وكيف يبعد مني من جعلت له صميم قلبي على علاته وطنا

٤٥

دخلت حفصه :راحوا البنات
وقفت بهدوء:يلا امشي وراي
دخلت غرفه حياه وحنين وفتحت الدولاب:فتشي بدون لاتخربين شي
حفصه وهي تفتش السرير:ماقبل تفشنا !
نهلاء لفت لها وبحده:نفتش مرا وثنتين وثلاث لين مانلقاه
حفصه:نلقى وش بالضبط؟ ماانتي ماقلتي لنا وش ضايع لك
نهلاء بهدوء:جوال
حفصه:جوال!! جوال مين حقك؟
نهلاء بكذب:ايه حقي ولاابي اتقصد بنات دوري يلا
هزت راسها وهي تدور بانتباه
سكرت الدولاب ووقفت تتامل الغرفه مشت وهي تحرك اللوح والستائر
حفصه:مالقيت شي يمكن مو هنا!
حطت يدها على الشباك وجذبت طرف شفتها:وين يروح
حفصه:انتي شاكه باحد؟
هزت راسها ووقفت قدامها:شاكه بحنين بس شوفه عينك مافيه شي!
حفصه:حنين!
هزت راسها بابجاب
حفصه بهدوء:صح اتفق معك حنين مجنونه ومستهتره وممكن تسوي اي شي بس ماتسرق شي وانتي تعرفين
والدار مليان بنات
هزت راسها وحطت يدها على فمها:وانا اللي اعرفها براسك احد؟
حفصه:لا والله واساسا يمكن مو هنا! ضايع ببيتك ولاشي ولااحد من برا
تنهده وضربت يدها ومشت:يلا امشي لهم مانبي نتاخر
هزت راسها وهي تقفل الغرفه وتطلع وراها

.

.

.

نطت على اخر درجه:اوليييه
حياه :انتبهي لاتتكسرين بس
نزلت ريماس:خليها تتكسر نرتاح منها
حنين رفعه حاجبها:وانتي خير!
حياه دفتها:خلاص فكونا جايين نستانس لاتبعصونه
ليان:بليز بنات اجلو هوشاتكم لاارجعنا
قشرت بوجههم حنين وسحبتها حياه
امينه بهدوء:بنات وصل باص الخيام يلا استعجلو
تكتفت حنين ودفتها حياه:يلا امشي بلا كسل حنينوه
تافافت بانزعاج:ليش ماكملت جميلها وسوت الخيام اوف
نزلوها وبدوا يرتبون الخيام ولايخلى من هوشات ومناقره حنين وريماس
حنين وهي تسحب المفرش:ريماسووه خليه اخذته قبلك
ريماس وهي تشد بقوه:شفته قبلك فكييهه!!
حنين بوعيد:اتركيه والله لاشد شعرك واكسر الميك اب حقك وتقعدين طول المخيم بدوونه!
تركته ريماس بخوف:وجع مابيه اصلا
حنين بابتسامة:ايوا كدا خليك شطوره من اول وسحبت المفرش وراحت لحياه اللي تناظره بقله حياه:خير انتي بعد
حياه بنظرات:وش هالتصرفات فيه مفارش كثيره
رفعت المفرش :بس انا الي هذا! ودخلت للخيمه ووراها حياه

.

.

.

تنهدت وفتحت الباب:فاضي؟
عدل جلسته:افضي لعيونك سمي شبغيتي؟
ابتسمت وسكرت الباب وراها وجلست قدامه:اليوم قابلت خالد
ناظرها وهز راسه ينتظرها تكمل
كملت بهدوء:وفعلا حسيت وراه شي مابي اظلمه مو متاكده يمكن سامعه غلط ولاشي
سعود:وش سمعتي؟
امل بتذكر لحديثه:مادري مثل بخليها توقع وكانه يهاوش احد كذا ماني فاهمه
سعود :وغيره سمعتي شي؟
امل :اللي فهمته انه بيخليني اوقع وباقي ماقدرت اسمع
هز راسه بوعيد:معليك ولاتشيلين هم انا بشوف وش وراه
ابتسمت ووقفت طاحت عينها على الإسورة وبابتسامة:حقت مين؟
انتبه لابتسامها وفز:لايروح تفكيرك بعيد هذي لوحده طيحتها عندي وبرجعها لها بس نسيت
مسكت الاسوراه وحركه ابهامه عليه
ابتسم بتذكر:وصاحبتها تشبهك
حركت شفتها وبابتسامة نزلت الاسوراه:ومنتبه بعد
سعود بنرفزه:قلتك قبل
ضحكت من نرفزته:ايه خلاص يلا
وطلعت رجع ظهره ومسك الاسوراه وهو يفكر شد عليها ودخلها بداخل الدرج وسكره
حك راسه ووقف وطلع لامل دخل غرفتها:ست الحلوين
ناظرته وبهدوء:شعندك!
مشى وجلس قدامها:ابي رقم خالد
تنقلت نظراتها على غرفتها تدور جوالها ووقفت من تذكرت مكانه:بجيب جوالي وبجي انتظر
هز راسه وتأمل الغرفه طاحت عينه على صوره معلقه بالجدار وكانت لامل وزوجها وبنتها
ابتسم ووقفت قدام الصوره وهو يناظرها بتامل
طاحت عينه على الطفله وناظر يدها وانتبه على الوحمه الموجوده على يدها رفع حاجبه ورجعت ذاكره لورا
بارت"٩٨" لما طاحت اغراض حياه ورفعها معها وتذكر الصوره وبصدمه:ليكون هي! عقد حواجبه بتفكير وقاطعته امل اللي مدت جوالها له:هذا الرقم!
ناظرها ورجع نظره للصوره هز راسه واخذ الرقم وباله مشغول لو كانت حياه بنت امل! اعطها جوالها وطلع لغرفته بسرعه نزل جواله على السرير وهو يدور بالغرفه :كيف م انتبهت ! ولو طلعت جد بنتها؟
سحب جواله وهو يدق على اداره الجامعه
وطلب معلومات عن حياه وهو متأمل انها بنتها
قفل جواله وجلس وهو ينتظر اتصال منهم ويهز رجله بتوتر