دخلت الحمام ، علقت الملابس ، ناظرت لنفسها في مرايا ،
وابتسمت وهي تقول : شكلها الدنيا بتضحك لك اخيراً
صار عندك ام تحبك وتفكر فيك انتهت معناة خالد وخديجه خلاص انتهوا
اخذت نفس وهي تمسح دموعها ، الحين هي بتداء حياة جديدة وناس مختلفة، لازم تبداء تتاقلم عليها،
~ عند نوره ~
واقفه تسوي توست وعصير فواكه لغُرور ، انتهت منه كانت بتطلع من مطبخ بس وقفت منه ، وحطت صحن على طاوله ، رفعت راسها ماتبي تبكي وهي بتطلع عند غُرور، عضت شفتها سفليه وحنت راسها، نزلت دموعها بحرقه وقهر، دخلت عندها ام مهاب : يمه
ناظرتها نوره وتقدمت لامها وضمتها: حرموني منها يايمه ٢٢ سنه مرت وانا مادري ان بنتي موجوده
ام مهاب وهي تمسح على ظهرها: خلاص يايمه الحمدلله بنتك الحين عندك
ابتعدت : كبرت حيل يايمه كبرت وصارت شابه حرموني من طفولتها ومنها
ام مهاب : بتعوضون كل شي يابنتي وراكم عمر طويل والحين اطلعي لبنتك وخليك معها البنت اكيد الحين مستنكره الوضع
طلعت لعند غُرور ، شافتها قد انتهت من حمام، حطت الصحن على طاوله ، جلست جنبها وابتسمت لها ، اخذت المنشفه من يدها وبدت تنشف شعر غُرور ، كانت معطيه نوره ظهرها وهي تنشف شعرها، ابتسمت داخلها اول مرا تجرب هذا الشعور ، بدت تاكل وهم يسولفون ويحكون لبعض عن نفسهم ، انتهت من الاكل ووقفت تغسل ، طلعت شافت نوره جالسه على السرير ومشت لعندها ، نطقت نوره : اليوم بنام وبنتي بحضني بتنام
ضلت واقفه بمكانها ، ابتسمت نوره : اشفيك!
ضحكت بخفه : من اعتاد على القلق ظن ان الطمانينه كمين اعذريني مو متعوده على مذا
ضحكت نوره ومدت يدها وسحبت غرور ، ضمتها : والله قلت لك بطفشك ، يعني صح انك كبيره بس بعوض كل شي معك
أمتلأت محاجرها، عضت شفتها سفليه تمنع نفسها تصيح ،
كذا غريب عليها ، فرحت ان امها غير عنهم بس نحس بغرابه مذا ، حست بيد نوره على راسها تحصنها ، اول مرا بحيتها احد يحصنها غير نفسها، بعد وقت نامت غُرور ، اخذت جوالها نوره وشافت راسها من ايهاب تمه بلمجس الخارجي، وقفت باست راس غُرور ، دفتها زين وطلعت من الغرفة،
نزل جواله من شاف انها فتحت الرساله يعرفها تماماً الحين مو ماجيها نوم من فرح واكيد انها الحين ماسكه نفسها غصب لا تصيح بعد دقايق دخلت عنده المجلس ابتسم لها ، مشت جلست جنبه ضلت ساكته ، نطق : كتفي ثابت لاجلك يانوره
كتفي لك سند وقت ضيقتك وحزنك
ناظرته وقربت من عنده ،ميلت راسها على كتفه وهي ساكته ،
حس فيها تبكي بصمت ، لف وجهه وشاف وجهها وعيونها والدموع الي تنهمر ، رفع يده وحاوطها ، مسكت يده الثانيه وشدت عليها وهي تبكي بقهر على سنوات الي راحت وهي بعيده عن بنتها ، مسح على ظهرها ويسمي عليها كل ماسمع شهقتها ، بعد نوبه بكاء هدت نفسها ، مدت لها مناديل اخذتها ونطقت : خايفه ياخذها مني
ابتسم يطمنها : تطمني والله مياخذها وانا موجود وأبوك موجود كلنا حولها ومرح نسمح له يتقربها
نوره : مبسوطه كثيير صح ماشفتها من صغرها بس اقل شي هي موجوده راحت سنوات كثيره وانا اضن انها متوفيه الله يحميها لي
ايهاب: وباقي الايام وسنوات الجايه تعوضون كل شي راح
سولفت له وش سوت مع غُرور وهي مبسوطه ، تاخر الوقت وطلعت تنام معها ، وايهاب ورجع بيته ،
