وكيف يبعد مني من جعلت له صميم قلبي على علاته وطنا

٣٤

تجهز العشاء وسمعت صوت الباب يتسكر:الجوهره جيتي؟
الجوهره ببحه:جيت .
مسحيت يدينها :تعالي تعشي .
نزلت جزماتها(كرم القارئ:ما اشتهيه بالعافيه عليك
استغربت صوتها وطلعت:وشفيه صوتك تعبانه؟
لفت راسها وهي تمشي لغرفتها:لا مافيني شي بنام
ناظرتها باستغراب ودخلت للصاله
سكرت باب غرفتها ودخلت للحمام(كرم القارئ)
فتحت الدش على الماء البارد ودخلت بملابسها
اختلط الماء بعيونها ورغم برودته الا انها تحس كانها نار تمطر عليها من سوء الشعُور اللي تحس فيه
بغمضت عين تحولت حياتها لفراغ تماماً
والحين عرفت قيمه سلطان بحياتها وانه معطيها حياه وسرور وجوده يكفي انه يبعث الراحه بحياتها
بس الحين حتى هو راح ماعد له وجود بحياتها طلع منها تماما وفوقها كرهها غمضت عيونها بقوه لما تذكرت كلامه
"يالجوهرة كثر ما كنت احبك كثر ماصارت اشوف الدنيا بعيونك مقدر هالحُب الكبيير!!
تحول لكره الحين نجحتي وصرت اكرهك مثل ماكنت احببك واكثر اكرهك"بارت ١٠٠
هالكلام كافي وجدا انه يهدم قلبها
اعتبار شخص كان يشوف الدنيا بعيونك
صار يشوف سواد مابعده لون كااافي انه يحرق قلبها باللي فيه ضربت صدرها بقوه وبكت:ليييت ماعندي قلب يحس ليت!!ليت هالشعور ماكان له اصل من الاساااس !
جمره بالقلب ماهو ششعُور
انا غلطت بس نددمتت والله ندمت ويشهد على ربي انا ندمانه قد شعر راسي على هالتفكير
نطقت اسم "الله "بتناسي انها بالحمام
بعد وقت
طلعت وهي تلبس بجامتها الحرير وتجاهلت شعرها اللي لازال ينزل مويا منه
دخلت غرفته امها وشافتها تقرأ القران
سكرت المصحف وبهدوء:صدق الله العظيم نزلته على الكومدينا
امها:شفيك يامي تعبانه؟
الجوهره بدموع:عادي انام عندك اليوم؟
ابتسمت بهدوء وفتحت يدينها:تعالي
مشت وانسدحت على رجولها
مسحت راسها وحست بدموعها من حرارتها حرقت رجولها
امها بخوف عليها:بسم الله عليك ليش هالدموع ياامي؟
الجوهره بشهقه:ماما قلبي يوجعني مو قادره اتحمل جمره توسطت قلبي مهوب شعور
فزت امها برعب:تبي المستشفى اوديك ؟ وشعرك للحين فيه مويا لاتمرضين
رفعت راسها الجوهره:ماما انا حبيت شخص
ناظرتها ومسحت دموعها وبابتسامة:ادري يامي
الجوهره بصدمه وحزن:كيف؟
امها بهدوء:امك انا ولا نسيتي؟ اعرفك مثل كف يدي مايجهلني شي

اكملت بنفس النبره:وصار مشاده بينكم ولا هالدموع ماتجي من حيالله احد صح؟
هزت راسها
امها بمزح:وينه اجيبه لك من شعره من سمح له يغلط على بنيتي
الجوهره بوجع:انا الغلط بهالقصه !
امها بعدم فهم:كيف؟
تعدلت الجوهره وناظرت بعيون امها:ماما  بالبدايه كنت استغله بس بعدها حبيته والله حبيته وشلت الفكره
امها بصدمه:كيف!! تتكلمين جد انتي! الحب مافيه استغلال !
هزت راسها ونزلت دموعها:عارفه والله عارفه وندمت بتفكيري حتى مافكرت اسويها بالبدايه كذبت اني احبه عشان الفلوس
ضربت يدها براسها ورفعت عيونها لامها:فكرت فيك عشانك اشوفك تتعبين وكلام هالناس عننا قلت اخذ الفلوس واعيشك احسن عيشه وتكسرين عيون كل من تكلم عنك بس بعدها والله والله حبيته وبغيته هو شلت الفكره من راسي ابيه هو مابي فلوس
شهقت بدموع:ماما خليه يرجع لي!! خذا روحي وراح
انفاسي وقلبي وحياتي كلها معه خذها وتركني بدون روح ولا نفس تعبت ماما تعبت خليه يرجع لي ماما ابييه والله ابييه
بدوووونه بضييع ماما والله اضيييع
امها بقهر على بنتها سحبتها لحضنها وباست راسها:خلاص يعيون امك لاتخسرين نفسك يامي انتي
هو عرف صح! وانصدم بس عمر الحُب الحقيقي ماينتهى ولا ينسى ولا يموت!
اتركيه فتره يعيش صدمته وقهره وهذا حقه يامي حطي نفسك مكانه لو شوي!
الجوهره:ماما بدل لاتهونين زدتي علي!
امها بابتسامة حزن:عارفه يحبيبتي بس هذا الصح
الجوهره بوجع:بيسامحني ؟
أمها:اذا مسحتي دموعك غصب عنه يسامحك
الجوهره:بس كرهني وقال لي مثل ماحبيتك بقدره صرت اكرهك مافي امل! لعبت بمشاعره بس ندمانه قد الدنيا والله
أمها مسحت دموعها:وش قلت؟ مب لعبه بزران هي اذا قال كرهتك ولا نسيتك! الحُب مهما تمر السنين مايننسى ولا المحُب يقدر يكره
مسحت على شعرها بحنيه:يلا نامي وارحمي عيونك من هالدموع
مسحت دموعها وابتسمت:احبك ماما
باست راسها وعطتها:وانا اموت عليك نامي يل
وفعلا نامت بتعب نزلتها على السرير وقامت تصلي الوتر والشفع وتدعي لبنتها .

.

.

.

سلطان اللي كان مثل المجنون فعلا
قلب مكتبه فوق وتحت اوراق بكل مكان والفازه مكسوره!
جالس بالارض ومركي ظهره بالكنبه اللي تتوسط مكتبه
وبين اصابعه سابع حبه دخان كان يشرب وحده ورا الثاني
وبيده صوره الجوهره
يتكلم لصورتها  وكانه سكير:ماتوقعتها منك يابنت اعطيتك كل الحُب اللي عندي وانتي وش سويتي اخذتي هالحُب وكبيتيه ومشيتي عليه!! عجبك اللي صار!
ضرب الصوره باصبعه:صرت مجنوننن والسبب انتي
م اكتفيتي بقلبي واخذتي عقلي!
جرحتيني وجرح مايشفى توقعتها من اي احد الا انتي
شفت حياتي وروحي عندك ولا اكتفيتي!
جننتيني يالجوهرة طلعتي عيوني من مكانها
صرت مثل الطفل لا راحت عليه سياره الايس كريم
يناظرها وهي تمشي وتبعد عنه شفتي هالشعُور احسه هنا بالضبط هنا واشر على قلبه
فراغ فرراغ فررراغ كاني لوحه بيضاء
ابتسم بوجع:بس مشكلتي للحيني احبك وافكر فييك! رغم الوجع اللي حفرتيه بنص قلبي للحيني احببك!
الله ياخذه من حُب دامه يتعلق بالشخص اللي كسره وخذله حتى بعد الفراق!
من دخلتي حياتي كانك طلعتيني من وسط بحر كنت غرقاان فيه ويوم طلعتي رجعتيني لنفس البحر وغرقتيني اكثر واكثر!! لوين بتوصلين ماني مستوعب!
نزلت دموعه وشد على صورتها:احبك والله
نزل راسه على الكنبه وغمض عيونه

.

.
وقف لنفس الشارع وهو يتلفت بالاحرى يتذكر باي طريق مشت فيه!
ضرب الديركسون ولف لجهه اليسار وهو يتذكر كلامها وانها ساكنه بسكن بس وينه!
يتلفت وهو يدور السكن ولا لقاه
رجع لنفس طريقه ومشى لجهه اليمين عكس طريقه
طلع راسه من الشباك وهو يقرأ لوحه كبيره على مبنى كبير
"دار طفل للايتام"
رجع راسه للمرتبه وهو يتامل الميتم حك جبته:بالله عليك وش تسوي الحين! وش هالتفاهه لاحق البنت لسكانها!
لف الديركسون ومشى.

انتهى....