وكيف يبعد مني من جعلت له صميم قلبي على علاته وطنا

٣٧

-بعد يومين-

فتحت عيونها بانزعاج من صوت الاشعارت ورا بعض سحبت جوالها
وشافت الاشعارات كلها من "رسيل"
«بننت،ويينك،المدير معصب ،تااخرتي ويينك!!!»
فزت بسرعه من شافت الساعه وردت بشكل سريع
«انتظري جايه حاولي تشغلينه تكفين»
رسيل«تمام استعجلي»
دخلت الحمام(كرم القارئ)
بعد دقايق
طلعت وهي تسحب شنطتها وترتبها دخلت امها الغرفه
امها باستغراب:شفييك؟
لفت الجوهره وهي تربط شعرها باهمال:عندي شعل ماما ليش ماصحيتيني!!تاخرت مرا ياخوفي يطردني بس
امها :شدراني قلت يمكن بتاخذين اجازه ولاشي
الجوهره :وش اجازه يالغاليه كلها يومين ويتمنن علي فيها
اخذت شنطتها وباست امها:يلا ماما باي
امها باستغراب من حالتها:درب السلامه يامي
طلعت من البيت وهي تركض للشارع العام وتداري خطواتها نزلت للباص وركبت بتعب طلعت جوالها وتراسل رسيل «رسسيل شصار؟»
رد رسيل«وش صار بعد احاول اشغله عنك وين وصلني؟»
الجوهره وعيونها للطريق «توني ركبت الباص »
رد رسيل «تستهبلين!! مطوله انتي !بنت بتودين نفسك بداهيه»
الجوهره بتوتر«اص اص لاتوتريني قربت للشارع بنزل الحين»
قفلت جوالها واشرت لسواق الباص يوقف وواقف بنص الشارع
نزلت وهي تركض ودخلت من باب "العماله" شافتها رسيل واعطتها المريله:روحي من برا قلت له انك تكبين الزبايل بسرعه باستها بخدها وهي تربط المريله عليها وطلعت
رفعت الزبايل ودخلت طلع المدير : وين كنتي؟
الجوهره رفعت كيس الزباله:كنت اطلعه!
ناظر وراها ورجع نظره عليها بعدم تصديق ورفع يده بتحذير:اخر مره امشيها واطلعي للزبائن برا
هزت راسها وراح جتها رسيل بالصحون:شصار هاوشك؟
الجوهره:يهددني باصابع الزيتونه
رسيل بضحك:هدي علينا وشوفي شغلك
نزلت الاكياس وراحت تاخذ طلبات الزبائن

وقفت قدام الطاوله ورفعت دفترها بهدوء:ايش طلبكم؟
سكر المنيو ونزله:سلطه سيزر بالدجاج
رفعت عيونها بصدمه من صوته المالوف جدا لها
لف عليها وهز يده:يلا؟
انصدمت من شافته واقف قدامها ويامرها!!
سلطان بعدم اهتمام:شلون بتوقفين تامل فيني وتخدميني ولا كيف؟
الجوهره بصدمه:ليش جيت!
سلطان اخر ظهره بالطاوله:ليش ممنوع؟ باسمك المحل؟
شوفي جوعان وضاربه معي بتجيبين طلبي ولا لي تفاهم ثاني معكم واشر للمدير!
ناظرته وفهمت من كلامه يهددها تافافت وراحت لمطبخ
المطعم واعطتهم الطلب وجلست بالمحاسبه
وبين الفتره والثانيه تناظر لسلطان اللي لاهي بجواله ولاهمه وجودها ولا موضوعهم!
انتبه لنظراتها واشر لها بمعنى"شفيه"حست على نفسها ونزلت راسها تكمل شغل بالابتوب

.
.
.

جالسه بينهم وتسمع اصواتهم وعيونها تتنقل بينهم
والرويه عندها مغبشه بسبب تجمع دموعها بمحاجرها
تتمنى يكون حلم وبتصحى منه وبيجي ابوها ويبوس راسها كالعاده!ناظرت للشباك وشافت الشمس غربت وصار الليل خلاص مافي مفر من الواقع ابدا وقفت بسرعه ومشت لبرا المجلس وراحت غرفه ابوها جلست على السرير وشهقه بقوه حطت يدها على فمها تمنع شهقاتها تطلع ورموشها تبللت من كثره الدموع دخلت وراها لمى وجلست بجنبها
لمى بالم:اقولتس دايما لاتبكي بس هالمره ابكي يروحي طلعي كل شي مابوقفتس حقتس من الحزن والوجع خذيه يامي
ناظرته روح بدموع وارتمت بحضنها بدموع وشهقه:تعبت يالمى احسه حلم مابيه يروح مالي غيره اموت بداله ولا يموت هو ماقدر اكمل حياتي بدونه!
شده عليها لمى واكملت بدموع :جالسه بينهم جسديا بس روحي روحي يالمى طلعت مني ونامت جنب ابوي تركنتي
اعيش اصعب ايامي لحالي !!
بعدت عنها ومسحت دموعها وابتسمت بحزن:شفته وجهه منور مرا ويجيب الراحه وجهه يالمى !وكان عليه ابتسامه خفيفه مثل ماما كلهم راحو وهو مبتسمين الا انا بقيت اناظرهم لمى ليش ماخذوني معهم لمى ابيهم تكفين!
حضنتها لمى بدموع:والله اذا احب بعدا ابتلاه بمصيبه حتى يشوف مدا ايمانه بالله! والله يحبتس ياروحُ وبيختبر صبرتس على قضاءه وقدره اصبري واحتسبي الاجر والله انه عند الله عظيم ولاهو ضاايع