتي ضحكتي لأنك كنتي عارفه من توتر سويتها
ضي : بس تبقى ذكرى حلوه لبعدين يعني أنا ماحب أكون مثل الكل احب مميزه
بدر وهو مبتسم ويتاملها : وهو أنتي مميزه عنهم
ابتسمت وكملت تشوف السوال الي بعده كان : موقف صار بينا لما تتذكره دايم تبتسم
ضحك وهو يقول : البخاخ الي عميتي عيوني فيه هههههههه
ضحكت : واضح للحين ماتخطيت هههههه
بدر : وأنتي
ضي : ههههههه الفيرست لوك
بدر : حتى أنا في هاذي هههههههههه
بعد ماكملوا اساله وقف يغسل الماسك الي حطته له ، ورجع انسدح بينامون لين العشاء وبيروحون جده ،انسدح وهي جنبه ، تفاجى من لفت عليه بهدوء وهي تحط رأسها على صدره، أنصدم وحس بشعور غريب لأول مرا يحسه ، رفع يده بهدوء على ظهرها، وحط يده الثانيه على يدها الي على صدره ، ابتسمت وهي تغمض عيونها ، ناظرها وارتسمت ابتسامة بثغره ، ماينكر انه حس بارتياح وانبساط بقربها منه ونومتها على صدوره ،بعد تأمله لها دخل بنومه معها ،،
