وكيف يبعد مني من جعلت له صميم قلبي على علاته وطنا

٣٦

-يوم جديد-

دخلت الصف وجلست جنب وريف
وريف :احسبك غايبه ماحظرتي الطابور
حنين بتثاوب:احسن مابي احظره يطفش
وريف باييد:وصادقه
حطت راسها على الطاوله بنعاس
لفت وريف :حليتي الواجب؟
ماردت عليها
هزت يدها :بنت مسرع نمتي قولي اسالك انا؟
حنين :بعددي بنام دقائق
تاففت وريف وقامت تسال بنات الفصل عن الواجب
دخلت الاستاذه ورجعت وريف مكانها بسرعه
سلمت وردو السلام بصوت واحد
وريف بهمس:حنين قوميي!حنينن
انتبهت الاستاذه"تهاني"لها :شفيه يا وريف شعندك؟
وريف بربكه:ولاشي استاذه
ناظرت حنين النايمه وبنرفزه منها:ماعلمتي صديقتك ماعندي طالبه تنام عندي!
وريف بتصريف:استاذه اعذريها تعبانه
رفعه حاجبها:تعبانه لاتداوم اجل وش جابها؟
سكتت وريف وحاول تصحي حنين
تهاني مشت لطاوله حنين وضربتها بقوه
فزت حنين برعب وناظرت بتهاني:عسى خير ياستاذه!
تهاني :وين يجي الخير نايمه بحصتي!!
حنين وهي تفرك عيونها بنعس:يستاذه خرشتيني الله يشوفك يحسبني دْايحه احد لك! كلها نومه وبالغلط ترا!
واسفين
تهاني بعدم صبر اشرت للباب:رووحي للوكيه وقولي همك لها
حنين برفعه حاجب:ومين قالك ان عندي هموم؟
تهاني بصرخ:اننزلي لها وقولي استاذه تهاني نزلتني لاني نمت بحصتها ولاتجيني الا بورقه منها فااهمه! قدامي يالله
تاففت حنين:يستاذه مشوار لغرفه الوكيله دقي عليها واعطيني اكلمها!
تهاني بنرفزه:قدااامي قلتت!!!
شمقت حنين وطلعت من الصف شافت المقص مفتوح
حنين بابتسامة:واووو يوم سعدي وارحت تشتري كاكو وطلعت تتمشى بالمدرسه وانتبهت لصوت بنات ومن ظمن هالاصوت ريماس!
حنين بفضول :ياترى وش مخبصه! ومشت لمكان الاصوت
وكان بغرفه المعمل فتحت الباب وشافت بنات حول ريماس وثنتين ماسكينها ويطقطقون عليها
ركزت نفسها على الباب وتاكل من الكاكو وتناظر لهم بهدوء
ريماس بضحك:هههههههههه ياوك شايفه حالك انتِ! مثيره للشفقه صدق!!
تلفتت وحطت يدها على وجهها:شوووف من يتكلم!حبيبتي انتي المثيره للشفقه شايفه حالك بنت الدار المسك.
حنين برفعه حاجب:هوووب هوووب انتي وياها!!

ناظروها وتكتفوا:خذلك جتكم الثانيه
تكلمت ياسمين:شككلها حنت لوليفتها ههههههههه
حنين بتقليد لضحكها:ههههه!! لو ماشفت وجهك احسبك ولد الحارس من صوت هالضحكه مضيعه الانثونه!
ياسمين بغباء:بلقياه عندكم!
ضحكت ريماس على غبائها
وضربتها خويتها:غبيه انتي
حنين بوناسه:هدف عكسي يالاخت مسويه قويه علينا روحي تعلمي الردود وتعالي بعدها مصخره صدق!
وحنين:واذا جت على العياره باليتم وغيره ماننساك يقلبي واحنا نعرف نعيارك
حنين بتفكير:مثلااا اممممم ب ابوك اللي تركك عله عند عمامك وتزوج وسحب عليك ! شرايك بهذا مثلا
ياسمين بصدمه:اوهلا رند صادقه! ابوك تاركك
رند بقهر:وش تحسين نفسك انتي !!
حنين طقت اصابعها:مثل ماحسيتي يوم قلتي عنها يتيمه كيف الاحساس حلو صح؟
ريماس بتصفيق:حلو حلو رنود مسويه البنت المثاليه بالمدرسه وانتي من جنبها وعلى فكره ماهزيتي فيني شعره بكلمتك ذي! بس انتي اهتز راسك مو بس شعرك!
حنين:واضيف على كلامك زيين ابعدي يارند واكفي خيرك وشرك عننا ولا كل المدرسه بتعرف سالفتك واشرت على ياسمين:وهذي ماتقصر
عضت شفتها رند بقهر وطلعت ووراها ياسمين
هزت راسها حنين وحطت الكاكو بالزباله وبتطلع
ريماس:ليش سويتي كذا؟ معي اقصد يعني دفاعك وكذا؟
حنين هزت اكتافها:انا ما دافعت عنك سامعه غلط ولفت بتمشي
ريماس :وين رايحه؟
حنين:صايره تهتمين خير ياطير؟
ريماس:اوع ما اتهميت روحي للمكان اللي تبينه!
ضحكت حنين وطلعت لغرفه الوكيله
وطقت الباب
حنين ببراءه:استاذه عادي ادخل؟
هزت راسها ودخلت:وش مسويه بعد ياحنين
حنين :ماسويت شي والله الاستاذه مشخصنتها معاي !
رفعه حاجبها و ارخت ظهرها:اي استاذه؟
جلست حنين:استاذه تهاني ارسلتني عندك لاني نمت بلغلط بحصتها!
همهمت:وليش تنامين !كان نمتي الليل
حنين بكذب :ماقدرت كل الليل كنت صاحيه عشان اء شسمه صديقتي بالدار كانت تعبانه ياحرام لو تشوفينها
حركت يدينها بتمثيل:كانت تهتز كذا من الحراره وانا اضطريت اجلس معها
رفعت ناظرتها:وليش ماعندكم ممرضه تهتم فيها؟
حنين ببلشه:هو فيه ياستاذه بس كان الوقت متاخر في اليل وماهي موجوده عندنا بالدار فاهتميت انا
هزت راسها وبهدوء:اعطتها الورقه اخر مرا لاعاد تعيدينها
حنين بشكر
:ششكرا استاذه اوعدك
وطلعت وهي ماسكه الورقه بوناسه
ريماس من وراها:مين هي صديقتك؟
لفت حنين:اوها لحقتني هنا بعد! قولي انك مهووسه فيني
ريماس :هههههه!! فكاهيه مرا مريت من هنا وسمعتك
وايوا ماقلتي مين هي صديقتك!
حنين:مب شغلك انتي!
ريماس :تصدقين دمعت عيوني لموقفك البطل مع صديقتك واو
تكتفت حنين وبنرفزه:انتي وش تبين يعني! ماني فاهمه !بتعلمين روحي ذاك الباب محد ماسكك!
هزت راسها بنفي:مابعلم معليك وتكون هذا ردي لك لجميلك وبس
مشت من جنبها
حنين بتقليد:لجميلك وبس! اننننننن يعنني مسويها فيها راعيه جمايل حتى كاشير ماتنجحين فيها وجع
ورجعت للفصل ونزلت الورقه على الطاوله:بدري كان نمتي عندها
حنين:كان ودي والله مكيفها ابرد من هنا بس قلت ناقصكم وجودي ولا ابي اخليه بخاطري
ناظرتها وكملت شرح
جلست مكانها وهمست وريف:وش صار؟
حنين بنفس الهمس:اقولك بعدين
وريف:تمام
نزلت القلم :وكذا خلصنا درسنا لليوم اي سوال؟
ماشفت رد :يلا كل وحده تطلع الواجب بشوفه واللي ماحلت توقف
لفت حنين وببلشه:محليت!!
وريف:سالتك اليوم ولا رديتي علي ومدت كتابها :خوذي انقلي قبل لاتجي
حنين باستسلام:مافي وقت بوقف
وقفت حنين وناظرتها الاستاذه:فوق قله الادب ماتحلين الواجب؟
تنهدت حنين ولا ردت
وقفت عند طاولتها: اعطيني كتابك ومين معها قلم احمر
وقفت طالبه واعطيتها القلم :اعطيني كتابك !
طلعته من الشنطه ومدته لها
فتحته وانصدمت يوم شافته محلول ورفعت الكتاب بوجهها:تستهبلين علي ولاكيف؟
حنين بصدمه ماقدرت تتكلم
ضربت الكتاب على الطاوله ورجعت القلم للبنت اخذت اغراضها وطلعت
وريف :ليش وقفتي دامك حاله
حنين :والله ماحليت وقلت لك!
وريف :اجل مين حاله! هو بنفسه بلا عبط!
ابتسمت حنين لما جت ببالها حياه وانها هي اللي حلت الواجب لها:حياه حلته!
وريف:وكيف عرفتي!
حنين والابتسامة شاقتها:اعرفها لازم تشيك على دروسي
وريف بابتسامة :كيييووت الله يخليكم لبعض.

انتهى...