وكيف يبعد مني من جعلت له صميم قلبي على علاته وطنا

٤٠

يضربه بقوه ولا كفاه هالشي يحس داخله مابرد:احقر منك مافيه يالخسيس الحقير حطيناك بعيوننا تدربت معنا
!اخذ عقاب عشانك تعذب عشانك يالكلب وطلعت رخمه ماتستاهل اهخ ياخوي ياخسره تعبك ودمك اللي راح بالارض سامي كان مستلسم تماماً لضربات ملهم ولاعنده وجهه يواجه ولايرد بشي
اشرا لهم يفرقونهم وبصراخ:ابعدوني عننني هالكلب حرمنا من اخونا هالكلب ساح دمه بسببه وقوي عين بعد!! هلل.
قاطعه الرئيس لما ضرب على الطاوله بعنف:بسك ياملهم العداله هذ اللي بتاخذ الحق مهو انت! اسحبوه برا وحطوه بسجن لحاله وبطلب احلاله فوريه فاهمين!!
طقوا التحيه واخذو سامي اللي كان شبه الوعي بسبب ضربات ملهم له
ملهم بصراخ:وين بتاخذونه ماشفى غليلي توه!!! رجعو هالكلببببب!!!!
الرئيس بعصبيه:بسك عاد صيااح!! يكفي
اخذ مسدسه وحطه بجيبه وطلع لمكتبه طلع وراه رائد وسكر الباب جلس ملهم بكسر على الارض ودموعه نزلت بقهر:قلت عنه اخوي! ذخري وسندي وهو وش سوا؟
جلس بجنبه عمر واعتصر عيونه اللي انهارت دموعه منه
نزل راسه على الارض وصار شبه منسدح نزلت دموعه بغبنه وقهره ولاقدر يرد على ملهم
ملهم وبراكين بصدره تجمعت:ياخيرماصدقتهم
اذيتهم كلهم ولاصدقتهم رائد الغثيث شكيت فيه اول واحد وحطيته فبالي ولاتوقعتها من اخوي! اسميه اخوي وللحين اقوله له!
ياعمر ماني مستوعب اللي صار ليييشششش!!
نزلت دموعه بحراره:مادري ليش بس بناخذ حقنا وحق اخونا منه ويخسي يصير اخونا بعد سواته الشينه
ان صار القصاص الحمد لله وان ماصار بناخذه بيدنا!
ملهم بحقد اعمى قلبه:منتهى امره قبل يدخل ساحه القصاص حتى !

فتح مكتبه وسكر الباب وراه جلس على الطاوله وفتح اول درج وطلع صوره تجمع بينه وبين طلابه اللي دربهم ومن بينهم كانت صوره لسعد "خويهم وطالبه اللي انغدر"
نزلت  دموعه ومسح على وجهه بالصوره باصبعه الابهام:اعطيتك ودع ووفيت مسكته ولاني راضي الا بالقصاص عليه حرمنا منك بجهل منه بس مانقدر مانخلي الدم مايسيل ولو رفضت انا وراي ملهم وعمر بيعصوني ويمكن بياخذون حقك بيديهم وانا ماني راضي يبطخون يدينهم بالكلب مسح دموعه ودخل الصوره :ادخل
العسكري باحترام:هذي كل المعلومات عن سامي
هز راسه:واعطي لهم مخبر قرر غير القصاص مرفوض ويستعجالون فيه مابي تاخير زي ماصار قبل فاهم؟
هز راسه وطق التحيه وطلع ارخى ظهره بالكرسي حقه
ونزل نظارته وحك عيون زفر بتعب وسند راسه بالطاوله

.

.

.

مشت بهدوء وصارت ورا الباب:مين؟
تلفتت وبهدوء:انا
روح غمضت عيونها:اجل انا! اقصد انتي مين؟
زفرت وشدت بعبايتها:انا اللي جيتتس اعزيتس قبل !
روح بهدوء:ياخاله ماذكرتس
اشبثت بالباب:افتحي ياروح جايه عندتس نيتي طيبه ويشهد ربي علي وعندي موضوع بتحكى فيه معتس
روح اللي ترددت تفتح الباب وضلت ساكته
عرفت انها ممكن تكون خايفه وبهدوء:جايتس بتكلم معتس بطاري امتس موضي!
فتحت عيونها لطاري امها وفتحت الباب ودخلت:مين انتي ووشلون تعرفين امي؟!
رفعت عبايتها:نتكلم هنيا؟
تنفست بسرعه واشرت لها تدخل وفعلا دخلت ووراها روح
اللي خايفه من جيتها وتحس وراها شي!
ضيفتها بالمجلس جلست بهدوء تناظر لروح!
روح:اكشفي مافيه احد!
ترددت بالبدايه بس انصاعت لطلب روح وكشفت
ارتاح جزا من روح ووقفت بهدوء:بجيب القهوه وبجي
هزت راسها برفض:لا مايحتاج
تنهده وغصه توسطت حلقها :ماهو من سلومي يجيني الضيف ولا اضيفه مابطول خليتس هنا
هزت راسها بابتسامة طفيفه وراحت روح تجهز القهوه
رفعت جوالها ودخلت لمحادثه لمى
«لمى وينك؟»وصلها رد لمى بسرعه«طلعت للسوق مع امي ليش» تنفست بهدوء وردت «تذكرين المره الغريبه اللي جتني بالعزء قبل يومين؟» رد لمى«ايه شفيها»
تنقلت نظراتها بين القهوه اللي تطبخ والجوال«جتني ودخلتها» رد لمى بخوف«تستهبلين! ليش تدخلينها لاتسوي لتس شي » رد روح«ماعرف جابت طاري امي واحسها تعرفها ودخلتها واعطيتس خبر» رد لمى«تونا طلعنا انتظري بجيتس ترا!» ابتسمت بهدوء «تمام حياتس الله»وقفلت جوالها وحطت القهوه وطلعت لها
صبت لها القهوه وبهدوء:قلتي عشان امي تعرفينها؟
نزلت الفنجان :ايه بالله اعرفها
روح بتوتر:معرفه قرابه ولا كيف! اللي اعرفه امي ماعندها قرايب
هزت بنفي:لاوالله ماهيب قرابه بس صداقه
درست معي زمان
هزت راسها ورفعت شعرها:قلتي لي موضوع يخصها عسى خير؟
تنقلت انظارها لاثاث البيت وبهدوء:الا كيف ماتت امتس؟
بلعت غصتها وشدت على الفنجان وببحه:موته طبيعيه
ضحكت بسخريه:وانتي مصدقه ؟

.

.

.

فتحت الباب ودخلت انسدحت على سريرها بتعب
رفعت حاجبها:وين كنتي؟
لفت راسها لحياه وارتكزت على كوعها:ابدا موجوده
نزلت ولبست السليبر وجلست بالسرير:تستهبلين!
مشيت المبنى كله ولاشفتك ليكون هربتي؟
عدلت جلستها ورفعت شعرها بربطه:وين اهرب بالله؟
طلعت للسطح
نغزتها ببطنها:حنين! قولي الصدق
حنين بالم:ياخي اوجعتيني والله ماكذب واذا مب مصدقتني اسالي جود بعد
حياه باستغرب:جود! جود ماغيرها صح
هزت راسها بايجاب:ايه كم فيه وحده
حياه:فيها شي؟
ميلت شفتها:لا والله بس دردشنا شوي
هزت راسها وتنهدت:ايه زين
دفتها بكتفها:وانتي خير شفيك تحققين؟
رفعت اكتافها بعد معرفه:بس اسال
همهمت بملل وانسدحت على ظهرها ووقفت حياه
وجلست بالشباك مسكت الكتاب وتقرا فيه

.
.
.
ريفال بتصفير:يلا اللي تفوز بتكون الكويييييينن!
ليان بعدم اهتمام:يوك بس اعطيني شي يحمس كوين ايش بعد
ضحكت ريماس وبغرور:انا الكوين دايما!
ودخلت جود باخر كلام ريماس:كوين عليهم ياختي
لفت لها ريماس وبابتسامة:حتى انتي معهم ههههههههههه
نزلت جزماتها واخذت بجامتها:خلي عنك بس
ودخلت تبدل ملابسها
ليان نغزت ريفال:وانتي يلا اعطيي جائزه زينه اف منك
ريفال بتفكير:ياليل تبغون كوب قهوة
ريماس بتطنز:ونكتب عليه لايبدا يومي الا بالكوفي شوب
ضحكت ليان
ووقفت ريفال بضجر:اجل دزوا معندي جوائز شايفيني
بابا نويل
ليان بضحك:انتي اطلق منه
ريماس:بابا نويل حقيقي ولا خرافه؟
ليان:لو حقيقي صرنا من الاغنياء
ريفال:اغنياء الاكول خلوا عنكم وناموا احسني مصدعه
ريماس:روحي لنهلاء تعطيك حبوب
ريفال بسخريه:ايه بتعطيني وتاخذني بالاحضان بعد
ليان:شعندها لها يومين ماجت
ريماس انسدحت:ياعساها بكل الايام ماتجي
ريفال وليان بصوت واحد:امييييين