وكيف يبعد مني من جعلت له صميم قلبي على علاته وطنا

٤٣

طلع يسحب رجوله بصعوبه ماعادت تشيله من الخبر اللي سمعه مشي بين العساكر وهم يناظرون لحالته الغربيه!
وقف احد العساكر وساله:وينه ال***** سامي؟
اشرا على احد الغرف:موجود هنا طال عمرك هز راسه بوعيد ومشى يداري خطواته للغرفه اللي اشر لها العسكري
تلفت وقرب بيفتح الباب بس سبقه رائد وطلع من الغرفه وسكر الباب وراه:نعم يالحبيب جاي ؟
ملهم بتمالك لاعصابه:ابعد عن وجهي وقرب بيتفح الباب بس منعته يد رائد اللي انمدت عليه:واذا مابعدت وش بتسوي
عض شفته ورفع عيونه لرائد بحده:شوف مالي خلق لك ابداا ولا لي مزاج ف ابعد عن الباب احسن لك!
رائد:طيب خل نسوي كذا افتح لك الباب وتدخل وبعدها تتهجم على سامي وممكن يموت بيدك
صفق بيدينه:يازينك وانت تفهم يلا ابعد
اشرا بيده:انتظر بكمل وبعدها يجي الرائس ويطردني انا عشان دخلتك احب اقول لك لا والف لا يلا اقلب وجهك
مسكه من ياقته وشدها بقوه:ماااتفهم انتت!!! ماعندك دم ماعندك رجوووولهههه ماتبعد!!!!!!!
مسك يدينه ونزلها بعنف:مافهم ايه مافهم ماني مستعد اخسر وظيفتي عشانك وروح لبيتك احسن م اكمل خربشه على وجهك اللي فيه مكفيه!
ضحك بجنون:لا بالله!! تهددني الحين! بخاف منك يالورع! تعال كانك تقدر قريب!!
لف راسه رائد ورجعه وسدد ضربه قويه لملهم وضحك:خذا يلا
ضحك ملهم ومسح الدم اللي سال من شفته ووقف وردها لرائد بقوه وهز يده:عطيت!
وقف رائد وهو يشوف الدم بين اصابعه:كذا نظامك؟
رفع حاجبه وابتسم:كيف اعجبك حاب ازيد عليه؟
مسكه رائد وضربه براسه طاح ملهم وشافهم عمر وركض لهم :خيييرر شفيكم؟ ماهو وقتكم يالبزران!
رائ شمر اكمامه:والله قول لخويك بيدخل بالغصب وبيدْبح سامي ويحطها فيني!
ملهم وقف:تعقب ماهو انا اللي احط افعالي على غيري سويت شي بوقف وراه !
عمر ناظر ملهم بصدمه:قلنا انك مكسور ومجروح بس مب تصير قاتل عشان شخص رخييص!!
دفه ملهم:الا بصير هذا مايستاهل انه يتنفس حتى واشر لرائد:ولو هالتبن يبعد عني بخلص شغلي!
ابتسم رائد بسخريه ورجعه عمر ورا:واذا دْبحته وش بتسوي وش بيصير! خلني اقول لك وش بيصير!
ملهم بعصبيه:يصيير اللي يصييير مايهمني!!! اخوووي راح بسبب هالكلبب وتبيني اسكت؟ لاوالله ماسكتت!!و..
قاطعته عمر بصراخ:وتبي حرمتك تصير يتيمه مرتين؟!!
سكت ملهم ورفع عيونه لعمر
عمر :سكت لانك تدري اني صادق! البنت ابوها ماكمل شهر من توفى والحين زوجها بيصير مع ابوها!! ارحم هالبنت ولاتخليها يتيمه مرا ثانيه وانت تعرف مالها بالدنيا هذي غييرك! واذا انت رحت بتصير لحاالها بالدنييا وهي امانه ابوها عندك كيف تقدر تفرط بالامانه! ماهي من عوايدك يالملهم ماهي عوايدك تخون الامانه وانت ادرى بنفسك!

انصعق من كلام عمر وكان ماء بارد وانكبت عليه وخلته يصحى من جنونه! صادق ومليون بالميه شلون يتركتها!
ارتد لورا وناظر بعمر ورائد الساكتين ناظرهم بحده ومشى يداري خطواته
لف لرائد:حق علي يا رائد لاتلومه جته الاشياء ورا بعض ولا لحق يستوعب لاتواخذه !
هز راسه وبابتسامة:معليك وادري اللي صار ماهو بالقليل عليه ولا ماخذ بخاطري ابدا!
ابتسم وربت بكتفه:تعيش يالطيب رد الابتسامه له ومشى
دخل رائد للغرفه
طلع لحديقه القسم وجلس على الدرج حط يدينه على راسه والم يعتصره شايل اشياء ماتحملتها ظهره ابدا!
جت روح ببالها ولاطلعت ابوها مات بسببه وفوقها بيصير قاتل! هز راسه ينفي هالافكار وسرح بافكاره .