« طولت البارت لاجلكم وأعذروني على التأخير يـ حباني»
-
سكتت شوي ونطقت تستوعب ونطقت : يعني حازم هو يكون ولد جيهان و ولد،،
شهقت وغطت على فمها بصدمه اكثر ومن هاذي الصدفه المرعبه بنسبه لها ، رفعت راسها تناظر لحازم الي واقف ينفض الرمل من عليه ، ولفت تناظرها واقفه بجهه ثانيه ، مو مستوعبه كييف الأقدار جمعتهم هنا ، كلكم بنفس المكان بس محد يعرف الثاني مين ،
-دخلت م نايف -
جالسه على اعصابها تستوعب الي صار والي بيصير ، التفتت لصوت جوالها تشوف خديحه متصله ، وقفت تطلع من صاله ترد عليها
ام نايف : الو
خديجه : ثريا اخر مره اقولك مرح تلقين طريقه تساعديني فيها
ام نايف : مو وقتتتك انتن كفايه الي عندي لو تعرفين وش صار
خديجه : وش صار
ام نايف : تذكرين سيف
خديجه: سيف مين !
ام نايف : الي يقرب ل جيهان
استغربت خديجه : وش جاب اسمه الحين
ام نايف : سيف يكون ابو حازم زوج بنتي
خديجه : كييف انتي مزوجه بنتك ولده ؟
ام نايف : ايوا ماكنت ادري انه هو نفسه
خديجه توها تستوعب : دقيقه حازم هو نفسه ولد جيهان!
ام نايف : ايييه هو لو يعرف والله ينهي امري
خديجه: اتركي هذا الحين يعني انتي مستوعبه ان الحين حازم يعرف اخته !
ام نايف : يعرفها صفتها بنت ماتعني له شي مو اخته
« عند شباب »
التفتوا على صراخ ملهم وسعود جاي من جنب المستودع، مشوا مسرعين الرجال والبنات وراهم يشوفون وش فيهم ،
وقفوا بصدمه من شافوهم جالسين على الارض يلعبون بلستيشن ، ملهم وسعود وهم يمشون لقوا في مستودع سوني وشبكوه وجلسوا يلعبون ، أبتسموا من شافوهم متحمسين وفجاة بدون اي اتفاق صاروا متقسمين الي فريقين ، ال شجاع باكلمهم مع ملهم و ال زيد مع سعود ، وبعد وقت من حماسهم و لعبهم صار وضع بين ملهم وسعود شخصنه وغضب ، توتروا الكل من الشد الي صاير بين بينهم وكل واحد ماسك اليد وضاغط بكل قوته وأعصابه مشدوده، رفعوا نفسهم على اخر ثواني الاثنين كانوا متعادلين باقي هدف ويتحدد الفائز ،
عند بدر الي عارف ان هالعبه بتسوي هواش اشر لضي الي جت لعنده : اشفيك
بدر همس لها : بسوي شي بس بعدها ابي فززعتك
ضي : وش بتسوي!
بدر : بفصل السوني عليهم وبعدها الاثنين بيذبحوني
ضحكت ضي ونطقت : وش علي اسوي
بدر : تجيبين سلاحك وتفزعين لي
ضربت صدره ونطقت : احتزززمم يالبدر وراك ضيك ماتخليك
مشى بدر وهو يوقف عند الفيش ، شمر ثوبه وبحركه سريعه فصل الفيش وفز يركض ، التفتوا ملهم وسعود من طفت الشاشه وهم يناظرون بدر الي يركض وفزوا بغضب وهم يلحقونه ، واول مامسكه سعود ويطيحه ، تقدم ملهم وهو يمسك بدر يقيدونه بلارض وهم يهاوشونه ويصارخون ، ركضت ضي لشنطتها تاخذ بخاخ الفلفل حقها وترجع تركض لعندهم ، ووقفت وراهم وهي تصرخ : اتركوه انت وياههه
ملهم نطق بحده : يخسسىى والله لاويه اليوم
ضي نطقت : اقوولل اتركواا زوجيي
ملهم لف وكان بينطق بس صرخ من بخت بخاخ فلفل بوجهه ، غمض عيونه بالم وسعود لف بصدمه بس ضي بحركه سريعه بخت فوجهه، طاحوا الاثنين بالم بعيونهم وهو يصرخون ، توسعت عيونهم بصدمه وانفجروا كلهم يضحكون عليهم وفزوا غرور ولمى ل ملهم وسعود يآخذونهم للمغاسل وهم ميتين ضحك ، ووقف بدر ينفض التراب من عليه ، والتفت لضي وهو ينطق بعلوا صوته : حيييك يا بنتت منير حييك ياحرم البدرر
ومشى يحاوطها ونطقت ضي : احتزم قلت لك
نطقت صبا وهي ميته ضحك : ضيي وش سويتيي
ريناد وهي تمسح دموعها : هههههه ضي منتي سهله
ضي نطقت وهي تناظرهم : والله محد قايل لهم يجوني للبدر وانا موجوده
بعد ضحك و طقطقه على ملهم وسعود دخلوا البنات للاسطبل و رجال جالسين برا ، طلعوا الخيول البنات لساحه الثانيه ورا الإسطبل، مكان دايما ملهم والباقي يتسابقون فيه ، نطقت ضي : غرور وش رايك
ناظرتها غرور وفهمت عليها نطقت : يلااا
جود : وش لايكون بتتاسبقون
ضي : اييه انا بـ خيل بدر
غرور ناظرت للاصيل : غرام جديده لسى بطلع على الأصيل انا
صبا : كل وحده على خيل زوجها يلا
نطقت ريناد: لازم يكون فيه جائزة
ايلاف : لازم يلا وش
ورد : الي تخسر نحدد يوم وتعزمنا يوم كامل
البنات ضحكوا ونطقوا : اييوا
ايلاف : اجلل انا مع بصف ضي
ريناد وغيم : وحنا مع غرور
وتقسموا البنات لفريقين مع غرور و مع ضي ، ضبطوا وشدوا نقباتهم غرور وضي وطلعوا على الخيول ، استعدوا البنات وفزت ايلاف تنطق : دقيقه بثبت الجوال عشان مايكون فيه ظلم ونشوف ميين تفوزز
شغلت الفيديو ايلاف وثبتت الجوال والتفتوا لـ صبا الي ربطت الحبل ونطقت : الي تقطعه هي الفايزه يلااا
شدوا على لجام ونطقت صبا العد وانطلقوا بالخيول ، وبدوا البنات يصرخون ويعززون ، عند الرجال ، الي وقفوا من حماس وصوت البنات ومشوا للساحه الي هم فيها ، دخلوا عندهم ونطق سلطان : وش فيكمم
جود : غرور وضي يتسابقون بالخيول شوفهم
التفتوا الرجال لغرور وضي الي على الخيول ، ونطق ملهم : حرمي على غرام!
صبا : لا الاصيل وضي على الاحزم
ابتسم ملهم وناظر بدر ونطق : منافسه قويه
بدر ضحك : اجل انا بصف حرمي
وملهم رفع حاجبه ونطق : وانا واضح مع من
وكلهم يناظرون للبنات الي صاروا راجعين بكل سرعه و قوه ، غرور ناظرت لضي الي تضرب لجام الاحزم ، ناظرت قدامها وهي تضرب بكل عزيمه وتشد على لجام ونطق : يلااا يا لااصيل يلاا
كلهم الشباب والبنات يناظرونهم وهم يعززون بكل حماس ، وملهم يناظر لغرور الي جايه على الاصيل بكل قوه عليه ، وكانت اول مرا يشوفها تسابق وماتوقع تعرف كذا ، كلهم ناظروا للبنات الي قربوا وصرخوا من انقطع الحبل بس مو واضح ميين الي فاز لانهم وصلوا مع بعض ، نطقت صبا : ميين قطعه
ايلاف ركضت لجوالها : استني نشوف الفيديو
غرور وضي وافقين وهم لسى على ظهور الخيول ، شافوا الفيديو وكيف الاصيل قطع الحبل و غرور الي فازت ، صرخت سديم : غرور فاازت
ضحكت غرور ونطقت لضي : الاصيل محد يتحداه ياحبيبتي
ناظرها ملهم وهو مبتسم لها ، مشى لعندها ورفع يده لخصرها ينزلها ونطق : قسم بالله فخررر يا غرور الملهم
غُرور: ولاصيل ماقصر
التفتوا لريناد الي نطقت : غرور تكفين بطلع على غرام
غرور : روحي ياعيني
مشت ريناد وهم يصورنها وابتسم حازم وهو يشوفها تطلع على الخيل ، وطلعت ريناد وهي تسحب الجام وتمشي بغرام ، بس الي صار غرام هجت فيها حاولت توقفها بس غرام مارضت ، فزت غرور تنطق : ريناادد اسحبيي لجااام
بس ريناد سوت العكس وحظنت غرام الي ركضت ، فزوا كلهم واولهم حازم وراها ، بس وقفوا من ريناد الي طاحت من ظهر غرام ،
ركض حازم بكل سرعته لها وهو ينحني لها : رينادد فيك شيي
رفعت نفسها وهي ماسكه قدمها وتنطق : رجلي توجعني
ركضوا بدر وطلال لغرام الي هجت ، وكلهم تجمعوا على ريناد الي ماسكه رجلها وتنطق انها كثير توجعها، مسكها حازم ونطق بخوف : بنروح مستشفى ونشوفها
سعود : انتظر ياحازم هنا فيه دكتور خله يشوفها واذا فيها شي ودها مستشفى
التفتوا لفيصل ونطق سلطان : صح فيصل دكتور يشوفها
التفت حازم لهم وهو مو متقبل ونطق ملهم له وهو يمسك كتفه : الي يقولونه صح اتركه يشوفها اذا مكسوره نوديها مستشفى الحين
ناظر حازم لريناد الي تناظره وهز راسه بدون ماينطق ، نطق ملهم لفيصل : تعال
تقدم فيصل وهو ينحني جنب حازم ونطق : فسخي الجزمه
بس حازم سبق ريناد وهو يفسخ جزمتها ونار الغيره بصدره ، تقدم فيصل وكان بيمسك رجلها بيشوفها لو مكسوره ، بس وقف من التفت حازم بحده له ، تردد فيصل يكمل من نظراته الحاده ، نطق ملهم وهو يشوف نظرات حازم : كمل يا فيصل شوفها مكسوره
عض شفته حازم وهو يناظر لريناد مايبغى يشوفه وهو يمسك رجلها ، اخذ نفسك فيصل وهو يمسك قدمها ويسالها: كيف الوجع
نطقت بالم : لما تضغط فيه الم
حرك قدمها بحركه دايره ونطق : والحين
اخذ نفس وهو يحس بنار تغلي داخله وهو صاد ونطقت ريناد : فيه شوي
فيصل الي حس حازم باي لحظه بيقتله نطق : مو كسر لانه لو كسر ماكنت كذا بس يمكن بس التوت وهي تطيح لو فيه ربطه يكون احسن وتخفف الالم
نطقت حازم : معي بسياره
فيصل : جيبوها الفها عليها
وقف حازم الي يحس نفسه بينفجر مسك ريناد وهو يوقفها ويسندها ونطق بحده : مافي داعي انا
ومشى وهي سانده عليها تحت انظارهم مايبغى يقعد ويمكن يقضي على فيصل ، كانت ريناد تحس فيه وكيف واضح عليه الغضب من ملامحه ، مشوا لسياره حازم وهو يتركها تسند عليه بثقلها ،،
