وكيف يبعد مني من جعلت له صميم قلبي على علاته وطنا

٢١

عدل جلسته عمربانتباه:اذا كتب العقد بينعرف انك سعودي وتنكشف!!!
عدل جلسته ملهم وهو تو يستوعب عمق الموضوع
ملهم مسك راسه بورطه:صح كيف راح عن بالي!!
وقف عمر وهو يدور بالمكان وملهم يفكر شلون يحل هالموضوع بدون ماينكشف!
عمر ضرب الجدار بيده بعنف:اف يملهم اف مننك
ملهم وهو للحين ماسك راسه:وش بنسوي الحين!
عمر:شوف يانك ترجع وتكنسل هالموضوع من الاساس او انك تقول لابوها انك سعودي!
ملهم:مااقدر ياعمر افهم ولو قلت له وابوها زلق لسانه وقال! بينكشف واللي نراقبهم بيعرفون وبعدهاا مارح نستفيد شي لنا سنين ندورهم مانبي نضيع هالفرصه علينا ياعمر!!!
عمر بصداع من هالموضوع:طيب تعرف الشيخ!
ملهم:لا
عمر :والدبره طيب!
ملهم:الشيخ كاسر وينه؟
عمر وهو يفرك عيونه:مادري
ملهم:كيف ماتدري!
ناظره عمر بطرف عين:شايفني بوديقارد عنده انا!
ملهم:معك رقمه؟
عمر وهو يفتح جواله:اعتقد معي بس وش تبي فيه؟
ملهم:اعطني رقمه بس
اعطاه الرقم وبفضول:طيب قول لي وش لك عنده؟
ملهم وهو يدق عليه :اسكت بس وراح يكلم لما جاه الرد
ناظره عمر لما اختفى:مسوي فيها هو وجهه
وجلس بالكرسي بتجاهل للموضوع بس ماقدر وراح ورا ملهم سمع صوته وهو يكلم الشيخ حاول انه يتسمع للي يقوله ملهم للشيخ
عمر بخيبه:كبر وصار يخبي عني مواضيع ياعيباه
انفتح الباب وطاح
عمر بالم :اهخ يدي غبي انت قول انك بتفتح الباب لاتفتحه بسرعه كذا
ملهم بابتسامة جانبيه:شعندك انت تتسمع ماتستحي!
عمر وقف بالم:وش اتسمع اعقب كنت جاي اسالك اذا تبي اكل الحق علي افكر فيك وببطنك
ملهم وهو يحمس على خده:حنون الله يحفظك
عمر بعد يده:هي انت شي يدك لااكسرها لك ماني ورع عندك
ملهم ضحك:خلاص ياورعي ولاتزعل ومشى
عمر بصدمه وهو يعيد كلمه ملهم:ورعي! ورعي! انا ورعه؟
وبصرخه خلصت ملهم يطيح من الضحك:تخسييييييييي
وراح لملهم اللي يضحك بقلب:هي انت سكت لك واجد وشش ورعي ارفع علومك يارجل
ملهم وهو يدمع من الضحك ولا رد عليه
عمر انقهر ودفه وراح جلس بالكرسي وهو يهز رجله بقهر:احسن خلك بمشكلتك وبعدها تقول اخ ياحسافه عمر ونيسي كان صادق وتتحسف علي هين اوريك!!
قام ملهم وجلس قدامه ابتسم:شفيك تحسست امزح معك يولد
عمر :امزح معك يولد اقول قم انقلع بس ورح لشيخك
ملهم:عرفت علتك تغار من الشيخ كاسر يولد قول من اول ماخبرتك كذا حساس ههههههههههههههههههههه
عمر طير عيونه:اعقب وش اغار عليك والله لو انك زوجتي قم انقلع بس
وقف ملهم:بنقلع اجل كنت بقول لك وش قلت للشيخ بس واضح ماهمك ولا تبي تعرف ومشى بشويش
فكر عمر:هي لا خلاص امزح معك شفيك زعلت
ضحك ملهم ولف عليه:يحبك للسوالف بس
عمر بحماس:يلا قول قول وش تكلمتو فيه
جلس ملهم قدام عمر وبهدوء :بخليه هو الشيخ اللي بيعقد زواجي
عمر:يعني خلاص بتتزوج!
ملهم:مالي الا كذا
عمر:طيب كيف وابوها اذا جاب شيخ؟ وانت جبت شيخ؟
ملهم وهو يلعب بشنبه:مهمتك هذي!
عمر :كيف مهمتي ماني فاهم! دقيقه يعني تبيني اخطف الشيخ تستهبل!!!!!!
ملهم مسح على وجهه:لا يغبي وش تخطفه بتروح وبتقول له ان خلاص تكنسل الزواج ونجيب الشيخ كاسر بداله
عمر باعجاب:يعليك افكار ماشاءالله طيب مافكرت اذا هي عرفت ان سعودي وش بتسوي؟
ملهم:معليك بتكون متوتره ولا راح تركز
عمر برفعه حاجب:وانت شدراك؟
ملهم ابتسم:بملكتي اختي كانت كذا من توترها ماعرفت انه عسكري الا بعد ماقلت لها
وهي من توترها ماقرت العقد
عمر بحنين:يوه عاد لاتخليني اشتاق لاهلي بعد هانت بعد مانمسك هالكلاب بنرجع وانسدح على ظهره:يالله انك تعجل فيهم
وبسرعه ماتعدل:دقيقه طيب واذا ابوها شاف الشيخ وعرف اننه مو نفسه
ملهم:معليك بنقول انه من قرايبه
عمر:الشيخ عمر مايكذب!
ملهم:مين قال انه بيكذب؟
عمر:انت؟
ملهم باستغباء:متى قلت؟
عمر بصداع من هالموضوع ويدعي انه يعدي بخير:خلاص ياخي سوو اللي تبون بس يخلص هالموضوع بدون مشاكل
ملهم:بيخلص وبطلع منها متزوج
عمر بطرف عين:ذا اللي هامك
ملهم بابتسامة:شفيك انت مشخصنها
عمر :ماشخصنتها مين قال؟
ملهم:انا قلت هدي شوي
رفع جواله عمر:اص اص عندي شغل
ملهم بضحك:الله وهالشغل عاد
عمر:يولد ورا ماتسكت انت من جيت وانت بس تهرج
ملهم بقق عيونه ومسك الخداديه وضرب عمر:عساس جاي العب
عمر بتركيز:خلاص اسفين بس اسكت شوي
ملهم بضحك:والله انك حيوان
انسدح ورجع يلعب بشنبه وهو يفكر كيف بتكون حياته وفي شخص يشااركه نفس الحياه وبيكون معه بكل شي
تنهد بعمق وهو مستصعب هالفكره وكيف بيرجع لاهله ومعه زوجه وبتكون معه ولا بينفصلون واساله الى مالا نهايه ولا لقى للساله اي جواب!