« اليوم الثاني ، شقّه ملهم »
واقفه أمام مرايه تضع اخر لمساته وتاخذ نظره اخيره لها بالمخور، التفتت لدخوله الغرفه جاهز بثوبه وبيده كابه وينطق بدون
مايناظر لها : غرور ماشفتي كابي الثانـ....
عقدت حاجبها من قطع كلامه تنطق : اي كاب
تقدم لها وهو ضايع بتفاصيلها وينطق بفاوه : كاب !
ضحكت بخجل تنتبه لنظراته وتنطق : اي الكاب الي تبيه
اتسعت ابتسامتها من صمته وهو يتأملها ، رفعت اصابعها تطقها تنطق : مُلهم
ابتسم ينطق : عروق قلبه
غُرور: بنتاخر ترا
تقدم بهدوء وينطق : سبحان من سواك ، تحصنتي!
هزت راسها بـ لا ، وابتسم ونطق : اجل بتنظرين حتى احصنك
ضحكت ونطقت : ترأ كلهم الاهل
مُلهم : اخاف عليك من عيوني لا تصيبك وعاد كيف الاهل
ابتسمت بخفوق ، يضع يده على راسها وبداء يتمتم بالأذكار، كانت تناظره بنظرات مليئة بمشاعر غريبه وهي تسمع تمتمته بالأذكار عليها ، يحصنها بخوف كثير عليها تشوف اهتمامه لها لدرجة يخاف عليهأ من عيون ناس ومن نسمه الهوى،
ابتسمت له بعد ماكمل : وش الكاب الي كنت تدور عليه
مُلهم: اسود شفتيه
لفت لدولاب تطلعه تعطيه ، اخذه منها يلبسه ويضبط نفسه تحت تأملها له ،،
« قصر ال شجاع »
كل العائله موجودين صوت ضحك وسوالف البنات وامهاتهم في مطبخ، وصوت سوالف الرجال برا ، دخلت العامله تقول لهم غرور وملهم اجو ، طلعت نوره وصبا معها يستقبلوهم: يأهلا
اعطت غرور عبائتها للعامله تلتفت لنوره تضمها : شخبارك
نوره : الحمدلله يعيوني وانتو
غُرور: الحمدلله
مُلهم: جده وامي وينهم
صبا : امي في صاله و خوله في مطبخ
مشوا لصاله ودخلوا يسلمون على ام مهاب : ياهلا بعيالي شخباركم
مُلهم جلس جنبها : الحمدلله يامي وانتي
ام مهاب : الحمدلله مدامي شفتنا كلنا مع بعض
نوره : دوم يارب
صبا : يارب
ام مهاب : غرور يمه طمنيني عنك وجرحك ان شاءالله تحسن
ابتسمت غرور : الحمدلله يامي
دخلت ام ملهم ، وقف ملهم اول ماشافها وهو يفتح يده لها من جت تضمه باس راسها : شخبارها ام ملهم
ام ملهم : الحمدلله يامي وانت شخبارك
ملهم : بخير دامك بخير
مشت ام ملهم لغرور وقفت تسلم عليها وترحب فيها جلست جنبها ومسكت يدها تنطق : شخبارك يا بنتي
غُرور ابتسمت تشد على يدها: الحمدلله
ابتسمت ام ملهم تناظر لملهم : والله كل ماشوف حرم ولدي اقول ياحظه فيها ماشاءالله
ابتسم ملهم وهو يناظر لغرور الي استحت وينطق يزيد احراجها : والله ياحظي صدق
اشرت بعيونها له وزادت ابتسامته من نظراتها ، نطقت نوره : الله يخليكم لبعض
ام مهاب : يارب
مُلهم: الجود وينها
آم مُلهم: بالمطبخ
نطق ملهم بصوت عالي وهو يماديها : يا الجووددد
بعد ثواني دخلت جود وهو تضحك : اخييرا تذكرت ان لك اخت
وقف ينطق : افاا واخو الجود ينساها
مشت تضمه وتنطق : تراي زعلانه من اخو الجود هاه
باس راسها وينطق : وليشش
ابتعدت تنطق : اصراحه لانه سحب عليها يعني
مُلهم: افا اسحب على الكل ولا اسحب على الجود
ابتسمت تبي تورطه تنطق : حتى على غرورك
ضحكت غرور على ملهم الي سكت يناظر جود بورطه وينطق : يالجودد
ضحكت جود بصوت مرتفع :ههههههههه امزح بس بورطك
ام مهاب : بس حشرتيه
صبا : مسكيين تورط معد تكلم هههههههه
آم مُلهم: ردها لها يا مُلهم نشوف تختارك ولا تختاره
جود : امييي
ابتسم ملهم : وهى صدق لو خيرتك انا ولا مهند ميين تختارين
ابتسمت جود ونطقت: ايشش تحسبني ساحبه مثلك اكيد بختاررك
فزت من صوت مهند برا صاله : افااا ياا حرميي مهقيتهااا منكك
ضحكوا الكل على فزتها ونطقت جود ترقع : لا تفهم كذاا بسس كذبت عشان ماكون مثله
مهند : يجيي اكثر منكك يالجودد
ضرب ملهم جود بخفه على راسها : اقل شي اصملي يا خفيفه
جود دفته : اذلف انت وحرمكك انتو خفايف مو انا
مشت تطلع لمهند وجلس وهو يضحك عليها ، وقفت غرور مع صبا : بنروح نساعدهم
طلعوا من عندهم ولفت ام مهاب لملهم الي يناظر لغرور حتى طلعت من صاله : يحقلك وألله ماتشيل عيونك من عليها
ابتسم بخفه ينطق : جدده
ضحكت نوره : يامي لا تحرجينه
ام ملهم : طلع ولدي يستحي
وقف ينطق : انا طالع عند رجال
طلع تحت ضحكهم ونطقت ام مهاب : ياعمري عليهم الله لا يفرق بينهم
ام ملهم : اميين يارب
