وكيف يبعد مني من جعلت له صميم قلبي على علاته وطنا

٥٢

تنهد بقوه ولف براسه يناظر بالمغذي رفع يده وشاله
وهو ينزل من السرير فتح جواله ودق بسرعه وماهي بالدقايق ورد :عرفتوا مين؟
....:حضره الضابط طلع لنا اكثر من احتمال وقاعدين نشتغل على التصفيه!
عض شفته وقفل بدون لايرد فتح باب الغرفه وطلع وهو يتسحب بهدوء
ناظر وراه ورجع نظره لقدام وضرب بالشخص اللي قدمه
كتف يدينه وعيونه عليه:وين رايح؟
حط يده على رقبته:بتمشى بالممرات ضقت بين اربع جدران فيه مانع؟
ملهم بصبر:فيه ياضابط فيه دق علي وقولي وانا كنت عارف انك بتطلع عشان كذا واقف قدام الباب
تافاف عمر ورجع بظهره لورا:بوديقارد فوق راسي
مد اصبعه السبابه:ولاتحسب انها مشت علي سالفه التمشى !
عمر بتوتر داخلي:شدخلك انت! ابوي ولا ولي فوق راسي
اسوي اللي ابي مالك ششغل فيني!
ملهم :وش تقوول انت! صاحي للي تقوله من خوفي عليك مابي يصيبك شي انت اخوي ولاودي افقدك مث
عمر بسخريه:تفقدني مثلهم؟ تحبهم ليش قاعد ولاتاخد حقهم؟ طيب اتركك من نفسك ليش تمنعني اني اخذ حق اخواني اخذ ثار دمهم اللي بالارض لييش!
هذا الحُب عندك؟
ملهم بعصبيه :وش قاعد تهذري انت!! انا مقدر افرط فيك ولابباقي العساكر لازم خطه مدروسه عشان نهجم عليهم ولا لهم حق بالهروب وانت تبينا نتصرف بمشاعرنا! المشاعر داهيه وانا اخوك لاتسمعها!
لازم ندرس الووضع زين ولا نتصرف من راسنا ولابيهربون نفس كل مره اصححى ياعمر!
ضحك بسخريه:اصحى؟ اصحى من ايش قولي؟
ايه لاني نايم ولاهمني احد! تستهبل ياملهم!
تبيني اقعد انتظر لين يقضون على كل اعضائنا وحنا نناظر لهم! اصحى انت يالملهم انا مو مثلك اقعد انتظر لين يطيح الفاس بالراس ووضعك واضح ومكشوف حتى حرمتك هربت منك وانت تناظر وش برتجي؟
طير عيونه ملهم بعصبيه ومد يده وهو يضرب عمر كف قوي :لساانك ياعمر لسانك ماسامح لك انت اخوي على عيني وراسي اما انك ماخذ وضعي ضحك وعبره ماهوب بالاخو يسوي كذا عارف من قهرك تقول كل شي بس الزم حدك ياعمر لايصير شي ماهوب بالبال!!
ومشى تارك عمر وراه اللي ندم وكثيير على كلمته اللي زلت من لسانه بالغلط!
.
.
.
.

دخلت بالمزرعه وهي تدور بعيونها وتافات بتوتر
فزت من الصوت اللي وراها ولفت لها بخوف:عمي احمد؟
طلع من بين الاشجار وبيده السطل:انا
زفرت بارتياح:خوفتني ياعمي وش موديك بين الاشجار؟
احمد بابتسامة:جاي من الاسطبل
هزت راسها وبتسال:عمي شفت حنين جتك اليوم؟
احمد وهو يتذكر:لاوالله اليوم ماجت بس اني لمحتها اليوم بالسوق وانا اشتري اغراض للخيول اناديها ولاترد
حياه بفزه:ايه سوق ياعمي؟
احمد :بالسوق القديم بس علامكم ؟
حياه وهي بتمشي:ولاشي ياعمي زعلت علي وطلعت بروح اشوفها
احمد:وين بتروحين شفتها الصباح والحين الظهر
حياه:بروح ادور قريب من هناك يمكن اشوفها!
احمد:بس..قاطعه الصوت الجمهوري من وراهم
لفت حياه لمصدر الصوت وطيرت عيونها بصدمه
احمد وهو يرحب بسعود:يهلا والله تو نور الاسطبل؟
ناظر لحياه :هذا سعود مالك الخيل الجديد
قرب سعود بابتسامة وهو يصافح حياه:تشرفت؟
عقدت حواجبها وزادت صدمتها لما سوا نفسه مايعرفها! ردت مصافحه له
ولف لاحمد :ها عسى م تعبك الادهم؟
ضحك احمد :لا معليه اموره تمام
اشر بيده لداخل المرزعه:موجود هنا صح؟
هز راسه بايجاب ولو بيده:بروح اشيك عليه وبرجع
حياه الي للحين بصدمتها منه:عمي من وين تعرفه؟
احمد:الاسبوع اللي فات جا عندي وترك خيله
حياه:كيف تركه مايبيه؟
احمد:الا كيف مايبيه بس يقول ان عنده شغل ولافي احد يعتنى فيه وسمع فيني وجاء عندي وبين فتره يزوره
حياه بغرابه:كان يقدر يدير شخص له ليش يشغلك وانت ياعمي مب كل احد توافق عليه ماتعرف وش وراه
ابتسم احمد:انتي خوافه كثير معليك سعود والنعم فيه محترم وفيه الخير والبركه!
هزت راسها :تمام انتبه لنفسك بروح اشوف حنين براضيها تعرفها يكبر زعلها الحين
ابتسم :ايه انا اللي اعرفها يلا فمان الله
ودعته وطلعت من الاسطبل وبنفسها سعود "كيف وليش ووش جابه هنا بالمدينه الكبيره "
تتكلم مع نفسها :يقدر يدبر نفسه  المدينه كبيره ومعارفه كثار بس وراه شي من هالجيه هنا بس معليه بعرفه مع الوقت طلعت للشارع العام ومشت  متجهه للسوق القديم
.
.
.
.
.