وكيف يبعد مني من جعلت له صميم قلبي على علاته وطنا

٢٤

اخذت نفس عميق وفتحت الباب وطلعت مشت لنهايه الحاره ووقفت على الجدار ناظرت ساعتها وتافافت بملل
وقف عندها بحماس لرده فعلها وضحك لما صرخت بفرح
الجوهره وهي تتامل الدباب:سلطان منجدك!؟
سلطان بابتسامة:ايه انتي اطلبي وانا اقول حاضر يلا اركبي ومد الخوذه لها
ركبت بحماس:الله وناااسههه
سلطان ابتسم:تمسكي زين ومشى بسرعه تحت صرخات الجوهره
-بعد ساعه-
نزلت من الدباب بتعب:اللي يشوفني يحسبني جايه ركض اف
طفى الدباب وبابتسامة:ماتركنا مكان الا وجينا عنده بروح اشتري ماء تبين شي؟
هزت راسها بنفي وراح ورفعت شعرها وطلعت الاوراق من شنطتها بتردد
-فلاش باك-
اشر لها وجلست قدامه بهدوء:سلام
هز راسه :وعليكم السلام ..وش تشربين؟
الجوهره:مابي شي قول الي عندك
اعطى طلبه القرسون وناظر للجوهره:كل شي بوقته حلو ليش مستعجله طلبت لنا قهوه نروق واقول لك عن التفاصيل
الجوهره بعدم صبر:ماعندي وقت ماتفهم؟ قول اللي بتقوله وخلصني
نزل الطلب وبابتسامة خبث:هدي يحلوه ليش هالعصبيه؟
الجوهره بنرفزه:واضح ماعندك سالفه انا رايحه وقفت ومسك يدها :خلاص اجلسي بقولك
سحبت يدها :قول !
طلع الاوراق واعطها الجوهره:بكل بساطه بتخلين سلطان يوقع هالاوراق وبكذا حقي يرجع لي!
الجوهره بصدمه:مو منجدك عاد؟ بتورطني انت؟؟
ضحك بسخريه:مسويه فيها الحبيبيه الوافيه انتي؟ يعني انتي مو حاطه عينك على فلوسه واملاكه وتتقربين منه عشان الفلوس والاملاك؟ اوهمتيه بحبك وبتاخذين فلوسه؟؟
الجوهره بدموع:هذا قبل ماحبه ! غيرت وشلت كل شي من راسي فاهم ماعاد يهمني شي
حك شنبه وضحك بسخريه اكبر:يعني عاجبك فقرك انتي وامك؟ وصاحب بيتكم بيطلعكم منه لاتلعبين علي اعرفك وصادفت مثلك كثير ولايكثر خليه يوقع الاوراق والا..
قاطعته بصرامه:ولا وش ها ماعني عبده عندك تتامر علي تبي شي روح انت اخذه
مد يده وضرب الطاوله بعصبيه:تعرفين المشاكل اللي تبيني وبين سلطان وبنتقم منه ومحد يقدر يساعدني غيرك
الجوهره بعصبيه:متوقع مني اساعدك ؟ تحلم احب سلطان ومابي شي يضره فاهم !
ناظرها بطرف عين:معليك بعطيك نصها
وقفت بنرفزه:ماتفهم اقولك مابي شي منك ابعد عني وعن سلطان لاتخليني اعلمه عنك وعن اللي تخطط عنه واحرقك
سحب يدها وجلسها وبتهديد: بتحرقيني احرقك معي ولانسيتي قبل وش كنتي تخططين كل شي عندي اعطيه حبيب قلبك ويعرفك والحب يتحول كره !ونحترق سوا شرايك؟
الجوهره بدموع:تخسي ماتقدر ماعندك شي!
ضحك بخبث :انتي الخسرانة بيموت وهو يكرهك وينهدم الحب قبل يبنى!
الجوهره:لاتسوي شي لسلطان !!!
وقف واعطها الاوراق:خليه يوقع وماني مسوي له شي

الجوهره ببحه:وش يضمن لي انك ماتسوي له شي؟
ارتكز على الطاوله وبسخريه:لاني ابي اشوفه وهو ينهار على تعب سنينه ابشوفه وهو يتحسف عليها وبتهديد:ياويلك لو تسوين شي من وراي بيوصلني كلشي وصدقيني اني لااحرقك واحرق سلطان معك فااهمه؟؟؟؟؟
هزت راسها واخذت الاوراق وراحت
-الواقع-
اخذت نفس بقوه ونزلت دموعها بحراره شافته جاء مسحت دموعها بسرعه اعطها الماء وناظرها بطرف عينه
دفها بيده:شعندك يام دميعه
دفته بقوه وبخنق:خير لاتقول ام دميعه الهوء قوي ودخل بعيوني
هز راسه بتسليك:ايه صدقت شاف الاوراق بيدها واشر بعيونه:هذا وش؟
غمضت عيونها بقوه وفتحتها وبكذب:ا هذا هذا حق علاج ماما من المستشفى
سلطان:شلون الحين بتروحين تشترينها؟ امشي الحين
هزت راسها بنفي:لا مو كذا بس لازم توقيع
سلطان :طيب وقعي وش تنتظرين
مسحت على رقبتها:هو مقدر عشاني بنتها لازم احد ثاني يوقع
سلطان بعدم فهم:ماتوقعين عشانك بنتها؟ وش هالتفاهة اول مرا اسمع فيها اعطيني انا اوقع مد يده بياخذ الاوراق ورجعتها ورا ظهرها ناظرها:شفيك؟ انا بوقع عادي
الجوهره وهي حابسه بدموعها وعبرتها:لا يعني ماله داعي ادور احد يوقع سحب الاوراق:اعطيني قلم بس وخليك من كثرت البربره
تكتفت ينتظرها تعطيه القلم شافها سرحانه واشر لها:شفيك اعطيني قلم
الجوهره بشتات:ها؟
سلطان:اوه علينا اذا بنتظرك تطلعين القلم جاآ الصبح اخذ شنطتها يدور القلم تناظره بعيون لامعه تنتظر رمشه وينهار اللامعان
سلطان:حشى كل هالحوسه لوش فتح القلم بيوقع دق جواله سحبت الاوراق:رد جوالك يدق
تنهد:اعطيني اوقع اول
حطت الاوراق بشنطتها وهي تحمد ربها:لا رد اول يمكن ضروري
طلع جواله ورد
سلطان ارتعد قلبه:كككيف؟؟؟ هو بخير !! وينكم بجي الحين وقفل
سلطان بعجله :يلا امشي بوديك بيتك وبعدها عندي شغل
الجوهره بخوف:شفيه سلطان ؟
سلطان بتوتر وهي يدور المفتاح:خويي صار له حادث يلا اركبي بسرعه
الجوهره بنفيي:برجع بنفسي معليك روح لخويك
سلطان اعطها الخوذه:بلا هبل امسسكي
الجوهره :روح انا توني بتجي اسيل روح
سلطان:متاكده؟
هزت راسها:ايه يلا روح
هز راسها وحرك بسرعه خلى الجوهره تستودعه الله من سرعتها

.

.

.

سحب الكرسي وجلس وهي يرابط براسه
عمر :الحين هو يدري عنك وكان مثلك يعني مثلنا انا وانت واختارك عشان يأمن بنته عندك؟ فهمت صح
ملهم والزقاره بيده:يقول اعرفك واعرف من تكون عاد اذا شفته بسايره اني اشتغل عامل
عمر: يدري يدوي صدقني بس سوقها عليه وقوله جاي اترزق الله وومشها له وبعدين يامنها عندك ليه انت مامن وانا مدري عنك؟
نفث دخانه:تنكت انت ووجهك
عمر بجد:طيب حرمتك تدري عنك يعني تدري انك سعودي؟
هز راسه بنفي وطفى دخانه:ماتدري بقول لها اذا جاء وقته
هز راسه وقعد بسرحانه
دفه ملهم بيده:شفيك وين راحت؟
حك ذقنه عمر:قلت لك هالشايب مهوب ببسيط
ملهم بهدوء:ايه
عمر بنرفزه:ايه؟تسلك لي انت وجع
دق جوال ملهم برقم غريب ورد وسرعان مافز:هلا عمي الحين؟ يلا جايك
عمر بفضول:مين؟
ملهم اخذ غراضه:ابوحرمتي يبيني الله يستر
عمر بحماس : اخس تطورات ابوحرمتي ..اجي معك؟
ملهم بطرف عين:ليه ولدي اخذك معي وين ماروح
عمر بتافاف:شكلكم بتصارحون المدام عنك
ملهم وهو طالع:مهوب شغلك
عمر بتقليد:مهوب شغلك تزوج وابلشنا ابوحرمتي وابوحرمتي
.

.

.

نزل من سيارته ودخل للمجلس شافه ابوروحُ ورحب فيه
ابوروحُ بابتسامة:يهلا بوليدي اجلس
باس راسه وجالسه قباله:هلابك يعمي امر وش بغيت؟
ابوروحُ:بغيت اعرف سالفتك وانابوك
ملهم بعجب:سالفتي؟ وشهي سالفتي مافهمتك؟
ابوروحُ:فهمتني وزين خل عنك هالحركات قول لي وش الله حاطك بديره علمني!
ملهم بتصريف:والله يعمي مامن سالفه ولاشي جاي اترزق الله وخذيت اقامه هندي ودخلت بالاتنظيف وتخبر
ابوروحُ وهو يناظر كاسته:هالسالفه قلها لروحُ مهوب لي يالدلخ اعرفك واعرف مهمتك بس بغيت اسمعها منك بتفاصيلها
ملهم بورطه:فاهم غلط يعم
ابوروحُ:ياصملتك احتس اخلص علي
سكت ملهم وتكلم: يعم كيف عرفت؟
ابوروحُ:كنت مثلك بشبابي وعندي للحين خبرات عن هالشغل وقلت لك ذاك اليوم خلك من كيف عرفت واحتس سالفتك
تنهد ملهم وبهدوء :سالفتي ماهيب سالفه طويله لكن بقولها عندي لي خوي وينقال اكثر من خوي اخوي هو انغدر من جماعه تهريب غدروا فيه وحطوا قنابل بسيارته لانه مسك اخو رائسيهم وعهدت على نفسي من ذاك اليوم مااخلي دمَ اخوي يروح بالأرض و ماخليت شي الا سويته عشان يدخلوني بالمهمه خذي وعرفت انهم ب هالديره هذي وقعدت شهوور اراقبهم ووين يروحون ووين يجون
وكل تحركتهم
ابوروحُ:وشهي رتبتك وانابوك
ملهم :عميد يعمي
ابوروحُ:شلون عميد وعمرك صغير!لها عمر محدد
ملهم:وش صغير يعمي وجبتها بعق هالجبهه
ربتت بكتفه:كفو والله يسهل هالمهمه عليكم
ابتسم ملهم:اللهم امين..بغيت تعرف شي ثاني ولا امشي
ابوروحُ:وش معجلك اصبر بيجيني رجال وابي تكون موجود
ملهم بفضول:منهو هالرجال؟
قاطعه دخوله ووقف ملهم بصدمه:عمي كاسر؟؟؟

انتهى..