ميلت شفتها تمشي له وتدخل يدها حول ظهره وحشرت راسها بصدره ، حاوطها بكفوفه يتنهد ، نزل راسه وباس راسها يشدها ويلمها اكثر لصدره ، مشى يجلس ويجلسها بحضنه ،ابعدت راسها تناظره وشافت شفته مجروحه ، ميلت شفتها ترفع يدها تمسح عليه بهدوء
ونطقت بهمس : ليش رحت له
تنهد ونطق : لسى تحسي بتعب
هزت راسها بنفي تناظره بصمت ، رفع يده لخصلات شعرها يرجعها للخلف ونطق : لا تفكرين بكلامه
اخذت نفس وهزت راسها بـ تمام ، ناظرها ونطق بهدوء : غُرور، اتفقنا
ناظرته ونطقت بحزن : مُلهم الحين انا صرت عاقه فيه
عقد حاجبه ورفع يده يحتضن وجهها بين كفوفه ونطق : لا تفكرين كذا انتي سويتي الي عليك وسكتي لهم بس هم ماوقفوا هم جابوها لنفسهم
اخذت نفس تهز رأسهآ، ماتدري ليش تفكر فيه هالكثر مهما كان هو ابوها حتى وان كان سيء، تتمنى لو ماكانت معه مو كذا تمنت لو كان يعتبرها بنته ، حست بغصه بحنجرها وهي تحاول تتذكر لحظه حلوه بينهم بس مافي ، امتلت محاجرها بدموعها تفكر كيف عايش هو بسجن ، عضت شفت ماتبي تضعف الحين ، تنهد ملهم من شاف عيونها يسحبها لحضنه يمسح عليها بحنيه ونطق : لا تحرقي صدري ياغرور وانا اشوفك كذا
رفعت يدها لعنقه وحشرت وجهها فيه وبدت تبكي بصمت هو الوحيد الي تقدر تنهار عنده بدون ماتتصنع القوه و كذب ، شد عليها وهو ينحرق عليها ، يعرفها وعارف وش تفكر فيه مايلومها في نهايه هو ابوها مهما كان ابوها ، بعد ماطلعت الي بصدرها ابتعدت عن صدره ، ناظر لوجهها ورفع يده يمسح دموعها بـ إيبهامه ،
-في خارج-
واقف حازم ورا البيت ، التفت لجيت بدر عنده ونطق : اشفيك!
حازم كان بينطق بس سبقه بدر وهو ينطق: ناد لي ريناد
ابتسم حازم ونطق : اجل روح يلا
بدر : والله لازم اتفاهم معك ، مامعك الا انا موظفني زاجل عندك
حازم : بدر لا تكثر كلام ماله داعي ونادها
بدر : المشكله ان الكل عارف محد يغير مزاجها الا انت اجل انتظر اناديها
ابتسم حازم ودخل بدر عند الباب ونطق : يااولد
طلعت له ضي : هلا يالبدر
ابتسم لها ونطق : هلا ضية
ابتسمت ونطقت : اخيرا شفت احد مبتسم والله داخل كلهم انقلب حالهم
بدر تنهد : ماينلامون مشعل ماقصر
ضي : والله انقهرت على غرور
بدر : عمري هي والله لو شفتيها ، مانقول الا الله يهدي هالادمي معنا
ضي : صح ليش جيت !
بدر ضرب جبينه : صح قولي لريناد تجاوب حازم ورا البيت
ابتسمت ضي : تمام
راح بدر ودخلت ضي للمطبخ وهمست لريناد ، هزت راسها مشت تطلع من مطبخ ،،
طلعت وشافته جالس شوي بعيد عن البيت اخذت نفس و مشت اتجاهه ، رفع راسه وشافها جايه لعنده ،وقف يناظرها وقفت قدامه،
شاف ضيق بوجهها تنهد ونطق : تعالي اجلسي
جلست وهو جلس جنبها ، لف وجهه يناظرها منزله راسها تناظر ليدها ، مد كفه لكفها ويشد على يدها ، رفعت نظرها له من
نطق : لا يضيق صدرك
تنهدت ونطقت : كيف لا يضيق وهو ابوي يسوي كذا يعني شفت مالقى شي الا انه ينكد على غرور
حازم : عارف بس هو الحين يبي الكل يسوي كذا لا تعطوه يلي يبيه
اخذت نفس تنطق بصوت واضحه الغصه فيه : خرب علاقته مع الكل
تنهد بضيق من صوتها رجع ظهره للخلف ورفع يده
ونطق : تعالي
ناظرته الي يمكن تحتاج الحين انها تكون فعلاً هنا ، تقدمت وحطت راسها على صدره ، حاوطها بكفوفه ونطق حازم : عارف يمكن صعب بس معد ابغى اشوف دموعك تنزل قدام احد
رفعت راسها ناظرته وكمل حازم : حرم حازم ماتضعف قدامهم ولا تنزل لها دمعه ، من اليوم يا ريناد معد ابيها تنزل قدام احد معاش الي ينزل دمعتك وانا موجود مين من كان والله ماخليه
ابتسمت بخفيف ترفع راسها تقبل خده بهدوء وتبعد تنطق : ابشر
رجعت راسها عـ صدره ، ونطقت تكمل : تدري وش كنت اطلب من ربي
ناظرها ونطق : ايش!
شدت عليه ونطقت : طلبت من ربي العوض وجيت لي انت
ابتسم وحنى راسه وقبل راسها بدون ماينطق شي ،
