وكيف يبعد مني من جعلت له صميم قلبي على علاته وطنا

55

بعد مرور شهر

.
.
دخلت وصوت ايقاع كعبها يضرب بالمكان !
مشت وهي تدخل لموقع تصوير شافتها المساعده ومشت لها بتذمر من تاخيرها:ممكن افهم ايش سبب  هالتاخير؟
جلست بالمكان المخصص للميكب وببرود:مافي سبب
اطلقت تنهيدات وبتمالك لانفسها: هذي المره الثانيه اللي نتاخر بتصوير الاعلان وعليك ستريك!
يكفيي يالجوهره وحسي شوي بـ المسؤليه!
تافافت بانزعاج وبتجاهل لها نادت لخبيره الميكب:ممكن تستعجلين عندي تصوير؟
تنهده ندى وهي ترفع الاوراق وتمدها للجوهره:هذي فكره الاعلان للبراند وضروري تختارين احد من هالالون علشان تنسيق الفستان والمكيب والثيم!
هزت راسها وهي تشر للون البيَنك وبهدوء:هذا
سحبت الاوراق ومشت وهي تصفق للطاقم وبصوت عالي:الثيم كامل بيكون عن التوليب والوان البيَنك والابيض بسسرعه ويكفى ماجانا من التاخير!
هزوا روسهم وكل شخص اتجاه لشغلته !
ماعدا الجوهره الجالسه وهي حايره بهواجيسها تاره تناظر للهير ستايل وتاره للمكيب ارتست وتاره لنفسها!
ايه فعلا! ابحرت بنفسها وشريط ايامها مرت قدامها كيف صارت وين كانت وشلون وصلت لمكانها الحًين
تحس وكانها بحًلم او انها تتمنى يكون حلم وتصحى منه
لكن اللي ماتعرفه الجوهره ان هالُحلم  او الكابوس بالنسبه لها مستمر ولابتقدر تصحى منه!
رفعت يدها وهي تتحسس رقبتها وتحديد الجرح اللي يتوسطها أثر حادثها الاليم اللي تعرضت له قبل شهر!

#فلاش_باك
.
.
.

قبل شهر!

.
وقف وهو يسند ام الجوهره ويمشي فيها للثلاجه
تمشي وهي تستصعب خطواتها تمشي بالممر وكل مالها تحسه اطول وبعيد تشوف باب الغرفه بنهايه الممر ولا ودها تقرب صوبه حياتها معلقه بالغرفه هي تلقى بنتها وتوادعها وتصي فعلا وحيده؟ تبقى بدون لذه حياتهاا؟ بنتها؟ غمضت عيونها وانهمر شلال عيونها واستوعبت خلاص انها قبال هالباب ؟ هالباب اللي يفصلها عن بنتها الوحيده؟ لفت راسها بتاجه تركي اللي ماسك يدها وسانده ومتجهز لـ اي لحظه ممكن تمر عليه
ووراهم رسيل اللي ضميرها يتأكل بداخلها!
صحيح ام الجوهره طردتها واهانتها لكنها ماتلونها ابدا
وتحس انه من حقها اللي سوته وقليل بعد!
لفت خلفها وهي تشوف سلطان بنهايه الممر وعالقه عيونه على الباب ماوده ينفتح ويشوف محبوبه خامده روحها بالسرير مارفع عيونه نهائي ولا رمش خايف يمرش ويروح عليه اخر لقاء بمحبوبته اخر مكان بيجمعهم تجمعت الدموع بمحاجره وتصبغت عيونه بالالون الاحمر من كثر مايفركها بوجع استئصل روحُه قبل جسده!
يحس وده يعيد كل الايام اللي ماحضن فيها الجوهره ويحضنها بقوه لدرجه يدخلها بين احشائه لكن وش يفيد التمنى الحين؟ ماهي راحت اصلا!
انفتح باب الغرفه من قبَل الممرضه اللي كانت داخل الغرفه تنتظرهم! فتحت الباب وبان لهم السرير الابيض والشخص المستلقى عليه لكن مغطى بشال ابيض طويل
اهتز فكه وهو يقرب لين توسط الغرفه متجاهل الموجودين كلهم ماحس بنفسه وكيف قدر يدخل الغرفه وكيف شالته رجوله لمحبوبته النائمه!