ضحك وهو بسرعه ينحني يشيلها ويدخل الحمام صرخت من عرفت نيته ،حطها في بانيو وهي يفتح الدش عليها ، صرخت من تغرقت بلكامل: ملهم والله لاذبحك
ضحك وهو يطلع من حمام ونطق : بسرعه انتظرك تحت
« الفندق »
تجهزوا جود ومهند وطلعوا من جناحهم ينزلون لتحت يأخذون قهوه يصحصحون وينتظرون حازم وريناد ، جلسوا قدام القزاز يناظرون للمطر القوي امامهم ، ناظرته تنطق : ماشاءالله المطر يجنن يحق للواحد يتأمله
مهند ناظرها وابتسم : وانا والله أتأمل الي احلى منه
ناظرته وضحكت : اوفف مهند لا تقول كذا وتسكتني
مهند: طلعت بنت العم تستحي
ناظرته بطرف : خلاص اسكت
ووقفت تاخذ قهوتها وجوالها وتجلس جنبه : لازم صوره مع مطر
حاوطها من كتفها وبدت تصور اكثر لهم مع المطر والقهوه ،،
-
جناح الثاني ، تجهز قبلها وجلس ينتظرها تنتهي ، ناظرها واقفه قدام التسريحه تجهزت وتلبس اكسسواراتها ، ابتسم لان من صحوا وهي تتهرب منه من خجلها منه ، لبست الحلق و الاسواره، واول ماشافها بتلبس العقد وقف ومشى وقف وراها ونطق بهدوء: اعطيني
رجف قلبها بخجل ومو قادره تناظره ، اعطته العقد وهي واقفه قدامه ، اخذه ورفع يده وهو ينطق : ارفعي شعرك
رفعت شعرها ولبسها العقد ومرر كفه على كتفها وميل راسه يقبل نحرها ، رجفت من حست فيه وهي تناظره من مرايا ، رفع راسه وهو يناظرها من مريا وابتسم لها وباس راسها ونطق : انتظرك برا
مشى طلع من عندها ، اختفى من قدامها تنهدت بعمق وهي تهف على وجهها تنطق : اووفف ياربي وش ذا
عضت شفتها وهي خجلانه ومتوتره ، اخذت نفس ولبست عبايتها واخذت شنطتها وطلعوا من جناح ، نزلوا وشافوا مهند وجود واقفين قدام باب الفندق ، التفتوا وابتسموا لهم ومشت جود وهي تحضن ريناد ، ومهند سلم على حازم ، ناظرت ريناد للخارج : ماشاءالله يمطر قوي
جود : ايوا
مهند : مشينا
حازم هز رأسه : يلا تاخرنا عليهم
طلعوا بسرعه وهم يركبون سيارتهم ومشوا متوجهين لقصر شجاع ،،
« قصر أل شجاع »
الكل بدون استثناء موجود للغداء كانوا بانتظار العرسان و ملهم وغرور و ام حازم وجميله ، كانوا الحريم كلهم بالمطبخ يجهزون الغداء، وام مهاب ونوره بصاله ، بعد لحظات وصلوا العرسان ودخلوا مهند وجود الصاله وسلموا على جدتهم وأمهاتهم وقعدوا شوي يسولفون، دخلت عندهم صبا تنطق : ام حازم وجميله وصلوا اطلع يا عريس اكيد العريس ثاني بيدخل يسلم مع امه
ابتسم مهند لجود ووقف وهو يطلع وطلعت جود وام ملهم و ام فيصل للمطبخ ، ودخلوا حازم وريناد وام حازم وجميله الصاله وسلموا على ام مهاب و نوره وراحت جميله المطبخ عند البنات تساعدهم ،
فسخت ريناد عبايتها تحطتها جنبها وتجلس جنب حازم ونطقت ام مهاب وهي مبتسمه : شخبارك يامي
ريناد : الحمدلله يعيوني وانتي
ام مهاب : الحمدلله دامكم انتو بخير
ريناد : ماشاءالله الكل هنا
نوره : والله باقي غرور وملهم
ريناد : لسى ماجو غريبه
نوره : كلمت ملهم قبل شوي قال طلعوا
سمعوا صوت الباب وكملت نوره : اكيد هم وصلوا
فتحت ميري الباب ودخلت غرور وفسحت عبايتها وهي تنطق لها : ميري مين في صاله
ميري : ماما و ماما نوره و اخو انتي
اعطتها عبايتها ومشت تدخل الصاله : سلام عليكم
ناظروها وابتسموا : وعليكم السلام حياك
مشت بتعب لام مهاب تنطق : كيفك ياجده
ام مهاب : الحمدلله بس اشفيك تعبانه
غُرور: مييته تعب
ريناد : والله قلت بجي وغرور تستقبلني بس ماش
ناظرتها غرور وهي تمشي لعندها تنطق : حبيبتي امس في زواجكم انكرفت كرف وانتي جالسه فوق مرتاحه منتي حاسه فيني
حضنتها ريناد : هههههه بروحي عنك
ضحكت غرور وهي توقف قدام حازم الي وقف وسلمت عليه : شخبار عريسنا
ابتسم حازم : الحمدلله
ومشت تسلم على ام حازم الي نطقت : والله امس تعبتي اكثر وحده انتي مالومك الحين
غُرور: ولسى هم يتكلمون
ومشت تحضن نوره وهي تجلس جنبها ومسكت رجولها تنطق : والله ماحس فيهاا جسمي كله متكسسر
ابتسم حازم ونطقت ريناد : ياعمري عليك واضح اصلا من وجهك تعب
غُرور: ولا نمت زين والله
ناظرت للكنب الي جنبها فاضي ، جتها فكره وجازت لها وقفت تمشي لعند ريناد تاخذ من خلفها الحاف ومشت للكنبه ، ناظروها مستغربين ونطقت نوره : وش تسوين
فتحت لحاف وناظرتهم تنطق : بنام هنا
انسدحت وضحكت ريناد : طيب اطلعي فوق
ام مهاب : صح عشان كنب مايوجعك
ناظرتهم ونطقت : هههه والله ملهم ماتركني ومن الحين اقول لكم ان أجاء قولوا لهم اني في مطبخ تمام لأ تقولون اني هنا
ضحكت نوره : ليش طيب
غُرور: ابد ولد اخوك حالف مانام وهو بعد تعبان المهم سولفوا بخفيف
وأعطتهم ظهرها وتغطت بالحاف وغمضت عيونها، ناظروها وضحكت ريناد وهي تناظر لحازم ، بعد وقت نامت غرور وقفت ريناد تصب لهم قهوه وام مهاب تسولف مع حازم وامه ،
-
طلعوا البنات من مطبخ يحضرون مكان الغداء ، دق الباب وفتحت صبا وابتسمت: اهلين
دخل ملهم : اخباركم
صبا : ابد نجهز الغداء ليش جيت
ملهم غمز لها : غرور وينها
صبا : ماشفتها ولا دخلت المطبخ شكلها في صاله
طلعت نوره من صاله : هلا بملهم
تقدم لها وسلم عليها ونطق : بنتك وينها !
أبتسمت تنطق : في مطبخ تساعد البنات
رفعت حاجبها صبا وابتسم ملهم : بالله ! صبا الحين تقول انها حتى مادخلت المطبخ
ضحكت نوره تنطق : اتركها يا ملهم تنام
ضحك ملهم : طيب وينها
نوره : في صاله
مسك يدها ملهم : عمه طالبك الي فصاله قولي لهم يتغطون بشوفها بس
نوره : ملهم
ملهم : عمه تكفين طالبك
ابتسمت وماقدرت ترده رجعت الصاله وقالت لريناد وام حازم يتغطون ، ريناد وقفت تلبس عبايتها وتتغطى ومن فهمت ملهم بيدخل ضحكت وهي تاخذ جوالها وتفتح كاميرا، قالت نوره لملهم يدخل ، ودخل ومشى سلم على جدته وحازم ومن بعيد سلم على ام حازم وريناد ، لف وناظر لغرور الي نايمه ومتغطيه بالحاف ،
مشى لعندها ويفكر الحين كيف يقومها ، شاف علبه المويا اخذها وفتحها بس التفت لنوره الي نطقت : ملهم!
ناظرها وابتسم وهمس : حرام ماني راضي
نوره : ومستحيل اخليك تسويها فيها خلها تنام
رجع العلبه وناظر لها وهو مستحيل يخليها تكمل نومها ، ابتسم حازم وناظر لريناد الي تصورهم وكاتمه ضحكتها ، عض شفته ملهم وهو يرجع يعيد الحركه الي سواها ببيتهم ومسك رجولها وسحبها بقوه ، صرخت نوره وامها : مللهم لاا
حازم : ملهم ! اشفيك عليها
انفجعت غرور وصرخت من سحبها وفجعها بحركته ، رفعت راسها تناظر ونطقت تصرخ : انتت وشش جااببك هناا
ناظرها ونطق : تحسبين بخليك تكملين نومكك
وقفت ترمي عليه لحاف: انا مرح اترتاح يعني في بيت استقدت لي كذا اقل شي خلني انام هنااا
ابتسم ونطق : لا مرح ترتاحين وقلت لك مرح تنامين تستاهلين انتي سبب
عضت شفتها بقهر تاخذ المخده وترميها عليه : ملهم اطلعع بناممم
ملهم : لا مرح اطلع الا اذا صحصحتي
تاففت تناظره : ملهم وربي مييته تعب ونوم روح ياخي ابغى انام هيا
كانت تصورهم ريناد ميته ضحك عليهم ، وملهم تقدم لغرور وهو يحاوط كتفها ومشى فيها رغم انها تحاول تفلت منه وطلعها من صاله ومشى للمطبخ ونطق قبل يدخل: اقدر ادخل
سديم : اييه تعال
دخل وغرور تدفه : اتركنيي يا ملهم
ناظروهم ام ملهم و صبا وسديم ونادين ونطقت امه : بسم اشفيكم
سلم على امه ونطق : ولا شي بس غرور بتصحصح
توسعت عيونهم من ملهم الي مشى للمغسله وفتح المويا وبدا يغسل وجهها وهي تصرخ لانه غرق حتى ملابسها، فزت ام ملهم وهي تسحب غرور من ملهم وتنطق : ملهم وش بلاك عليها مسحت
غرور مويا من وجهها والي غرق ملابسها ونطق ملهم : يمه وش فيه بتنام وفيه غداء كيف!
غرور : ملهم لا تخليني افصل الحين عليك مابغى غداء مو غصب
ام ملهم ناظرتهم : طيب مافهمت وش فيكم الحين
ملهم : بتنام وماتبغى غداء وانا مارضيت ابيها تتغداء
ناظرت ام ملهم لغرور : قولي يا بنتي وش تبين
غرور : ابغى انام ياخاله وولدك ذا مو راضي
ام ملهم : والغداء يا يمه
غرور الي حست نفسها مو متقبله ريحه الأكل ولحم ونطقت : والله مابغى واصلاً معي غثيان من الحم اليوم مدري ليش بس يمكن من نوم وتعب امس
مسحت ام ملهم على راسها : خلاص يا بنتي روحي ارتاحي وانا بحط لك اكل بدون لحم وإذا صحيتي تأكلين
طارت عيون ملهم : امييي
باست غرور خد ام ملهم : اهخخ الله يلوم الي يلومني بحبك ياخالتي
ملهم : امي مو كذا انا زوجها وكلمتي تمشي
ام ملهم ناظرته : وانت وش دخلك انا سمحت لها ، وانت ولا اسمع لك كلمه يلا اطلع عند رجال وانتي يا بنتي روحي ارتاحي
مشت غرور وقبل تطلع ناظرته وطلعت لسانها وحركت حاجبها بعناد وطلعت ، عض شفته وهو يناظر لامه ويسمع ضحك البنات عليه ،
