وكيف يبعد مني من جعلت له صميم قلبي على علاته وطنا

٤٦

فتحت الخيمه ودخلت شافت حياه نايمه:شف هالعجوزه
لفت وراها:كلهم عجز!
دخلت وسكرتها جلست بملل وسحبت شنطتها وطلعت جوالها شافت مقطعها اليوم بالباص وضحكت بغرور:يزيني بس مسويه لهم جو الله يحفظني لكم امين امين
نزلت الفديو ستوري وكتبت عليه
‏"🤍We spend a fun time"
  "نقضي وقت ممتع يارفاق"
سمعت صوت وارتعبت طفت جوالها بسرعه وخبته فتحت الخيمه وطلعت :وش هالصوت ؟غريبه
شافت باقي من رمد النار والمكان كان دافي شوي جلست على الكرسي ومسكت عصى وتحرك بباقي النار!

.

.

.
دخلو وهم يضحكون بشكل هستيري!
تركي بضحك:بس قلت لكم وانتو ماصدقتوا!
ولف شافهم جالسين بالصاله:اووه العايله الجميله مجتمعين!
ناظر راكان:ها قدرت تقنعهم يالاخ!
راكان بعدم فهم:اقنعهم بايش؟
تركي حرك يدينه:انهم يكتبون الورث باسمك؟
وقف راكان بعصبيه:ترككيي!!!
وقفت الجازي:بنات لغرفكم يالله!
مياس:وليش؟ مضيقكم وجودنا؟
سعد بعصبيه:اطلعوا فوق وانت ياتركي حسابك عندي
تركي رفع يدينه وهو يرجع خطاويه لورا:دايما حسابي عندك يالغالي وطلع فوق ووراه البنات
غمض عيونه راكان بقهر:انا بطلع لبيت لحالي يا يبه!

سعد برفض:وش هالكلام وانابوك لاماتطلع
الجازي:ايه يامه خلك قدام عيوني لاتطلع
راكان بصمله:اعذروني انا قبل شفت بيت واعجبني واخذته
يكفيني !
سعد بعصبيه:تشوف بيت من ورانا؟ وليه وش مقصر فيه هالبيت كبير ويكفينا !
راكان:ماتشوف تركي والبنات ماهم راغبين وجودي ولا ابي ازعل احد لا من اخوي وخواتي ولا منكم ولاتردوني اخذت البيت وبكرا بنقل له ومشى لغرفته
الجازي بضيق:راكان يامه لاتروح!
مارد عليها وصعد للدرج
جلس سعد بقله حيله وقدامه الجازي:سو شي يابوراكان لاتتركه يروح
سعد:ماتشوفينه مقرر ومخلص! بدون لايشاور بعد وانتي ادري بولدك راسه يابس ولا يسمع احد!
جلست وهي تضرب رجولها وعيونها تتنقل علي سعد والبيت!

.

.
دخل غرفته وطلع شناطه وفتح دولابه وهو يرتب ملابسه داخل الشنطه
طلعت من غرفتها وشافته يرتب ملابسه بحكم ان باب غرفته مفتوح!
مشت بهدوء وطقت الباب:عادي ادخل؟
ناظرها وبابتسامة:ادخلي ياخوي
مشت بهدوء وهي تفرك يدينها ببعض:بتسافر مكان؟
راكان وهو يطلع باقي اغراضه من الكوميديا:لا بنقل لبيت
ميسم بضيق:انت زعلت ممنا عشان كذا بتطلع؟
ابتسم ومسك وجهها بيدينه وباس جبينها:لاياخوي انتي
مازعلت منك بس بطلع عشان اخوك واختك يرتاحون ويتركون الضغط على امي وابوي!
مسكت يدينه وعيونها لمعت :ماعاد تجي عندنا؟
راكان ابتسم:لا بجي وخصيصا لك تمام!
هزت راسها وتكلم بهدوء:يلا يعيوني تاخر الوقت روحي نامي ونتكلم الصباح تمام؟
هزت راسها وبابتسامة:تصبح على خير !
راكان:وانتي من اهله طلعت وسكرت الباب وراها
جلس على السرير ومسك البرواز وداخله صورتهم!