وكيف يبعد مني من جعلت له صميم قلبي على علاته وطنا

٥١

لفت له باستغراب وسرعان ماتلاشى استغربها وحل مكانه الرعب:ترركي شفييه وجهك كذا!!
ابتسم وابعد بعيونه:روتيني
وقفت وهي تمسك وجه ويدينه ترتجف بخوف:تستهبل؟اللي مسوي بوجهك كذا وحش! قووم قوم للمستشفى سحبت يده بقوه!
مسك يدينها اللي ترتجف وبهدوء:والله ماتستاهل هالروحه مافيني الا العافيه
هزت راسها وعيونها تدمع باستمرار:لا تكفى بنروح !
ناظر عيونها اللامعه ووقف وهو يحاوط وجهها ويمسح دموعها بحنيه:ماله داعي هالدموع !
هبط قلبها من لامست يدينه الدافيه وحنيته عليها:لو عندك معزه لي تجي معي للمستشفى!
سرح بعيونها واشر على خشمه:والله ان تبشرين
بعدت عنه وصدت وهي تمشي ابتسم بحُب واخذ شنطتها ومشى وراها.

.

.

.

عضته من يده وصرخ:يامجنونه انتي!
الجوهره بتلذذ:احس تستاهل !
ناظرها بحده ورفع الكرسي المتحرك لفوق وصرخت بخوف :لااا سلطاااان نزلني ياحيواااان!
نزلها بضحك وانتصار :احسن تستاهلين!
مسكت قلبها ورفعت عيونها وهي لاحظت نظرات المرضى والممرضين لهم نزلت راسها باحراج:والله انك حيوان ياغثيث ياغوريلا ياقرد
سلطان وسع عيونه ولف كرسيها مقابله:مين الغوريلا يابقره انتي!
شهقت ودمعه عيونها رفعت رجلها السليمه ودفته من عند ركبته:لاتقول بقره ياثور!

سحب شعرها بخفه :انتي الثوره
عضت يده مرا ثانيه:لاتسحب شعري يالغوريلا
صرخ بخفه ورفع راسه باحراج منهم نزل راسه له وبوعيد:انتي انتظري لين نطلع واوريك يابقره!
ومشى وتركها!
صرخه بقهر ولفت كرسيها وراه:وين تاركني يالدب ارجع دفني!
دخل يدينه بجيوبه ودندن بروقان متجاهل الجوهره اللي وراه !
وقفت بتعب :غبي متخلف ثور متحجر !شايف نفسه
لفت على صوته وهو يناديها وياشر على غرفه الدكتور:هنا الغرفه عجلي! ودخل
عضت شفتها بقهر وهي تدف عجلات الكرسي لين ماوصلت للغرفه وفتحتها بتعب!
رفع ساعته:وش هالتاخير ماعندك التزام بالمواعيد!
طنشته وهي تقرب للدكتور وتجلس مقابله وتعطيه اوراق الاشاعه
ناظر الاوراق ولبس ناظرته واشر لسلطان:ساعد زوجتك تجلس على السرير!
سلطان والجوهره بصوت واحد ورد مختلف:زوجتي؟،زوجته؟ تخسي!،يخسي!
ناظروا بعض وصدوا بسرعه
تنحنح الدكتور  ورد سلطان:مهي زوجتي صديقه قديمه!
الجوهره بتكتف:مااتشرف اصلا!
وقف وهو يدفها :لسانك يالاخت
الجوهره دفته بيدها:اسلوبك يالاخ!
جلست على السرير وقرب الدكتور لها وهو مصدع من هواشهم رفع رجل الجوهره وهو يسوي لها التمارين:ب الاشاعه ماتطلع كسر الحمدلله بس التوآ بسيط وباذن الله محلوله!

.

.

.

زفرت بملل وهي تنتظره يخلص!
رسيل :مطوله؟
الممرضه اللي تضمد جروح تركي:لو تسكتين بخلص!
وسعت عيونها بصدمه:هيي هيي انتي وش هالاسلوب! ترا اقدر اطيرك من وظيفتك !
لفت الممرضه بنرفزه:طيري اذا تقدرين وانا بقدم بلاغ ماتخلينني اسوي شغلي عدل!
رسيل بتحدي:سوي بلاغ كانك تقدرين!
الممرضه:اقدر وا..
قاطعهم صرخ تركي:يكفي خلاص انتم الثنتين!
لف للممرضه:يعطيك العافيه وخلاص تقدرين تروحي وترسلين لي ممرض
نزلت القلفز بنرفزه وطلعت!
ناظرها رسيل وكشت عليها:وعه بالهوجه!
ضحك تركي وسدح ظهره بتعب!