وكيف يبعد مني من جعلت له صميم قلبي على علاته وطنا

٥٣

بلعت ريقها بتوتر وشبكت يدينها وهي تناظر للطريق
وتتمنى توصل بسرعه!
حرك الدركسون وبهدوء:ارخيها!
حياه بعدم فهم:هاه؟
سعود وهو يطالعها بنص عين: شفيك شاده نفسك عادي خذي راحتك
حياه :حسته غريب شوي!
عقد حواجبه باستغراب:وش الغريب؟
حكت باطن رقبتها بتوتر:دكتوري ويوصلني يعني مدري مدري!
ابتسم بهدوء:دكتور مانيب امير عشان تسغربين
ابتسمت بتسليك وصدعت!
عض شفته وسحب بريك يقصد وطاحت علبه النظاره
تحت رجول حياه!
سعود بكذب:يالله من هالقطاوه !
حياه رفعت راسها وشافتها تركض للشارع الثاني:المهم ماصار لها شي!
سعود :العلبه طاحت !
حياه وهي تنحني:بجيبها!
مد يده ولف شعرها بخفه ورا المرتبه !
رفعت راسها بغرابه بس تجاهلها من اخذ العلبه وشكرها!
بعد مده وصلوا للسوق القديم
فكت الحزام وبهدوء:شكرا تعبتك!
سعود:العفو ماسويت شي
نزلت حياه وهي تركض لداخل السوق ولف بسرعه سعود يشيك على المرتبه وسرعان ماضربها بقهر:ياخي شفتها بالجوال مفروض تكون فيه شعره اووه!!!
رجع وركى بظهره بالمرتبه غمض عيونه وفتحها بسرعه
عدل جلسته من شاف حياه تطلع من السوق وهي تلتفت وواضح عليها الخوف نزل من السياره بسرعه
ووقف قدامها:شفيك؟
حياه:صاحبتي اللي جيت عشانها مهيب فيه!
سعود :يمكن انها طلعت مهوب ضروري تنام بالسوق!
حياه بتوتر:لا مهو كذا قالي ان فيه ولد يمشي وراها من دخلت لين طلعت اخاف يسوي شي لها!
سعود:مين هو ؟
حياه وهي ترفع شعرها:مادري مادري معرف ماعندي فكره ميين هو!
رفع يدينه ومسك اكتافها:خلاص لاتتوترين بنلاقيها والحين خذني نفس وفكري معي اذا تضايقت فيه تروح؟
زفرت انفاسها ورفعت راسها:مادري يعني فين بتروح ومينن اللي معها و..
اكملت بتذكر:ممكن تكون بالمكان السري؟
عقد حواجبه:المكان السري؟
هزت راسها بعجله:ايه المكان حقنا!!
لفت وهي اللي فكرت تمشي بس سحبها سعود ولف اصابعه بشعرها:مابتروحين مشي يالمجنونه امشي اوصلك انا اسرع!
هزت راسها بتوتر من قربه وهي تركب ووراها سعود اللي ابتسم بانتصار لما شاف خصل من شعرها بين اصابعه!
اخذه ودخله بجيبه وركب سيارته وهو يحرك للمكان
جاهلين عن الشخص اللي لحقهم ويصور كل تحركاتهم
رفع جواله واتصل بابتسامة شر:حصل !
بعد مده وصلوا للمكان وكان مليان اشجار كانه غابه!
سعود وهو يطل براسه:متاكده من المكان؟
حياه هزت راسها وفتحت الباب:ايه!
سعود :اصبري المكان مايطمن بنزل معك!
هزت راسها ونزلوا بهدوء
تلفت للمكان وبهدوء:عرفت ليه سري من هالاشجار
ابتسمت حياه:شرايك انا عرفته قبل
سعود :مكتشفه اثار ؟ ومشى قدامها
ناظره بحقد :هالغبي شايف نفسه ومشت وراه لين وصلوا تلفتت بعيونها لين طاحت على حنين وراكان
عند السياج
مشت بسرعه وهي تناديها بعتب:حنينوه!
لفت حنين وعقدت حواجبها باستغراب:حياه؟
قربت منها وهي تقرصها من كتفها:وين رحتي انتي؟
حنين بالم:وجعه لاتقرصين!
قربت وحضنتها :خوفتيني ماخليت مكان مادورتك فيه
حنين:احسن!
بعدتها وهي تبعد شعرها عن وجهها:ليش كذا؟
كانت بتتكلم وقاطعها راكان:بليز يابنات رومنسيتكم بعدين !
عقدت حواجبها:وانت مين؟
سعود بتذكير لحياه:الولد اللي كان معها بالسوق!
شهقت بتذكر:صح مين انت ؟
ولفت لحنين:مين هو؟
قرب سعود وهو يرتكي على السياج ويطالع المنظر بانبهار
راكان بهدوء :اسمي راكان تعرفت لحن..
حنين بمقاطعه:هو صاحبي الا انتي قولي من ذا؟
لفت حياه تناظر بسعود:دكتوري بالجامعه!
راكان بصوت خافت:دكتور جامعي ويوصلك اضمني الفل مارك!
حياه بنرفزه:اسكت انت وش اضمن شافني بمزرعه عمي احمد ووصلني بس!
وقربت من حنين:ونتفاهم بعدين على زعلك ذا