وكيف يبعد مني من جعلت له صميم قلبي على علاته وطنا

٣٥

سكر باب غرفته بتعب بدل ثيابه سريع ورفعهم طاحت منه اسوار حياه مسكه وضرب جبتهه بتناسي:اف نسيت ارجعه
قرب وفتح درج وحطه فيه طلع لغرفه امل وطق الباب
دخل بعد ماسمع ردها وتلفت :وينك؟
امل وهي تفرش اسنانها:قاعده انظف اسناني انتظرني
سعود بابتسامة:انتظرك العمر كله لو تبغين
ضحكت ومشى بتجاه الكنب انتبه للالبوم موجود على الكومدينا اخذه وجلس على السرير شافه قبل وحب يرجع يشوفه كان يتمشى بين الصور ويبتسم انتبه لصوره وكانت مالوفه عليه حاول يتذكر بس قاطعته امل :ها كيف الداوم اليوم
نزل الالبوم وجلس عندها:حرفيا كان متعب
ابتسمت وهي تضرب رجله:يلا معليه كان اهون مني
سعود وتذكر سالفه خالد:خالد شوضعه؟
امل بعدم فهم:شوضعه؟ موظف عادي
سعود:موظف وفهمنها بس ليش محطينه كامل الاحقيه
امل باستغراب: اي احقيه ؟
سعود:يقرر بكيفه يفتح مشاريع وجميعات ووقف ومدري وش
امل :ماله احقيه اذا رفضت هشي بعدين ليش معارض فكره الوقف جدا عادي وتصرف لطيف !
سعود هز اكتفاه:موظف عادي ويقرر !
امل :ولاتنسى موجود عندنا ويشتغل منزمان وبينه وبين عمك صحبه بس ماهي بالقويه
سعود:تصرفك ببرود معه دليل لوش؟
امل:اوه علينا عاد تفتحت تحقيق شلون يعني تبيني كل ماشوفه اخذه بالاحضان بترتاح كذا يعني!
سعود طير عيونه:اذبحه والله لو قرب منك
ضحكت امل:شفيك انت بعدين انا من بعد عمك ماشوف احد غيره كان حي او بعد ماتوفى
هز راسه وباس جبينها:تصبحين على خير
ردت الابتسامة:وانت من اهله
طلع وسكر الباب وراه قامت واخذت الالبوم وقعدت تتفرج فيه وتمسح على صوره بنتها وباستها:وينك يامي؟ باي ارض انتي موجودة من بعدك فقدت طعم النوم ينظر العين
نزلت دموعها وسكرت الالبوم وسحبت لحافها تحاول تنام وبالها كان ولا زال مشغوله بابنتها اللي مجهول مصيرها .

.

.

.

سانده راسها على الشباك وابحرت بافكارها
تفكر وكثيييير كيف بتكون حياتها لو عندها اهل؟
بتصير نفسها هالحين ولا تتغير؟
وكيف الشعُور لو كان عندي اهل بيخافون علي لو اختفيت فجاه او طولت بالنوم لو مرضت بيقعدون عند راسي للصباح لو اخذت معدل حلو بيفرحون لي؟
لو كبرت بيسوون لي يوم ميلاد بيحتفلون فيني!
تعددت افكارها حول هالموضوع ولاهي قادره تشيله من راسها نزلت دموعها بحراره وكانها لهب احرقت خذها
وسرعان ما مسحتها لما دخلت حنين بتذمر:وجع وجع
حياه تغصبت الابتسامه:شفيه بعد؟
حنين بحلطمه:وجع حفصوه ماخلتني اشبع وكانت بتعاقبني لاني سحبت الساندويش حقيره
ضحكت حياه:ماشبعتي لك ساعه وانتي تاكلين!
ناظرتها بطرف عين:وشو يعني حاسدتني
ضحكت:لا مستغربه وين يروح الاكل اللي تاكلينه بس
حنين بتقليد:وين يروح اننننن انقلعي بس بنام
ضحكت حياه :ايه اهربي اشوفك الصباح
حنين بصرخه:طفففي النووووور
حياه بانزعاج:وجع اسمع ترا
طفتها ورجعت لسريرها ولرجعت تفكر بنفس الموضوع
اما حنين اللي شاغله بالها بسالفه نهلاء وولدها .

.

.

وقف عند مسجد كبيير تنهد بقوه وناظرها :انتظريني هنا
فزت روحُ:وين بتروح؟
ملهم:بشوف مكان فاضي او لا
رجعت ظهرها للمرتبه وهي تتامل خطواته لين دخل المسجد حست وعرفت تماما ان ابوها موجود هنا
دخل ملهم وكان قبله كاسر وعمر:عمر !
كاسر وعيونه محمره:وش سويت وين البنت؟ ليش تركتها
ملهم بضيقه:ماتركتها معي بالسياره
عمر بصدمه:كيف تجيبها؟
ملهم:شسوي ياخي اصرت بتشوف ابوها ماقدرت ارفض حقها
هز راسه كاسر :الصلاه عليه بعد صلاه الظهر ضبط وضعك
ملهم هز راسه :بدخلها اجل؟
كاسر لف شماغه على عيونه:دخلها دخلها تودعه!
اخذ نفس عمييق ورجع لسيارته فزت من شافته جاء وفتح باب حقها لف راسه:انزلي
اوجعها قلبها واجتمعت الصرعات بداخلها مشت معه بخطوات ثقيلة
وهي تردد بداخلها
يارب انه حلم يارب ماقوى على فراقه يالله
وعت على نفسها لما لف عليها ملهم وهي فاتح باب مكتوب عليه"غرفه الوداع" قرت الاسم وهبط قلبها بقوه ودها تنزع هالشعُور مستحل قلبها ولا عاطي مكان للنفس
دخلت وهي تشوفه نزلت نقابها وطرحتها على اكتافها
مشت له بخطوات بطيئه
قربت وباست راسه شمت ريحته وكانت مسسك
حطت يدها على صدره وشافته بارد
لفت على ملهم ولاشعوريا:جيب لحاف بابا بردان ليش يتركونه بعد لحاف !
لف راسه عنها وعصر عيونه بضيق على حالها
نزلت دموعها ولفت له
رجعت تبوس راسه اكثر من مرا
مسكت يده اللي كانت مثل الثلجه:ليش بدون اسباب تغيب عني! ليش تتركني بالدنيا مالي ولي؟
تتركني اوجه مره هالحياه
اكملت بدموع وببحه:بابا قد ايش الدنيا قاسيه علي
خذت اغلى اثنين بحياتي! ولا كفاها هالشي واخذتك معها؟
باست يده :مو كنت تقول لي تقدرين تكملين الحياه مثل الطفله؟
بس بابا انا مت معك!ولاقدرت اعيش من بعدك
احس روحي طلعت مع روحك تركني وراحت معك!
شايف حتى روحي مهيب راضيه تعيش بدونك انتي كيف رضيت؟
حضنت يده:بابا ماقدر اعيش واتعايش مع هالوجع  رحت عند ماما وليش ماخذيتني معك!
بتطلع من حياتي وتاخذها معك!
بابا ما اسمح لك تتركني
اضييع بدونك والله اضييع
شايفتك حياتي ولونها ودليلي دنيتي اشوفها بعيونك
بلعت ريقها بوجع:ابتسامتك ووجهك اشوفها لي جنه حتى
حطت راسها على صدره وحاوطته بوجع ودموعها نزلت بغزاره ووجع:بابا قوم نرجع بيتنا يكفي مزح بابا قلبي مايتحمل هالمزح!
وقفت وراحت عند رجوله وباستها
ملهم حس وكان شرايين قلبه تتقطع مع كل كلمه تنطقها
مسح دموعه:كيفي ياروحُ
رفعت راسها وجاء فبالها بيت:
اثر المفاوق شين لاصار من موت!
لاهو على الدنيا تشوفه ويشوفك!
مرحوم ياشخص على الباب مايغيب!
عساك في فردوس ربي نشووووفك!
باست راسه بعمق ونزلت دموعها على جيبينه
روحُ ببحه :رحمه الله عليك ياوجه احببه بالحييل
من طيب قلبك حتى هالارض تبيك بداخلها!
اكملت بصوت منقطع:نظرتي الاخيره لوجهك كاني اودع بلاد والله ماهان علي اودع بلادي بس انجبرت بابا!
باست راسه مره اخيره ووقفت وهي تمسح شعره
قرب منها ملهم ومد لها النقاب  اخذته ولبسته بوجع ورفعت يدها وهي تودع ابوها وطلعت معه وهي تجر خطواتها بوجع طلعت وتركت روحها بالدخل عنده!
طلعت ولا بودها تطلع ودها تنام عنده وتندفن معه

انتهى..