« اليوم الثآني العصر ، مكتب لمى »
طلعت غرور من عند لمى بعد ماتواصلوا مع رجال ، كانت بتطلع بس وقفت باستغراب من جدها الي معصب مرا ونواف قدام مكتب غلا ،
مشت لها تنطق : جدي !
التفتوا لها ونطق ابو مهاب : غرور شتسوين هنا ؟
غُرور : جيت عند لمى بس انت وش تسوي واشفيك معصب !
ابو مهاب بغضب : عيال الذيينا غششوني وسرقووني والله مايسلمون منني
غُرور ناظرت لنواف : وش صار
نواف : جدي اشترا ارض بمبلغ كبير ولما راح للارض لقي واحد يقول ارض له وكلهم تهاوشوا ان الارض كل واحد حقه
ابو مهاب : انا موقع على صك ودافع مبلغها كامل
غلا : طول بالك ياعمي ابشر مالك الا الي يرضيك انا هالفتره موقفه عمل بس الحين نروح عند لمى ونقول لها
غُرور توسعت عيونها وهي قبل شوي عند لمى الي دخل جدها عندها معصب ونفس الكلام الي قاله جدها قاله جد لمى لها ،
نطقت : جدي انت تعرف اسم الي قال الارض حقه
نواف : ايه جبت اسمه زيدان ال زيد
نطقوا غرور وغلا مع بعض : ايشش هذا جد لمى
غرور ناظرت للغلا: غلا جد لمى عندها ترا
غلا : يراسي كيف كيف امشوا امشوا عند لمى نفهم اكثر
مشوا كلهم يدخلون مكتب لمى الي جدها كانت نفس غضب ابو مهاب ،
« قصر ال شجاع ، بعد المغرب»
غُرور جالسه جنب جدها الي معصب : ياجدي سمعت وش قالت لمى
نوره : وش قالت وش صار
ام مهاب : ايه قولي لنا من بدايه
غُرور: والله قالت ان جدي وجدها انضحك عليهم صاحب الارض باع من جدي جزء وجزء ثاني لجد لمى بس انضحك عليهم انهم دفعوا حق ارض كامل جدي وجدها يحسبون اشتروا الارض مساحتها ٩٠٠ بس في حقيقه جدي اشترا ٤٥٠ بس وجد لمى ٤٥٠ يعني الاثنين انسرقوا فلوس حق ارض ثانيه كذا
نوره : طيب لمى ماتقدر تسوي شي
غُرور: لا لان الوراق قانونيه مافيها غلط اسفه ياجدي بس هم وقعوا بدون مايشوفون كم مساحه الارض
ابو مهاب : هو انا والكلب متفقين على ٩٠٠ وش انا شفت الارض لما رحت ٩٠٠
غُرور: ايوا بس في الصك انت موقع على ٤٥٠
بدر : والله ضحك عليهم
مُلهم: والله
تنهد بغضب ابو مهاب يطلع من صاله لمكتبه وينطق خلفه : مُلهم الحقني
وقف باستغراب يطلع وراه لمكتبه ، انتبهت غرور لجوالها يتصل ، اخذته و عضت شفتها من اتصال الرجل عليها باستمرار، سكرت وارسلت للمى انهز يتصل كثير عليها وش تسوي ،
-مكتب ابو مهاب -
جلس ملهم امامه يناظره ، اخذ نفس ابو مهاب ينطق: الخاطر عاده شايل على سميك
ناظره وهز راسه: مايشيل على سميه الخاطر
ابو مهاب: وليش نظرات تغيرت
مُلهم: كيف تغيرت
ابو مهاب :تناظرني وكاني غريب
اخذ نفس ينطق : بعمرك ماتكون غريب لسميك
ابو مهاب : تعرف هذيك الفتره ماكنت بوعيي صح
مُلهم: اعرف بس ياسميي اكذب عليك لو قلت نسيت
ناظره بحزن ينطق : امس خليت فاطمه تقول لي بتفصيل وش سويت معكم يوم قلت لك طلقها
ناظره ملهم يسمعه يكمل : تتوقعها مني ياسمي جدك اني افصلك عن غرور يعني ماشكيتوا اني فيني شي
مُلهم: في ذيك الحظه كل شي كان مختلف
ابتسم ابو مهاب : والله يا ملهم مستحيل ارضى ولا ارضاها انا سويت كل شي عشان اجمعكم
ابتسم ملهم : حتى مثلت تعب
ضحك وهز راسه : حتى تعب كان لعبه عشان توافقون على زواج رغم معرفتي محد فيكم راضي عليه حتى لو تتذكر خليتكم تعتذرون لبعض
آبتسم ملهم ونطق : كله عشان تجمعنا
ابو مهاب : عشان اجمعكم سويت كل شي عشان توافقون
ناظره ملهم ونطق : مدام كل شي انتهى لا يضيق صدرك انا مستحيل اشيل عليك ياجدي هذيك فتره كانت أيام سوداء علينا وراحت
هز راسه ونطق : الله لا يعيدها من ايام
ابتسم ملهم يلطف الجو : مدامنا يا ملهم شجاع نتكلم ليش اخترتها لي هي بذات
ابتسم ابو مهاب : شفتك في غرور وعرفت من اول يوم جت هنا محد بيقدر عليك غيرها محد بيكسر ثقل الملهم الا غرورها محد بيقدر يخليك انت الا هي
ابتسم ملهم يهز راسه ، رفع حاجبه ابو مهاب يكمل : ولا لا ياسميي ، لو رجع فيه الزمن بترفض وبتقول جدي جبرني
ناظره ملهم وهز راسه بنفي ، ضحك ابو مهاب : شكلها بنت نوره مب سهله على قلب الملهم
اخذ نفس ملهم ينطق : والله مي سهله
ابو مهاب : الحمدلله ماغلطت يوم حطتكم براسي كنت خايف الي ابغاه مايصير
مُلهم ابتسم : والحين انا اقولها لك الحمدلله انك حطينا براسك
ابتسم ابو مهاب براحه : الله يخليكم لبعض يارب
مُلهم: امين
