« اليوم الثاني العصر ، يوم عقد حازم و ريناد »
كانوا غرور ونوره بغرفه غرور يتجهزون ملابسهم لليل ، وقفت غرور بتسوي شعرها بس مسكت بطنها
بالم ، التفتت لها نوره : بسم الله عليك فيك شي
غُرور : مدري بس الم تحت بطني
جلستها نوره ونطقت : الحين خف
غُرور : شوي من ايش بسم الله
نوره ابتسمت : لايكون !
ناظرتها غُرور : وشو
نوره : لايكون ننتظر حفيدي
لانت ملامحها : امي وش تقولي لا مافي شي
نوره : يلا قومي نروم مستشفى نشوف
غُرور: مغص عادي
نوره : قد جتك او لا
ناظرتها غرور واستوعبت ان يمكن لها ٧ ايام ماتجي لها نطقت : غايبه اسبوع
نوره : اجل قومي يلاا نشوف يمكن حفيدي جاي
غُرور: مافي شي احس وبعدين اليوم مشغولين
نوره : كلها ساعه يلا مرح نتاخر اكثر يلاا مابي اعتراض بنزل البس عبايتي وانتي لا تتاخري
طلعت نوره بحماس وغرور بمكانه تفكر يمكن تكون حامل ! مشت قدام المرايه وهي تميل بجسمها
تناظر لبطنها ابتسمت من فكره ان احتمال ثمره حبهم يمكن تكون موجوده!
طلعوا نوره وغرور متوجين للمستشفى، نزلوا الاستقبال وطلبوا يقابلون دكتوره نساء ،
جلست في انتظار بتوتر مسكت نوره يد غرور وهي متحمسه ، وقفوا من نطقت ممرضه ،
باسم غرور دورهم ، دخلوا عند الدكتوره وحكت نوره لها اعراض غرور و وتاخر الدوره عليها ،
الدكتوره: يمكن يكون حمل بس بنتأكد بتحاليل والاشاعه الحين اقطعي الوصفه واسحبي دم
وبعدها تعالي نسوي اشاعه
غرور : تمام
طلعت هي نوره للاستقبال قطعوا الوصفه ومشوا لقسم مختبر واخذوا دم منها مشت ترجع لدكتوره وهي متوتره ، دخلوا عندها وطلبت منها تنسدح على سرير وترفع بلوزتها ، اعطت نوره شنطتها ونقابها ،
انسدحت ترفع بلوزتها وجلست الدكتوره قدامها تحط الجل على بطنها وتاخذ الجهاز تمرره على بطنها ،
كانت دكتوره تناظر الشاشه نطقت : يمكن متأخره الدوره عليك لانو مافي كيس حمل
لانت ابتسامتها وتناظر نوره الي ابتسمت وتنطق عشان مايضيق صدرها: لسى اصلا بدري يابنتي
عقدت حاجبها الدكتورة من الي تشوفه وقفت تمشي لمكتبها وتقول لهم يجيون يجلسون ،
قامت تمسح بطنها وتعدل لبسها اخذت شنطتها من نوره ومشوا جلسوا قدام الدكتوره،
ناظرت الدكتوره للكمبيوتر وتشوف تحاليلها ونطقت : مثل ماقلت لك مافي حمل
غرور نطقت بهدوء : خيره ولسى بدري
نوره : اييه
الدكتوره: بس في شي
ناظروها ونطقت نوره : وش فيه يا دكتوره
ناظرت الدكتوره لغرور : بسالك قد تعرضتي لحادث
غُرور هزت راسها: لا ليش!
الدكتوره: طيب تعرضتي اصابه في رحمك!
غرور : كيف يعني مثل ايش !
نوره بقلق : دكتوره وش فيه
آلدكتوره : مثل قد تعرضتي لعنف!
عقدت حاجبها غرور : اييه ليش
الدكتوره : طيب فيها قد حصلتي ضربه قويه في رحمك يعني لدرجه سببت لك نزيف او شي
نوره : دكتوره وش فيه
غرور : ايه قبل سنوات حصلت ضربه قويه حتى بعدها صرت بنت يعني نزلت لي اول مرا
اخذ نفس الدكتوره : بس هاذي ماكانت الدوره عاديه ياغرور
غرور : كيف!
الدكتوره: في اشاعه الي سويتها شفت رحمك فيه شي متضرر و توقعت حادث او شي عشان كذا سالت
نوره : طيب ان شاءالله مو شي خطير
الدكتوره كملت وهي تناظر لغرور : يعني على حسب عملي وخبرتي لسنوات قد جتني حالات مثل كذا
احتمال كبير ماتقدر تصير ام
ارتخت ملامح غرور تنطق : ايشش
نوره : كيف يعني ليش
الدكتوره: بسبب الضربه الي صارت لها صار لها نزيف من رحم و لانو مانتبهت انها مو دوره العاديه
تضرر رحمها وصار تعبان حتى لو حملت مرح يثبت ويطيح وبيكون خطير على الام وبيكون اصلا الحمل معجزه بس بكره تعالي عندي عشان اتاكد اكثر نسوي اشاعه و تحاليل ثانيه
سكتت معد قدرت تنطق شي ، تحاول تستوعب وش تقول الدكتوره يعني ماتقدر تصير ام مرح يكون فيه ثمره حب بينهم منها ، تنهدت نوره بضيق على غرور الي ساكته ومصدومه ،
