وكيف يبعد مني من جعلت له صميم قلبي على علاته وطنا

١١

اغلقت النار وخرجت متجهه لغرفه والدها فتحت الباب وناظرت والدها الذي كان مستيقظ يقراء القران تقدمت له
روح:اوه بابا صاحي ليش مانديتني اساعدك
والدروح:ايه وانا ابوك توني صحيت وليش اناديك يخلفهم انا ودي امشي لحالي ماني عاجز جلست بجانب والدها
روح:محشوم يبه ماقصدي بحط لك غدا
هز راسه والد روح:لا مابي الحين اذا رجعت من الصلاه
هزت راسها برفض روح:لا مابخليك تروح الصلاه جوعان تغدا اول وخذا ادويتك وبعدها روح تمام وقامت بدون تسمع رده
ابتسم والد روح ولمعت عيونه بشده يعرف بانه مريض وجدا ولكبر سنه اصبح المرض متعب وايامه معدوده لايستطيع ترك ابنته لوحدها ولازم يامنها على شخص يخاف الله فيها مايحسسها بانها لوحدها ويكون لها سند واهل بس وين!!كل اللي حوله من شباب سيئين وصلاه مايحافظون عليها بس شخص واحد غير عنهم كلهم محافظ لصلاه ويخاف الله بس خاايف من رده فعل بنته اتجاهه لان استحاله توافق ويعرف اشد المعرفه بانها متعلقه فيه وجدا بس وش يسوي ماله الا هالحل هذا
قاطع بحر افكاره دخول ابنته ومعها صحن الغدا
روح:وهذا الغدا وجاء انزلته امام والدها وناظرت له وشافت عيونه تلمع خافت وجدا بانه يتالم من شي
روح بخوف مسكت خده:بابا شفيك ليش تبكي في شي يوجعك وينه ووين وينه انزل يدها وشد عليها بقوه
والدروح:لاتخافين مايوجعني شي بس فيه موضوع بتكلم معك عنه اذا رجعت من الصلاه
روح بتوتر سيطر عليها:ليه بعد الصلاه اذا مهم قول الحين
هز راسه برفض:لا قلت بعد الصلاه هزت راسها وحطت الغدا عنده وبدا ياكل وروح ذهبت بافكارها حيال الموضوع

.
.
.

فتحت العامله الباب ودخلوا سعود وامل واصوت الضحك سابقهم
سعود بضحك:بس الدكتور المصري عجيب هههههههههه
تقدمت امل وجلست على الكنب الفاخر جدا
امل:والله ضحكني الله يعين اللي بيدرسهم بس
ضحك سعود:اي والله صدق وفز من تذكر حياه
سعود :تخيلي بعد شفت وحده تشبهك مره
امل بتعدل:تشبهني انا؟
هز راسه سعود:ايه تشبهك مثلك بالعيون وبالمحلامح لازم تشوفينها
هزت راسها وهي تقوم :لازم لازم اشوفها
ناظرها سعود:وشفيك؟ رجع الصداع
هزت راسها بنعم:ايه بروح انا شوي يمكن يخف ولاشي
سعود باهتمام:اذا زاد امشي للمستشفى
امل :بنام بنام وذهبت لغرفتها اما سعود جلس بعد ذهابها
وكل تفكيره لحياه اتت لذاكرته ولم تذهب لايعرف السبب وينكر الحب لان استحاله يحبها باول يوم  او لانها مشابهه لقصه بالماضي! تذكر ميلا ولارا وعض شفته بقهر واليوم كله يسال عنهم ويستفسر هالبنتين يذكرونه بالماضيه الموجع للغايه كان بحجم اليد صغير جدا ويعايرونه بان لا اهل له هذا السبب الذي دفعه بان ياخذ حق حياه منهم وجارم لهذا الشي وجداً

.
.
.

بعد وقت طويل انزلت الصحون على الطاوله
الجوهره بارهاق:اخييرا ذول اخر صحون سحبت الكرسي وجلست بتعب اخذت اسيل الصحون واعدتها لمكانها وانزلت المريله وجلست بجانب الجوهره بتعب
اسيل:منجد بمموت منه نرتاح شوي ونطلع تم
هزت راسها الجوهره:ايه ايه مالي خلق امشي الحين دقايق كذا ونمشي ووضعت راسها بتعب على الطاوله ونزلت دمعه منها بضعف وتبعتها دمعه تلوا الاخرى خرجت منها شهقه موجعه للغايه مما جعل اسيل تسمي عليها ورفعت راسها الجوهره وحضنت اسيل وانهارت دموعها بلا توقف
اسيل بخوف عليها:بسم الله عليك ياروحي شفيك
ظلت الجوهره تبكي ولا ردت على سوال اسيل
رفعتهه اسيل من حضنها واحتضنت وجهها بكفيها
اسيل: شفيك ياروحي ليش تبكين احد قال لك شي ولا سوء لك شي قولي
هزت راسها الجوهره:لا لا لا اسيل ا ا اناا تعبت حيل ماني قادره اتحمل اكثر تخيلي انه كان بيطلعنا من البيت البارح وبنص الليل بيتركنا بالشارع علشان تاخرت ماتدفعت انا انا قلت له قبل بيوم اصبر علي لين م اخذ راتبي وادفع لك ووافق لما جيت لقيته طارد امي برا بالشارع لحالها ويهاوشها زاد بكاء الجوهره بكثره وشهقت اسيل كافيه بانها تدمع معها
اسيل بحنيه:ليش ما دقيتي علي انا انا اجيك واخذك بلا ماتقعدين تحت رحمتها الوصخ
الجوهره بتعب شديد:لا انا بحل الموضوع معه واخليه يعتذر من امي وقفت واخذت اغراضها وطلعت لحقتها اسيل ومسكت يدها
اسيل:انا معك يالجوهره ولا بخليك اوعدك
ابتسمت الجوهره بحب لصاحبتها الوحيده اسيل

.
.
.

انتهى من صلاته وتوقف ليخرج لكن اوقفه صوته الحنون والذي يميز صوته من بين الالف الاشخاص لف له بابتسامة
ملهم بالهندي:هلا بابا كويس انتا؟
ربت على كتفهه وابتسم والدروح:بخير بخير نحمد الله ناظره لثواني :بتكلم معك بموضوع مهم يوليدي لاتردني
استغرب ملهم ونطق بتناسي:وشو الموضوع ياعم؟
ناظره والد روح بصدمه من لهجته السعوديه بحت والذي شد استغرابه اكثر من النطق الجيد جدا ولاشخص يستطيع النطق الجيد فيها الا السعوددين
والدروح بشك بسيط :انت سعوددي؟
غمض عيونه ملهم بقهر وانه تناسى عمله وانه مايصرح تلفت يمين ويسار خوفاً بان شخص سمعه اطمن بانه لايوجد احد و حاول بانه يصرف الموضوع
ملهم بالهندي:لا انا هندياً بس في شغل سعوديه هنا كتيرا وسيمسم صديق انا كلو في معلوم
والد روح بوجع راس:خلاص خلاص بس تعال معي بقولك الموضوع مشى وامسكه ملهم يسنده وهو باعلى مراحل توتره الشديد بان امره سينكشف وتخرب الخطه التي وضعوها صحى من تفكيره عندماً توقفوا امام منزله
والد روح:انتظر هنا شوي لاتروح هز راسه ملهم بايجاب والتوتر بدا ياكل فيه شيئاً فشيئاً
تقدمت روح من والدها الذي دخل اشر بيدها لتتوقف
والدروح:ادخلي داخل معي رجال
هزت راسها بايجاب ودخلت لغرفتها مستغربه من يكون الرجل وليش جاء
فتح الباب والدروح:يلا تعال ادخل دخل والدروح وتبعه ملهم واشر له بان يجلس امامه وفعلاً طاوعه وجلس
والدروح بتعب مسيطر عليه وواضح جدا على ملامحه:شوف يوليدي انا جبتك عندي هنا وودي اطلبك واعطيك امانه غاليه على قلبي بالحيل ولا ودي افرط به واخترتك لانك محافظ على فروضك وانا لي شهور اراقبك واعجبتني وانا دراي انك بتحفط الامانه وتصونه مايهم مين انت ولا من وين اللي يهمني بانك تخاف الله وتهابه
ملهم باستغرب:ايش فيه بابا ايش امانه ؟
والدروح بحزن:ابيك تتزوج بنتي روح