وكيف يبعد مني من جعلت له صميم قلبي على علاته وطنا

٥٠

رفع راسه لما انفتح الباب!
عمر بغرابه:شفيك يالعشير؟
جلس بتعب واطلق تنهيدات:ولاشي بس تعبان!
جلس جنبه وربت على ركبته وارخى ظهره وهو يعرف ملهم اكثر من نفسه! شايل جبال من الهموم على اكتافه مايكفى سامي والحين زوجته! مايعرف يواسي ولايهون بس تضايق جدا من ضيق ملهم اخوه وصديقه وعشيره!
قاطع حبل افكاره طرقات الباب!
عمر:ادخل!
دخل احد العساكر وضرب التحيه باحترام:طال عمرك فيه وحده حابه تقابلك وتقول شي ضروري !
وقف عمر وهو يناظر ملهم اشر له براسه بمعنى "عادي" ووقف ناوي الخروج بس وقفه العسكري:وانت بعد بتشوفكم انتم الاثنين ماقدرت امنعها والله!
تبادلت الانظار بين ملهم وعمر وجلس مكانه باستغراب
وعمر اللي اشر للعسكري يدخلها ويكون موجود معهم!
وماهي الا ثواني ودخلت بنت ومعها طفله رضيعه بيدها!
وقفوا باحترام :تفضلي اختي بغيتينا؟
ناظرت العسكري بتوتر! وسرعان مافهمها ملهم واشر للعسكري يطلع وفعلا طلع!
رفعت انظارها لهم واجتمعت دموعها بمحاجرها وخرجت منها شهقات وبتعته:كاان ب.بينقذكم!
عقدو حواجبهم باستغراب وتوتر من دموعها!
ملهم بهدوء :اختي اجلسي واخوذي نفس قولي مين بينقذنا؟
بلعت ريقها وجلست والرويه عندها متشوشه بفعل دموعها وعيونها على بنتها بحسره وضيق:انظلم اتهموه!
ضحى بنفسه عشانكم وانتم وش سويتوا غير صدقتوا التهايم اللي عليه ولافكرتوا تسالوه!
عمر :مين هو؟
رفعت عيونها المدمعه وبحده :......!

~
~
جالسه قدام الساحل وبيدها كوب شاهي!
جلست بجنبها وبمزح:يووه يام الدراما شفيك بعد؟
ابتسمت بمجامله:عندي سنريوهات كثيره بعد حابه تشوفين؟
ضحكت رسيل:لاخلاص شكرا ههههههههههههههههه
ابتسمت ووقف وراهم تركي:ورسيل هنا!
رفعت عيونها ووقفت وتحاول تتصدا:لاهناك
ضحكت الجوهره وحك راسه تركي باحراج:سوال تافه عرفت!
صدت رسيل وتحاول تمسك دموعها لاتنزل:جدا
سكتت وهي تحس بسكين توسط قلبها مر شهر ولاقدرت تتخطى اللي تحبه طلع يحب صديقتها!
مر شهر وللحين يمر عليها ذك اليوم كانه امس! ماقدرت تنسى ولا تتخطى بينما هي كانت تقصده لما قالت انها تحب اما هو كان يقصد صديقتها!
كيف لو تعرف رسيل ان تركي كان يقصدها بس المكابره فازت وخسر الحُب!

.

.

.

عدلت حجابها وهي تطلع وتداري خطواتها وبالها للحين صوت لمى من جابت طاري ملهم ولاهي بوعيها!
وقفت عند الاستقبال وجلست بحيث ان المناوبه عليها
لما طلبتها زميلاتها تمسك مكانها ماحبت ترفضها واخذته!
رخت ظهرها على الكرسي وسرح بالها لو فعلا لقاها ملهم وانجبرت ترجع له! اخذتها افكارها لبعيد وفزت على صوته:روحُ؟
تعدلت ووقفت بسرعه :هلا!
ناظر ساعته وباستغرب:انتي المناوبه؟
هزت راسها وبهدوء:ايه انا!
تكتف وعقد حواجبه:و امس مهوب انتي المناوبه؟
بلعت ريقها بتوتر وصدت بهدوء
عرف انها اخذت مكان وحده من الممرضات :لاتعطينهم فرصه كل احد ويومه مو اي شخص طلب منك تاخذين المكان توافقين ماهوب عيب انك ترفضين العيب انهم ياخذون راتب على حس احد ثاني الحركات لاتعاد تنعاد واخر مره لك!
مشى عزيز وهو يطلع من المستشفى ناظرته لما اختفى وجلست حتى ماكلف على نفسه يعطيها فرصه تتكلم:بغيض!
بس ماتنكر انه صادق من ناحيه انها انسان ولاتقدر تمسك مناوبات متتاليه! متعب وكثييير!
سندت ظهرها وطلعت جوالها وتحاول تسلي نفسها فيه!
بعد دقائق
فزت من سمعت صوت صراخ وراحت تركض لناحيه الصوت توقفت بذهول من المنظر اللي قدامها!
ناظرته وعرفت وظيفته من الملابس اللي عليهم!
ماطولت عشان تعرف سبب الاصابه
عامل بالانشاءات وببطنه حديده! طايح من عماره!
فزت على الصراخ وهي تسحب السرير المتحرك مع المسعفين دخلته الطورائ وهي تسوين الاسعافات الاوليه وطلعت تنادي دكتور وصرخت بقهر لانها لاحضت انه مافيه احد ! تسيب هالوقت!
صرخت بالعربي:افضل المستشفيات بلندن على ايش دكتور مافيييه حتى! رجعت للمريض من اطلق صرخاته بالم!
تبادلت الانظار مع الممرضات المناوبات  بتوتر اذا ماسوت اللازم معه بيموت! رفعت اكمامها ونادت على الممرضات ينقلونه معها للعمليات!
وقفتها وتكلمت بحدهe:لاتستطيعين فعل شي انتي ممرضه ولستِ دكتوره لايمكننا المخاطره!
دفتها روحُ وبعصبيهe:وانتِ قلتي هذا لايمكننا المخاطره سنفعل اللازم له ولا اذهبي وابحثي عن دكتور بهذه الممرات الفارغه!