« قصر ال شجاع »
-تحديداً جناح مُلهم و غُرور -
رتبوا اغراضهم بعد ماوصلوا علطول ، كانت واقفه قدام التسريحه تحط أغراضها
حق جامعه ، التفتت له كان واقف عند رُكن القهوه ، لف نظره لها وناظرها
ونطق : اسوي لك كوب معي
هزت رأسها بـ تمام ومشت جلست على الكنبه تناظره وهو يسويها ،
كمل منها ومشى لعندها ومد الكوب لها واخذته ، جلس فِ جهه الثانيه من كنب ،
وناظرها ونطق : بكره بتداومي
غُرور : إيه
مُلهم : أوصلك !
غُرور : لا بروح بسيارتي أنا وغيم
مرت دقايق وهم ساكتين ، شربت من القهوه وهي متجاهله نظراته عليها
قطع صمت من سالها : لسى شايل خاطرك
ناظرته : ليش
مُلهم : من امس
هزت رأسها: لا أصلاً انتهت السالفه
مُلهم : وليش للحين تسوي كذا
غُرور : وش اسوي!
مُلهم : أسلوبك كذا معي
غُرور : وش فيه أسلوبي
مُلهم : يمكن تتجاهليني
ابتسمت: يعني وش تبيني اسوي
مُلهم : الي تبينه بس لا تسكتي كذا
ضحكت بخفه ونطقت : واضح تعودت على صوتي كثير
ابتسم بخفيف : اكذب واقول لا
ناظرته : ماشاءالله بسرعه تعودت
مُلهم : تعودت أشوفك واسمعك نفس قبل لا تصيري كذا
غُرور : كيف صرت!
مُلهم : شخص ثاني مو انتي نفسها غُرور قبل صرتي كذا عشان سالفه امس
غُرور : مآبي أقول شي ويمكن يعصبك مثل أمس لا تقول خوف لا بس مآبي مشاكل
مُلهم : امس يختلف
غُرور : كيف يختلف
مُلهم : شخص يتكلم في حرمي كذا أكيد ما رضى و بغضب
غُرور : من سوء حظي كنت أنا بوجهك
مُلهم : يعني
غُرور: وبتكون دايم كذا لما تعصب معي !
مُلهم : لا
ضحكت : ان شاءالله
سكتوا شوي وسالته : بسالك شي
مُلهم : وش!
غُرور : امس عرفت انك شخص ما تومن بالحب ولا تحب طاريه صدق أنت كذا !
عقد حاجبه : كيف عرفتي
غُرور : سمعت هو صدق أنت كذا
رجع ظهره للخلف وأخذ نفس وش يجاوب اول مرا يحس قراره متشتت ، بس ليش! دايم إذا احد ساله جوابه معروف بس الحين هي سالت غير منها ، ناظرها وهي كانت
تناظره نطقت : ليش ساكت !
ماقدر يغير جوابه المعتاد ونطق : مافي شي اسمه حب
رفعت حاجبها : ليش تقول كذا الحب موجود دايم
ناظرها : انتي قد حبيتي يعني !
هزت رأسها : لا يعني الرجال الي بحياتي اعرفهم مو كثير بس أنت معقول ولا مرا قد حبيت
مُلهم : لا لأنه مو موجود
غُرور : غلطان هو موجود
مُلهم : طيب كيف تعرفي إذا كان شخص يحب
غُرور : يعني أنت ماتعرف شعور الحب كيف
هز رأسه بـ لا ، كملت : صح أنا مقد حبيت بس شعور الحب معروف
مُلهم : كيف شعوره !
غُرور أخذت نفس ونطقت : مثلاً إذا غمضت عيونك وشفت هإنسانه بين عينيك وبين جفنك فهي مستوطنه تفكيرك وإذا كنت دايم تفكر فيها حتى ولو كانت جنبك وحولك فهي أخذت كل مافيك وترا الحب عمره ماكان باللمس والمسافات أو بالشكل، الحب هو احساس بداخلك تنجبر بسببه تضحي باشياء كثير عشان ما تخسر هالشخص، أما الحب من نظره ومن أسلوب ومن شكل هذا مجرد إعجاب ، بس لما تتعمق بالشخص وتحب عيوبه وتبقى معه بالحلوه والمره وكيف ماكان
شكله و تشوفه غير عن الكل بعيونك هذا تقدر تسميه الحب ، شافته ساكته ويناظرها ، حطت الكاس عطاوله ووقفت : أنا بنزل عند البنات
هز رأسه لها ومشت أخذت عبايتها وطلعت من الغرفة،
كلامها عن الحب ووصفه له عميق مرا ، كل الي قالته هو يمر فيه ، كيف بلبدايه هو إعجاب وفجاه صار حب ! تنهد وهو يفكر بشعور الي يحسّه معقول هو الحب ، هو فعلاً في البداية كان يفكر من شكلها بالأبيض ، وبعد ماعرفها اكثر صار متقبلها بعيوبها وغرورها و لسانها وهو صار معها بلمره قبل الحلوه هو يشوفها بعيونه صدق غير عن الكل، يعني كذا هو يحب ! غمض عيونه وشاف طيفها يمر اول ماغمض فتح عيونه وعقد حاجبه وتذكر كلمتها { إذا غمضت عيونك وشفت هإنسانه بين عينيك وبين جفنك فهي مستوطنه تفكيرك وإذا كنت دايم تفكر فيها حتى ولو كانت جنبك وحولك فهي أخذت كل مافيك }
وهو فعلاً يفكر فيها حتى وهي جنبه ، رفع ظهره من حس بدقات قلبه تتسارع أخذ نفس وهو يمسح وجهه وحاول يشتت أفكاره مد للملفات علطول وأخذها فتحها وهو يهرب من تفكير فيها بعمله ،،
