طلعوا للحوش عند الكل ، جلست جنب البنات تسمع بدر يحكي لهم وش صار : والله وهذا مجنون مخلا
في زفت عضمه صاحيه
صبا ناظرته : كييف !
بدر : ابد هد وجهه واخر شي ختامها كسر اصابعه
شهقوا البنات : احييه كسرها
بدر : والله كسرها
غُرور ناظرت لملهم الي ساكت وهي عارفه انه كسر يد ريان عشانها ، ناظرها تناظره وهزت رأسها له ،
ابو مهاب : الحمدلله اهمشي مسكوه هذا الاهم
بدر : ايي والله
حازم ناظر لنايف وكلام ملهم يدور براسه من قال له ان نايف الي قال له ، يثير شكه اكثر ومو مصدق كلام نايف ،هو حاس ان احد من هالبيت له يد بخطف غرور من الباب الي مو متكسر وكان احد فتحه لهم ، يشوف نظرات نايف الغاضبه لامه ،ويناظر لام نايف وهو مو مطمن لها من بدايه ومن بعد كلام ريناد ان امها ماتحب غرور، شاك او شبه متأكد انها له يد في الخطف ، تنهد يوجه انظاره لريناد الي صاده عنه وواضح للحين شايله بخاطرها ،
وقف ملهم : احنا نستاذن
ام مهاب : بدري يايمه تسحروا هنا
وقفت غرور ونطق ملهم : يوم ثاني ياجده
ام ملهم : الله يحفظكم يايمه
مشت غرور جنبه : يلا فمان الله
طلعوا ملهم وغرور وبعد وقت دخلوا الحريم والرجال تفرقوا ووقف حازم بيستأذن بس تذكرها والتفت لبدر : نادلي ريناد
بدر هز راسه: روح مجلس والحين تجيك
دخل حازم المجلس وراح بدر يدخل البيت: ريناد
طلعت من مطبخ : هلا
بدر : حازم بلمجلس يبيك
ناظرته وميلت شفتها تهز رأسها: تمام
لبست نقابها تطلع من البيت تتوجه للمجلس ، وقفت قدام الباب تاخذ نفسها وتدخل ، رفع راسه لدخولها ،
فكت نقابها تناظره و تنطق: شبغيت
رفع حاجبه من نبرت زعلها : بغيت شوفتك
ريناد : ماتوقع تطلبها بعد الي صار اليوم
حازم : تعالي اجلسي
مشت تجلس امامه وابتسم لعنادها ، نطقت: وش تبي
حازم : واضح زعلك شين
ريناد : ناديتني عشان تقول هذا
هز راسه بنفي : لا ناديتك عشان اطيب خاطرك ماروح وهو شايل علي
رفعت حاجبها تنطق : يعني الجلاد يعرف يعتذر
ابتسم ونطق: مين قايل لك اني بعتذر
عقدت حاجبها : رغم غلطك
حازم : ماغلطت
ريناد : للحين صامل على طبعك
زادت إبتسامته: وش فيه مو عاجبك
ريناد : طبعك اليوم ! لا والله مو عاجبني ماسمعت كيف رفعت صوتك علي
حازم : مارفعته وان رفعته مانتبهت بس ليش ماتعطيني الحق
ريناد : هذاك كله ومارفعته
حازم : لا
تنهدت ووقفت : لو كمل كلامك بطلع
وقف ومشى امامها ونطق : لا ماكملته
ريناد : ليش تسوي كذا اذا هذا الي كان بتقوله كان مانديتني
حازم : اذا كان تنتظرين اعتذار الجلاد مايعتذر
رفعت حاجبها : حتى وان غلط
ابتسم : وحتى ان غلط
ريناد : تمام اقدر اطلع
هز راسه بنفي : لا
تأففت ونطقت: طيبب وش لسى
لانت ملامحها وغمضت جفونها من احتضن وجهها بين كفوفه ويقبل جبينها يبتعد يسحبها لصدره يضمها،وينطق بهمس : الجلاد ماينطق الاعتذار لاكن عنده طرقه بدالها
رجف قلبها من قربه وريحته الي لخبطت مشاعرها ، ابتسم وهو يحس برجفتها يشد عليها اكثر،
ابتعد يناظرها : بروح توصين على شي
ناظرته بربكه وهزت رأسها بنفي ، طلع مبتسم وهو يروح ويطلع من القصر ، صحت على نفسها تاخذ نفس : اوفف منه
يعرف يشتتني
هدت نفسها تطلع من المجلس ترجع البيت ،،
