وكيف يبعد مني من جعلت له صميم قلبي على علاته وطنا

٤١

مسكت وجهها ورفعته لها :لاتضعفين! مهما تعثرتي بطريقك لاتضعفين ولاتوقفين بلعكس كلمي طريقك ولاتبينين ضعفك لا اي احد فاهمتني!
بتبكين ابكي لحالك وبتنكسرين انكسري لحالك ولاتعودين الناس يشوفون دموعك وانهيارك انهاري لحالك !وتقوي قدامهم لان اذا تعودوا على دموعك بعدين مابيشوفونك ولايهمهم دموعك وبالاخص لاتنزل على ناس ما تستاهل!
صح انتي اخطيتي وعرفتي خطئك وفوقها ندمانه عليه!
بس هو مافكر حتى يسمعك وصدقه عليك لو صدق يهمه امرك كان سمع السالفه كلها منك معه الحق لو زعل وعصب بالنهايه استغلال هذا بس انه يصدق شخص كذب وانتي بتقولين الحقيقه له بس م اعطاك فرصه لا والف لا!
انهارت دموعها اكثر وسكاكين تجرح حلقها وتعتصر الالم:بس كرهني
رسيل بحده:ويكرهك هو ماكلف على نفسه يسمعك
واللي صار حلو وكثير بعد ماله داعي تخافين من احد ولاترضخين لامر احد
لمعت عيونها وشدت على رسيل:بس هو حبني
رسيل :وانتي ماحبيتيه؟
هزت راسها بقوه :الا حبيته بس هو انكسر مني!
رسيل:وانتي م انكسرتي منه؟ لما ماصدقك وصدق الغريب عليك
الجوهره بدموع:بس انا اذيته
رسيل بحده اكبر:وهو م اذئك لما ماصدقك!بسك اعذار يالجوهره تطلعينه هو الصح وتحطين اللوم عليك دايما!
انتي غلطانه م اختلفنا اوجعتيه وكسرتيه بس هو برضو غلطان ماسمع منك ولاصدقك! ولاتقولين لي ماحاولت الا حاولتي
وقفت ورفعت الجوهره معها وشدت على اكتافها:دموعك ذي لاشوفها تنزل عشان احد روحي غسلي وجهك وقوي حالك واطلعي وانتي رافعه راسك الواحد يخطي بس يتعلم من اخطائه ولا احد معصوم عن الخطأ كلنا نخطي ونتعلم بس العيب وين! اننا نخطي ونكمل بالخطا ولانعترف فيه
انتي اخطيتي وتعلمتي من اخطاءك واعترفتي فيها وندمتي عليها البلا بلي يخطي ولايعترف! فاهمه علي؟
هزت راسها ومسك يد رسيل:وش بيصير لي لولاك بضيع
بلعت ريقها وناظرت بعيون لامعه:احببك يارسيل والله احبك وقربت وضمتها بقوه والود ودها تدخلها بضلوعها
كلامها اثر فيها وجدا تحس من بعده انها شخص ثااني وفتحت صفحه جديده بدون خداع ولاكذب!
شدت عليها ولاباست شعرها:يلا يروحي خلصي وجهك وتعالي انتظرك هنا
بعدت وهزت راسها بابتسامة وطلعت.

.

.

.

طلعت ووراها حياه المستغربين من تجمع البنات بالساحه
حنين سالت البنت:وش السالفه ليش مجتمعين؟
هزت اكتافها بعدم معرفه:والله مادري جتنا حفصه وتقول نهلاء تبينا ضروري
رفعت حاجبها حنين باستغرب:غريبه شعندها
حياه بهمس:وش السالفه؟
حنين بسخريه:ابد والله اجتماع الضفادع المعتاد لاشي غريب
دفتها حياه اللي التمست السخريه من نبرتها:بلا هبل عاد
حنين :وشو ياخي شدراني انا تقول نخله تبينا نجتمع
حياه بتفكير:شعندها؟
ريماس من وراهم:بتطلق سراحنا
ريفال:كله من ليالونه من جابت طاريها جت
ليان بتذمر:انا شدخلني
حنين بضحكه:الجن عند ذكرهم يحضرون
ضحكوا كلهم وجت جود باستغرب:سجل ياتاريخ اول مره يسولفون بدون هواش
حنين:انتظري نستعيد الطاقه ونرجع اسوا من قبل
ريفال :طاقه ايش
حنين:طاقه اكل! واحنا لنا اسبوع ماناكل زين
ريماس:الضفدع العملاق ماجات هالاسبوع عشان كذا
حياه وهي تناظرها:عشان تستعرض للناس الام الحنونه
جود بتشميقه لنهلاء:من جنبها الام الحنونه الا الضب الاقشر
ضحكوا بصدمه من تشبيها واستغرب لانهم ماتعودو على جود دايما تكوم هاديه وقليل تسولف
صدت عنهم وناظرت بنهلاء الواقفه ومعها الميكروفون وهي تضرب بيدها عليه:احمم احمم
حنين ماسكه اذانيها:والله نسمع
حياه بانزعاج:ذي مزعجنا صوتها بدون ميكروفون
ضحكت حنين ولفت لنهلاء:السلام عليكم يابنات
بتسغربون غيبتي من اسبوع وعارفه زعلانين
حنين بصوت عالي:ماخذه مقلب بنفسها الا فرحانين ومحد قدنا ضحكوا البنات وتكلمت نهلاء بعصبيه:بسكم وش يضحك! اختفى صوت الضحك تدريجًا وكملت
نهلاء:مثل ماقلت غيبتي اسبوع قلت دام الاجازه قربت بسوي شي يسعد بناتي ويونسهم وجلست افكر واخطط وش ممكن يسعدهم ويونسهم
ريماس بهمس للبنات:غيبتك عننا تونس ابتسموا
حنين بنفس الهمس:اول مرا تقولين شي واتفق معك استمري
ريماس :دزي بس
شمقت لها حنين وطالعت بنهلاء
حياه بهمس لجود:شكلك اعطيتيهم عين قلبوا بسرعه
ضحكت جود:ماشاءالله تف تف
نهلاء تنحنحت:وجاء شي فبالي وقعدت اضبط الامور والحمدلله مشت معي

ريفال بلقافه:طيب وش ؟
نهلاء:لو سكتي بكمل
شمقت لها ريفال وصدت
نهلاء:وقررت افتح مخيم لاسبوع كامل مجاني
حنين بصدمه:وليكون مفكره بتدفعيننا فلوس بعد
سفهتها نهلاء وصفقت لنفسها :يلا صفقوا
صفقوا البنات لها واشرت لحفصه توقف:ها صورتي زين؟
حفصه بابتسامة:ايه طبعا اكيد
نهلاء وهي تقلب بالصور:زين زين حلو عدلي عليه وقصي بعض الصور وسولي فوتوشوب علي طلعيني بشكل اصغر واشرت على الصور:وفيه تجاعيد كثيره هنا اخفيها لي فاهمه؟
هزت راسها :ابدا بسيطه بخلصها وارسلها
نهلاء:يلا يلا روحي
ريماس بصدمه:ذي تتشبب وتصرفنا بالمخيم طلعت ماهي لله
حنين بسخريه:وش متوقعه يعني تسفرنا لندن ولاباريس فالحه بالمخيم
جود مشت:عاد اشوا من نجلس هنا بالاجازه ولفت عليهم:شي ازين من شي ولا؟ وراحت
حياه هزت اكتافها:والله انا اتفق الصراحه صيف وفوقها محبوسين هنا والمكيف يادوب يشتغل ومرات تطفيها الصدق اتشفق المخيم وجدا
ريفال وليان:اقتنعنا والله
حنين عقدت حواجبها:الصيف وين احس برد هلفتره
ريماس:يمكن لان نهلاء راحت لو انها انها هالفتره اللي قبل كان خلصت الاكسجين علينا مب بس الهواء البارد
ضحكت حنين:حبيت الذبه استمري ياكنق ومشت ووراها حياه
ريماس بانزعاج:تحسبني بزرها
ريفال مسكت يد ريماس:بس اعترف انكم ثنائي بطل
ليان بضحكه:وجدا اتفق
ريماس بتذمر:اننن انقلعوا عن وجهي بس
ليان بتذكر:طالعين مخيم يعني الشنطه الكبيره لي! وراحت تركض للغرفه
ريماس وريفال صرخوا:لاااااا خير!! وركضوا وراها