وكيف يبعد مني من جعلت له صميم قلبي على علاته وطنا

١٤

خرجت راكضه وماسكه الظرف بشده توقفت امامها سياره كادت تصدمها توقفت بخوف اختل توازنها وسقطت
نهلاء بالم:اخ ماتشوف اروح الناس مب لعبه عندك !!
انفتح الباب ونزل منه شخص بلعت ريقها نهلاء مرار وتكرار
توقفت بالم وابتسمت بتوتر ونظرات داخل السياره
نهلاء بتعتعه:ا هذا ا انت و قاطعها عندما مد يده ليسكتها
الشخص: اركبي ناظرته نهلاء لثوان وفزت من صرخ يامرها بالركوب ركبت السياره والتوتر يملاءها
الرجل :امش يلا تحرك السايق وابعدوا عن المكان
نهلاء بخوف:ايش بغيت! ناظرها بحده مرعبه اسكتتها
الرجل بتهديد:  تسوين شي من ورا ظهري تعرفين انك مراقبه واي حركه بسيطه منك يوصلني هالشي  ولا تحاولين تتذاكين علي وتطلعيني الغبي بالصوره!! لان هالشي بينقلب ضدك سحب شنطتها بعنف وناظرتها بخوف اخذ الظرف وفتحه واخرج الاموال منه
ناظرها بسخريه:حاولتي تستذكين بس مافاد؟ هههههههههه شايفتني غبي عندك انا ولا كيف؟
نهلاء والخوف ينهشها:لا لا لاتفهمني غلط انا بس
الرجل بحده:بس ايش؟؟؟؟ كملي بس ايش؟؟بس تحبين الفلوس صح؟ تمشين ورا هم الفلوس؟؟ اي احد مد فلس لك رحتي له تركضين ؟؟ ايش انتي كـ******** ولا كيف؟؟
ظلت نهلاء ساكته ولا نطقت بحرف واحد
الرجل:من سكوتك تعترفين انك كذا ضحك بسخريه واخذ الشنطه التي بجانبه وضعها بحضنه ولفها لنهلاء وفتحها  
كانت تحمل امولاً كثيراً مما جعل نهلاء تبلع ريقها كثيرا
الرجل:ذا لك ناظرتها نهلاء ومدت يدها لتاخده لكن سحب الشنطه
الرجل:لالا مو كذا علطول هدي هدي يعجوز الفلس
نتفق اول وبعدها تاخذينه موافقه؟
هزت واسها :ايه تمام موافقه
الرجل:ياحبك للفلوس بس 
اسمعيني وحطي هالكلام حلقه باذنك اياني وايااك الكلام اللي بقوله يوصل ل***** ولا والله مايصير لك خير واذا احد شك مجرد شك بسيططط بوديك ورا الشمس تسمعييين!!!! اعرف تواصلك معه وتحركاتك
نهلاءبخوف:لااا لا ابدا ابدا مابخلي احد يعرف لاتشيل هم ولا تخاف
الشخص:مو انا اللي اخاف ورفع سبابته باتجاهه انتي المفروض تخافين رفع عيونه للمَرايه وشاف سايقه يستَرق النظر لهم وسرعان مانزل عيونه سكت قليلا ونطق بهدوء بعد ما مد لها ورقه
الرجل :تعاليي للموقع ذا لحالك ولا مخلوق معك وهناك بقولك كلشي ووش تسوين  المكان هنا مو مناسب
مد لهه الشنطه وامر سايقه بان يتوقف
الرجل:انزلي وان حاولتي تعيدين حركتك ذي يويلك فاهمه
نهلاء:ابشر ونزلت حاضنه الشنطه اوقفت تكسي وركبتها بتوتر

.

.

.

شافت اشعاره من شاشه جوالها تنفست ببطى ومسكته وردت عليه وسرعان مادق عليها
سلطان بتعب:مابغيتي والله حاولت اتغلى مثلك ولاقدرت
الجوهره ببرود:ماتقدر التغلي مايليق الا علي
سلطان:انشهد مايليق الا عليك يجوهرتي
اغمضت عيونها وسكتت ماعندها رد
سلطان بهيام:للحين زعلانه علي؟ منجدك
الجوهره:ايه منجدي انت مستوعب خليتي اعرف انك تشفق علي !!!
سلطان بتبرير:انا اشفق عليك؟؟ لا والله اني مااشفقت مستوعبه انتي وش قاعده تقولين ؟طيب حطي نفسك بمكاني وش بتختارين؟ زوجتي المستقبليه وامها ينطردون بالشارع بنص الليل وتبين مني اقعد واتفرج واخليهم لحالهم؟؟؟ لاوالله وحشى علي اخلي نفسي ولا اخليهم تبين مني اقعد ساكت واناظر له وهو يطردكم ولاتبيني اسوي شي؟؟
الجوهره:بس ولوو اوجعت قلبي حركتك لما شفتك تعطيه الفلوس؟؟ حسيت وكان احد عطاني كف خلني استوعب وضعي مابيك تعطيه كنت انا بعطيه كان دين علينا وانا بعطيه
سلطان بتفهم:  خلاص اجل اعتبري اللي اعطيته دين وسدديه متى ماتبين ماني مستعجل او انك تسددينه بطريقه ثانيه
الجوهره بعيون لامعه:طريقه ثانيه؟ ايش هي؟
سلطان بابتسامة:تطلعين معي نتمشى ؟
الجوهره:سلطان شايف الساعه كم؟ مستحيل اطلع لا مابي
سلطان بترجي:يلا عاد تكفين كلها ساعه ونص ونرجع تكفين وافقي سكتت لثواني
الجوهره:اف تمام ساعه ونص مانطول!!
سلطان بضحكه انتصار:ساعه ونص ساعه ونص خلاص يلا اطلعي عند الباب انا
الجوهره بصدمه:هي ستوب متى امداك تجي
سلطان بحب:متى رحت من بيتكم اصلا واقف برا
توقفت وبعدت الستاره وفتحت الشباك وطلت براسها تتاكد
الجوهره:فينك مافي احد تستهبل ؟
سلطان:شوفي واشر بنور سيارته  طاحت عينها بعينه واشر لها بيده
الجوهره بابتسامة:شفتك خلاص
سلطان:الحمدلله ماتوقعت تشوفيني بعيونك الصغيره بس خنتي توقعاتي
الجوهره :شقصدك؟؟ عيوني صغيره؟ عيوني مب صغيره راسك الصغير لاتخليني اغير رايي مااطلع هالحين
سلطان باستسلام:لا خلاص يلا اطلعي
الجوهره بانتصار:ايوا خلك كذا انتظر بجهز
سلطان بغرام:انتظرك العمر كله لو بغيتي
الجوهره:اتحداك تنتظر ههههههههههههه
سلطان:هههههههههههههه شدعوه ترا انتظر
الجوهره:يلامناك قال العمر كله يلا بطلع

.

.

.

دخل عمر وشاف ملهم سرحان جلس امامه وربت كتفه
عمر بتسإل:شفيك يالعشير صوتك مو عاجبني ؟
ملهم بضَيق:بورطها معي ياعمر حياتها بتصير بخطر دامها معي ياعمر انا وش سويت ليش وافقت!!!!
عمر بعدم فهم:بشويش تكلم وش قاعد تقول تورط مين وحياه مين بتكون بخطر؟ وضح لي
ملهم: محمد ال سامي تعرفه صح؟
عمر بتذكر:هذاك الشايب صح اللي دايم معه انت؟
هز راسه ملهم بنعم
عمر :ايه ذكرته وش فيه؟
ملهم بتعب:طلب مني اتزوج بنته وانا وافقت
توقف عمر بصدمه مما ادى لسقوط كرسي على الارض
عمر:وش وش سويت؟؟؟ وافقت؟؟ تستهبل انت؟؟ بوعيك انت ؟؟ ليش توافق ماتعرف ان هالشي ممنوع علينا لين ننجز هالمهمه؟؟ غبي انت؟؟
ملهم :اعرف اعرف ياعمر وهذي بلشتي وافقت ايه وافقت
مسك راسه عمر بصداع داهمه وظل يدور بالمكان مرارً وتكرار
ملهم:اجلس يولد وترتني اجلس
سحب الكرسي وجلس
عمر بتمالك لاعصابه:ارجع له وارفض ارفض ياملهم مب وقت زواج هالحين
ملهم:لا مقدر
عمر :ووش اللي لا ماتقدر؟؟ وش فيها روح ارجع له وارفض قل ماني بجاهز اتزوج وقاله مقدر احط لها بيت ولا اسوي شي قول اي شي بس ارفض ياملهم
ملهم:مقدر مب عذر قال لي تزوج بنتي واجلسوا عندي بالبيت
عمر غمض عيونه:ياربي وش هالمصيبه اللي طاحت علينا
فتح عيونه وناظر بملهم:وبعدين كيف يوافق  يزوج بنته اجنبي؟
ناظره ملهم بطرف عين:الحين صرت اجنبي انا؟ انا سعودي نسب وفصل
عمر:يذكي قدامهم انت اجنبي انت عندهم يعرفونك كونك هندي وتنظف الشوارع كيف بيجيك ويخليك تتزوج بنته مايخاف على بنته بايع بنته
مسح ملهم على وجهه بضيق:قال لي انه يراقبني لشهور ويشوفني بالمسجد وعلى قوله سال عني وجابني لبيته يفاتحني
عمر بسرحان:هالشايب مب ببسيط يراقبك ويسال عنك سكاتي وانت ولا انتبهت  عدل جلسته وقرب لملهم
عمر :تصدق شرايك اخليه ينظم معنا وربي يصلح مباحثي ضابط
توقف ملهم ومسح على وجهه كثيرا:انا ويين وانت وين وش تهبد انا افكر شلون ابعد بنته وانت تقول خلينا ندخل ابوها وش تحس فيه انت؟

(ملاحظه مهمه)

لاحظت اني اكتب البارتات مزيح بين العاميه والفصحى
وهذا الشي متعب نوعا ما  لاني لما اكتب بالعامي وابدا اشرح شعور ابطالي بيصير بالفصحى وهذا الشي لخبط القراء ولخبطني انا كا كاتبه وقارئه بنفس الوقت ولاني استصعب  اني اشرح الشعور بالعامي فعشان كذا ببدا اغير طريقه كتابتي وبخليها بالعاميه افضل
وعشان ماتصير اللخبطه وبحاول اوصل شعور ابطالي لكم بكتبها بالعاميه
وكذا بيكون مفهوم لي ولكم