وكيف يبعد مني من جعلت له صميم قلبي على علاته وطنا

٧

دخلت بهيبتها المعتاده ورائحه عطرها الفواحه تسبقها وصوت كعبها يرن بـ أنحاء المكان بصخب
توقفت السكرتيره ولحقتها:اهلا سيده امل
امل:هلافيك ياعيوني ايش اخر الاخبار اعطيني بمختصر
السكرتيره:شركه**** طلبت بانك تكونين انتي صاحبه الاعلان وينتظرون رد منك وفي براند جديد وبرضو يبونك انتي دخلت مكتبها الفاخر جدا وجلست بكرسيها
امل:في شي غيره ولا؟
السكرتيره:بس هذي الملفات تحتاج توقيعك
امل:تمام خليها هنا اذا فضيت شفتها ناظرت السكرتيره وابتسمت بحنيه وذكرى بنتها ماتروح عن بالها
امل:مشكوره ياروحي انتي تقدرين تطلعين
السكرتيره:الفعو ماسويت شي ذا واجبي وكانت بتطلع
السكرتيره بتردد:سيده امل همهمت امل
السكرتيره:سمعت باللي صار لك الحمدلله على سلامتك
رفعت راسها آمل وبابتسامة متسعه
امل:الله يسلمك بادلتها الابتسامة
السكرتيره:عن اذنك بطلع هزت راسها وطلعت السكرتيره
ابتسمت امل بوجع وطاري بنتها لايذهب عن بالها دمعت عيونها بشوق لبنتها المفقوده من سنين خانتها دمعه
نزلت على خدها ولم تكتفي بواحده مسحت دموعها واخرجت صوره وكانت هالصوره اخر صوره التقطت ل ابنتها قبل ان تختفي بيوم ناظرت الصوره بشوق يسيطر عليها بشكل غير معقول مسحت على الصوره وتحديدا ابنتها المفقوده وزوجها المتوفي اثر حادث سير خلال بحثه عن ابنته
امل بعيون دامعه:فقدت اغلى ثنين عندي بيوم واحد بس!!
الله يرحمك يالوجه الطيب اخذت الصوره وباستها بمعق ودموعها اخذت مجرها بالهطول طرق الباب وقاطع افكارها مسحت عيونها بشده وادخلت الصوره داخل الدرج الصغير دخلت السكرتيره
السكرتيره:اسفه على الازعاج بس فيه عندك اجتماع الحين
امل بصوت شبه رايح:تمام روحي انتي وبجي بعد شوي
استغربت السكرتيره من صوتها ولكن لم تعلق خرجت واغلقت الباب خلفها
.
.
.

دخلت ريماس مسرعه وكادت تسقط ناظرتها حنين
حنين:اللي يشوفها يقول تحب هالمكان طنشتها وراحت غرفتها دخلت ريماس عند نهلاء ناظرتها نهلاء بصبر
نهلاء:خلاص خلاص الموضوع عندي واغلقت الهاتف وناظرت ريماس وصرخت بوجهها
نهلاء:ماتعرفين الاستاذان انتي ولاتبين اعلمك من جديد
ريماس برعب من صراخها:ا اسفه نسيت توقفت نهلاء وحركت اصبعها بتحذير
نهلاء:اياني واياك تعيدين هالتصرف وان عدتيه مايحصل لك خير فاااهمه!!!!
هزت راسها ريماس برعب:فهمت فهمت تكتفت نهلاء
نهلاء:قولي شعندك
ريماس بتردد:ا شسمه حنين تافافات نهلاء ومسكت راسها
نهلاء:وش مسويه هالمصروعه بعد! متهاوشين انتي وهي
ريماس بتسرع:لالا مب انا حنين تهاوشت مع بنت بالمدرسة وضربتها ووقعت تعهد والبنت المسكينه وجهها تشوهه وامها تتوعد ناظرتها نهلاء بصدمه
نهلاء:هالحيوانه!!! بتخرب سمعه الميتم وبصراخ انا اوريها ناديها ليي هزت ريماس راسها وهي مرتعبه من صراخها وخرجت وكانت ليان تنتظرها عند الباب
ليان :وش صار صوتها مرعب
ريماس:اف لاتساليني خوفتني وابتسمت بخبث: علمتها عن حنين هههههههههه ودخلوا عند حنين ناظرتهم حنين بكره
حنين:مشتاقين لي ولاكيف ضحكت ريماس باستفزاز
ريماس:لابدا من زين هالوجه يوم نشتاقه له بس نهلاء طالبتك وواضح معصبه حيل ههههههه
قامت حنين:مشتاقه لي بعد وشمقت لريماس وطلعت
ريماس:شفتيها الحيوانه تشمق لي
ليان:معليك منها امشي نشوفها يلا وطلعوا خلف حنين
.
.
.

دخلت حنين بعد ما استاذنت ناظرتها نهلاء ببغض ونزلت نظارتها وتوجهتت لحنين واعطتها كف وصوت الكف يتردد بالمكان شهقت ليان من سمعت صوت الكف ومسكت ريماس
نهلاء:كم مره انبهك واحذرك من تصرفاتك ولسانك الطويل؟ ماتستحين على وجهك انتي بتخربين سمعه الميتم ؟؟؟ مسكتها من ياقتها ونطقت بتمنن
نهلاء:تحمدين ربك اني مخليتك عندي للعمر هذي المفروض تشكريني اني ماتركتك بالشارع انتي واللي معك اعماركم تجاوزت الـ١٨ وللحين قاعدين عندي هذي رحمه مني انا ولاني شفقانه عليكم واذا ابي اطردكم لي كامل الاحقيه بهالشي ولا احد يقدر يوقف بوجهي انا تفهميين والتفاهه اللي مسويتها بالمدرسه وضاربه بنت ماتستحين انتي!!!
حنين بعيون لامعه:هالشي من حقي انا تعدت على بالكلام وادبتها ولاتحسبيني بسكت عنها ابدا واذا على الميتم ليش صابره مسويه فيها قدامهم القلب الكبير وانا اللي احتويهم وتعرفين هالشي وكثير اذذا رحت وقلت لهم عن المعاملة اللي تعامليننا فيها راح يسحبونك من شعرك؟
ضحكت نهلاء باستفزاز:لسانك طويل يابنت اعلقي وتحسبين احد بيصدقك بيصدق واحده مثلك؟
انتي وريماس ومن معها كلكم تحت رحمتي اقدر اطردكم متى ماابي وفي اي وقت امي ولا احد يرفع صوته علي
وانتي معاقبه عن الاكل اليوم وبكرا واذا شفتك جالسه معهم مايصير لك خير والحين اطلعي برا ولا ابي اشوفك
ناظرتها حنين وفتحت الباب وشافت ريماس وليان بعيون دامعه من كلام نهلاء الجارح اغلقت الباب بقوه وركضت لغرفتها
ليان بدموع:تقول شفقانه علينا !!! سحبتها ريماس ونزلوا تحت توقفت ليان وسحبت يدها بعنف
ليان:ماعندك احساس؟؟ قاعده تتمنن علينا وانتي ساكته؟ ماتحسين مافيك غصصه من كلامها ؟؟
ريماس:عادي وش بيصير اذا تكلمنا وذا كلامها من زمان وش بيصير وش بيتغير واذا طردتنا مافكرتي وين بنروح
ليان:مافكرت لاااا وبكت اخذتها ريماس تحضنها وباست راسها