مشى سلم على موجودين ، نطق ابو فيصل : ليش ماعندنا علم انك بتطلع اليوم
نايف ناظر ل مُلهم : ولد عمي أتوقع عنده علم
مُلهم : عندي خبر انه الأحد
نايف : قدموه ، مبروك سمعت اليوم عقدك مدامه في قصر فهو وحده من بناتنا مين!
نواف : بنت عمتنا
نايف : توأم رعد؟
نواف : لا بنت عمه نوره
توسع عيونه : كيف بنتها !
نواف : بعدين أقولك
بعد ما نايف سلم على أمه وأخته ريناد و عماته طلع عند الرجال وناظرات العداوه بينه وبين مُلهم مستمره ، مُلهم كان يتجاهله ، جاء اتصال لايهاب من العمل وطلب جيتهم هو مُلهم و طلال و بدر ضروري وطارى ،حكى لهم ان مايقدرون يجون لأكن العمل أصر عليهم ضرور يجيون ، اشر لهم يطلعون وراه
بدر : فيه شي
ايهاب : ماودي إني اخرب يومك يا مُلهم بس ضروري نروح المركز كلنا ،
طلال : ليش
ايهاب : طلبونا ضروري حاولت أقول لهم عن الوضع بس ما تفهموا ولازم نروح
هز رأسه مُلهم : مو مشكلة نبدل ولا كذا
ايهاب : لا نبدل بسرعه استعجلوا أنا بروح البيت لا أكمل إلا وأنتو بدلتوا
هزو رأسهم واستأذنوا من ابو مهاب ورجال وطلعوا ايهاب و طلال لبيوتهم ، وملهم وبدر دخلتهم صبا يبدلون ، طلع من البيت بدر بعد مابدل ، نزل وعقد حاجبه وهو يشوف كلهم واقفين قدامه
مُلهم : بسم الله وش فيكم
جود : كيف بتروح بدون ماتلبس زوجتك الدبله
مُلهم: دوام
أم مُلهم : تعال المجلس الثاني فاضي لبسها واطلع
كان بيتكلم قاطعته نوره : كلمت ايهاب وقلت له قال ٢٥ دقيقه ويطلع هيّا
هز ماعنده خيار ثاني ومشى معهم للمجلس ، دخل ووقف بصدره
نوره : وحده تنط تنادي غُرور
جود : أنا بناديها
راحت لصاله وقفت قدام غُرور : يلا تعالي
غُرور : وين !
جود : المجلس الثاني
غُرور : ليش
جود : مُلهم هناك بيلبسك دبله قبل يطلع
ناظرت لغيم وضي : لا لا مآبي
ضحكت ضي : ليش
جود : بنت مايقدر يطول هيا
غُرور : لا تكفين مآبي
ضحكت غيم : قومي وترا طبيعي هالتوتر هيّا قومي
مسكتها جود ووقفتها غصب ومشت فيها لباب المجلس وقفت
ونطقت : انتظري دقيقه
ضحكت جود : تمام
أخذت نفس تهدى نفسها ،
وقف من قالت له صبا ، أخذ نفس وعقد حواجبه وناظر للباب ، بعد لحظات فتح الباب ودخلت جود ابتسمت وفتحت الباب بلكامل ، ارتخت ملامحه وهو يشوفها ، دخلت غُرور وقفت بنص المجلس ،
تجمدت مكانه من الي يشوفها هي نفسها أم الأبيض ، من صدمته التفت لأسديم : هاذي غُرور!
ضحكت وهزت رأسها: ايه هي
رجع ناظرها وصدمه واضحه عليه يسأل نفسه كيف ممكن تكون هي البنت الي يفكر فيها من أيام تطلع هي البنت الي مايطيق اسمها ، مشت أم مُلهم لغرور مسكتها ومشت فيها لعنده وقفت جنبه ، ماقدرت ترفع عيونها وتشوفه من توترها ، عيونه ما نزلت من عليها لسى مصدوم من الي يشوفه حس بقلبه يدق بسرعه بس مايدري ليش،
أم مهاب : مُلهم سلم على حرمك
انتبه لصوت جدته ومد يده لها ، رفعت يدها بصعوبه تصافحه ، شاف فرق الحجم يده ويدها ، كانت يدها ناعمه ورقيقة بيده ، سحبت يدها بهدوء منه ، شابكه يدها ببعض بتوتر ، تقدمت أم مُلهم ومعها الدبل : يلا لبسها
ضحكت سديم : اول مرا أشوف واحد يلبس زوجته شبكه وهو لابس عسكري
صبا : يكونون مميزين
جود : انتظروا وخروا بصورهم لوحدهم
بدت تصورهم ، أخذ الدبله ومد يده تطلب يدها ، رفعت يدها وهي ترجف ومسكها بهدوء ولبسها
ومدت أخذت دبلته من رجفتها الي واضح كانت مو قادره تلبسه زين ساعدها ولبس دبله ،
سحبت يدها منه، سلموا عليهم الأهل
جود : تكفون بصورهم كم صوره قبل يطلع لازم يوثقون
طلعوا امهات وبقوا بس البنات ، صبا قربت من غُرور و قربتها من مُلهم وصاروا ملاصقين بعض
نطقت : كذا خلوكم عشان تطلع صور حلوه
ناظرتها غُرور و ودها تذبحها ، توسعت عيونها من نطقت جود : مُلهم ارفع يدك لظهرها
ناظرها ورفع يده وحاط خصرها حس برجفتها ، رفعت رأسها و ناظرته ، حطت عيونهم ببعض صدت بسرعه منه ، جود : يلا قابلوا بعض و مُلهم امسك يدها وناظر فيها لفت عليه ، مد يده ليدينها ، رفعتها وحطتها فوق كفه وشدت عليه من توترها بدون ماتحس رفعت تناظره من طلبت جود منها ، عيونهم تناظر ببعض وفيها مشاعر كثيره ، ملامحه جامده بس داخله متلخبط ، لسى منصدم منها وللحين مو مصدق أنها أم الأبيض ، أبدا ماتوقع إنها تكون كذا كان يشوفها من ورا نقاب ، ناظر لشامتها الي تحت شفتها نزل انظاره لنحرها وشامه الي فيها ، ماقدر يحدد المميز فيها مايدري هي نظرتها ولا خصرها منحوت ولا شامتها الي تحت شفتها ولا نحرها طويل ، صحى من سرحانه فيها من نطقت جود : خلاص كملنا
صبا : يلا بنطلع
ماصدقت وطلعت قبلهم كلهم ، ضحكوا البنات
ونطقت نادين : ياعمري هي ماصدقت على لله نقول يلا
سديم وقفت ونطقت : الحييين بسرعه متى تعطونيي انا فزت
صبا : يالليل ماتنسى
مُلهم : وش فيه
جود : ابد في اول مشكله بينك وبين غرور هاذي قالت ان نهايتكم زواج واحنى قلنا لا قالت خلونا نتتحدى
اذا تزوجوا تعطوني ٢٠٠٠ ريال والحين تبيها
ناظر لسديم وابتسم : تاخرت بطلع
