وكيف يبعد مني من جعلت له صميم قلبي على علاته وطنا

٢٥

ضرب الطاوله بعصبيه:ماتفهم انت؟ ماعندي كلام غير اللي قلت لك تبي  حياك الله ماتبي الباب وراك
الزبون:كل سنه اشتري منك والسعر نفسه ماتغير ليش هالحين ترفعه ؟
سند ظهره على الكرسي:ارفعه مثل مابي وانزله مثل مابي
ولاتشغلني قرر بسرعه!
الزبون بتفكير:ايه خلاص عندي نقل ضروري ومالي غيرك هالوقت
ابتسم بخبث:من اول يالباشا لاتتعبني معاك رفع جواله ودق على المساعد حقه:جيبه وقفل ورجع ظهره للكرسي
وماهي الا ثواني ودخل المساعد نزلها على المكتب وطلع
رفع الورقه :مثل ماطلبت طفل عمره ٨ سنين تطابقت التحاليل معه ورفع الصندوق وهذي امانتك وصلت
الزبون اخذ الصندوق وطلع :يعطيك العافيه
مشى لمكتبه واخذ دخانه وجلس على الكنبه وحط رجوله على الطاوله بروقان
لين قاطع روقانه فتح الباب وسكره بعصبيه وقف
حط الاوراق قدامه وبعصبيه اعمت عيونه:تستهبل انت وش معنى ترفع السعر؟ الزبائن ماوقفوا اتصالات بتخرب كل شي سويناه ؟؟
زفر دخانه بروقان:وليش اخرب ماسويت شي بلعكس هذا مقابل تعبنا بالتجاره انا نتعب ونجمع وهم ياخذون بارده مبرده؟
انقهر وسحبه من ياقته:ماتفهم اقول لك زبايننا من وقت طويل شلوون ترفع الاسعار بدون ماتشاور يالنابر؟؟؟؟
سحب يده ونزلها بعنف:يدك لاترفعها مره ثانيه فاهم؟
وبعدين ليش اشاورك مين انت ؟ هذا شغلي انا اسوي اللي ابي ماعمري تدخلك بشغلك تنزل الاسعار ولا ترفعها كنت معك وادعمك بكل قرار تاخذه شغلنا يختلف يالفاتح!
الفاتح بعصبيه:تجارتنا وزباينن واحد ماتفهم انت قاعد تصعب الامور علينا وتحطنا بموقف بايخ عندهم
النابر ببرود:مالك شغل فيني تقدر تسحب جيشك وتطلع
الفاتح بعصبيه:مهو انا اللي اترك شي مانهيته شغلنا مشترك بتحطنا بداهيه
النابر بتنهيدة:مافي شي مشترك غير التجاره انا اعصْاء وانت محْدرات اسوي الي ابي ويلا الحين خذ اوراقك واطلع
الفاتح وهو ياخذ الاوراق:انت قاعد تهدم شغلنا من سنين اللي تسويه غلط اصحى
النابر:هناك الباب شكلك مضيع
تنهد الفاتح وطلع سحب الكرسي النابر وهو يجلس ويمسح وجهه بتعب

.

.

.

فتحت باب الغرفه وانسدحت بسريرها بتعب
حنين :اه يالركب اه يالمفاصل المفااااصل
حياه وهي تسكر الباب:لاتبالغين يالعجوز
ناظرتها حنين بطرف عينها:مسحبتني معك وين مارحتي وتقولين لاتبالغين متى ابالغ اجل كسرتينيي رجولي ماني حاسه فيها كل منك
حياه بابتسامة:روحي لحفصه تعطيك مرخي عضلات هههههههههههههههههههههه
سحبت الوساده وضربتها :اكرميني بسكوتك وطفي النور بنام
وقفت حياه واخذت ملابسها وطلعت

.

.

-غرفه ريماس والبنات-
ريماس وهي محتاره:بنات اي لون احلا؟ احمر ولا اورنج؟
وقفت ريفال:اشوف اممم الاحمر احس بيطلع واو جربي
ريماس نزلت المناكير:اوكيه بحط اورنج
ريفال بصدمه:وجع وليش تشاورين اجل مالت
طنشتها ريماس وانشغلت تحط مناكير
ناظرت ريفال جود السرحانه وراحت لها:شفيك؟
جود بعدم اهتمام:ولاشي
تكتفت وناظرتها بهدوء بدون ماتتكلم
نزلت اغراضها:خير وش تناظرين ؟
ريفال سحبتها من ياقتها:وش تخبين عننا انتي
سحبت يدها ونزلتها بقوه:وش اخبي عنكم يعني وبعدين وش دخلك فيني مريضه انتي روحي تعالجي لاتشغليني
ريفال ضربتها كف:هي عاد انتي المريضه يالنفسيه
جود سحبت شعرها بقوه:انتي عاد ترا واصله معي ومالي خلق لك اشتري سلامتك وابعدي عني ولا والله لا اشوهه وجهك لك
ريفال بالم:يالمريضه فكي شعري!!
وقفوا ريماس وليان وهم يحاولون يفرقوهم
ريماس:هي هي شفيكم انتو؟؟
ريفال وهي تمسك راسها:اساليها جيت اتطمن عنها وانفلتت علي المتوحشه
جود بكتمه:لاتتطمنين محد شكى لك الحال اهتمي بنفسك وطلعت

.

.

.

ابوروحُ:وش معجلك اصبر بيجيني رجال وابي تكون موجود
ملهم بفضول:منهو هالرجال؟
قاطعه دخوله ووقف ملهم بصدمه:عمي كاسر؟؟؟
كاسر:ايه عمك كاسر وشنوحك (شفيك)مهي عاجبتك جيتي
ملهم:لا محشوم طال عمرك بس استغربت
ابوروحُ:اجلس يالكاسر اجل ولد عم نايف هههههههه
كاسر بضحكه:عاد انطلبت وانا تعرفنن مارد اللي يطلبن
ربت كتفه:ايه بالله اعرفك
ملهم بعدم فهم:شسالفه يالربع؟
ابوروحُ:يعني يوم انك تدور لك شيخ يجي بدال نايف مالقيت الا اخوي؟
ملهم طير عيونه بصدمه:ه ها اخو اخوك؟؟
الكاسر:اخوان بالدم واناعمك
ملهم وهو يجلس بينهم:ككيف ووشلون وليش ماقلت لي وسويتوا نفسكم ماتعرفون بعض
ابوروحُ بابتسامة متعبه:خذ نفس وانابوك
بتعرف كل بوقته بس الحين انا ابي نحتسي(نتكلم) مع بنيتي عن سالفتك و
قاطعه ملهم برفض:ياعمي وش سالفتي
ضربه كاسر بالعصى:انت ورا ماتسكت وتسمع وش يقول
ملهم وهو يتحسس الضربه:معليش كمل
ابوروح:سالفتك اقصدبه جنسيتك هي للحين تحسبنك اجنبي ابيها تعرف
ملهم ببلشه:بدري يعني اقصد تونا متزوجين مانصارحه هالحين؟
الكاسر برفض:الا الحين وياحلاته بالبدايه مهو احسن من تكون مخدوعه
دق جوال الكاسر واعتذر منهم وطلع
ملهم: طيب يعني وش بتقولون والله يابنيتي ترا زوجك سعودي مهو اجنبي وسوا نفسه اجنبي عشان مهمته واعذرينا ما علمناك بدري
ابوروح:ايه كذا بنقول
ملهم بصداع:يعمي طيب مهو الحين خله بكرا ولابعده
ابوروح بتعب طفيف:لا الحين
تنهد ملهم وسرح

.

.

-عند روحُ-
دخلت غرفتها وقفلت الباب وهي تحاول تستوعب اللي سمعته كيف ووشلون سعودي ووش مهمته اللي خلته يكذب وابوي يدري وساكت او لا وسوال يطرح سوال ببالها لين غفت

انتهى...