وكيف يبعد مني من جعلت له صميم قلبي على علاته وطنا

١٧

جالسه بمكتبها تراجع المعاملات رفعت راسها للي دخل بدون استئذان نزلت الاوراق وتكتفت تناظره
خالد بابتسامة:صباح الخير
امل بملل:صباح النور امر شبغيت؟
خالد:مايمر عليك عدو بس بغيتك توقعين على هالاوراق
امل ورجعت نظرها الاوراق اللي معها:خلها هنا اشوفها بعدين ماني فاضيه الحين عندي شغل
خالد بعجله:بس ضروريه ولازم ارسلها لهم اليوم وناقص بس توقيعك اذا تفضلتي
امل :مو قلتك بعدين؟
خالد بتوتر:قلتي بس
امل بمقاطعه:بس ايش! قبل انا تكلمت ما بوقع على شي ماقريته ولاعندي وقت اقراها الحين فخلها هنا اذا خلصت اللي معي وعندي وقت قريتها واشوف بعدها اذا اوقع او لا!
خالد :لا خلاص انا برجع لك بوقت ثاني باخذها معي وطلع بدون مايسمع ردها
امل :عجيييييب هالادمي ورجعت تكمل شغلها
~
وصلت للموقع ونزلت بهدوء عكس التوتر والخوف اللي مستحلها رجفت يدينها ورجولها وهي تقسم انها مو قادره توصل للبيت اللي قدمها الا و مغمى عليها
خذت نفس عمييق ومشت للبيت طقته بشويش وانفتح من خادمه رحبت فيها واشرت لغرفه تبعد شوي عن الباب
الخادمه:ينتظرك هناك
مشت نهلاء للغرفه اللي اشرت عليه الخادمه بتوتر
شافت الباب مفتوح نصه طقته ودخلت
نهلاء :جيت
لف عليها :بالله عليك! مادريت اشوفك !
اجلسي واشر على الكنب اللي قدامه
جلست بهدوء عكس الفيضانات اللي بداخلها من خوف وتوتر ورجفتها
حسَام بخباثَه وهو بناظر لصوره:جميييييييله هالنتفه
نهلاء باستغراب:مين؟
لف الاب عليها وشافت صوره حياه وشهقت
نهلاء:حاط عينك عليها وقح؟؟
حسام بحده ارعبتها:الفاااظك!!!!!!!!
نهلاء برعب:ا اس اسفه بس البنت صغيره
حسام بهدوء:ماني حاط عيني على احد وانتي مسويه القلب الكبير اعرف ماضييك لا تسوين فيها طيبه!!
نزلت راسها نهلاء وبهدوء:قلت لي اجي هنا وش تبي؟
حسان وهو يحس على لحيته:ابي منك تقتلين حيااه
رفعت راسها بصدمه نهلاء و
.

.

.

وقف ملهم ومسح على وجهه كثيرا:انا ويين وانت وين وش تهبد انا افكر شلون ابعد بنته وانت تقول خلينا ندخل ابوها وش تحس فيه انت؟
عمر بتامل:مشاعر  الاحساس عندي ماتشتغل فعذر مااحس بشي تستهبل !!!
ملهم:مادري مين اللي يستهبل فيننا
عمر بخنق:طبعا انت! ولا في احد عنده مهمه شبه خطيره ويفكر يتزوج ؟!!!!
ملهم بضيق:مافكرت هو عشانه بس افف افف
دف الكرسي برجله وجلس على الارض
طلع جواله عمر لما شاف مافي فايده من النقاش والفاس طاح بالراس دقايق وهو
يقلب جواله بملل وباله شاغل بمشكله ملهم رفع عينه له وشافه سرحان ويدخن وقف وجلس جنبه
عمر :وش تفكر فيه؟
ملهم وهو ينفض دخانه:بورطتي
غمض عيونه عمر ولف لملهم وتربع:مو ارجع الحين وارفض؟؟ فيه وقت م عقدتو!
ملهم فضل السكوت وتامل المكان بهدوء
عمر فتح عيونه:ليكون عقدتو!!!!سويتها ؟؟لا يغبي لاتقوولها
ملهم:وش اسويها لعبه هي ماعقدت ولا شي من طلعت من عنده جيتك
عمر:طيب والشيخ؟
ملهم:شيخ وش بعد؟
عمر:ركز يغبي الشيخ اللي يزوجكم!
ملهم بعدم فهم:ايه! وش فيه!!
عمر مسح وجه بهدوء:نجيب شيخ كذبي وتصيرون متزوجين قدام ابوها بس
ملهم برجاء:تكفى تكفى يعمر وش هالفكره الخطيره كيف فكرت فيها !!!
عمر بفخر:يبني عندي كل الحلول شرايك بس
ملهم ضربه على راسه:طيب يا ابو الحلول اذا خلاني اقابل بنته كيف بدخل عندها وانا مامي محرم لها ! فكرت فيها يبطل؟
عمر وهو يتحسس ضربه ملهم:ارفض قول مابي اشوفها
ملهم:لا بالله عليك
عمر بطفش:اوووه عاد تزوجوا صدق وخلها عند ابوها لامن درى ولا من شاف سكاتي الوضع وش احلا من يكون الشخص متزوج وعنده عايله
ملهم باستدراج:كيف الشعور بالله! اشرح لي
عمر بابتسامة:كذا يكون شعور حلو وتحس ببطنك فراشات شعور دافئ
ملهم:ليه في شعور بارد ؟
عمر باحباط:فيه! شعورك البارد
ضحك ملهم بصخب :افا شدعوه هههههههههههههههههه
عمر بتقليد:افااا انقلع بس
ملهم بغمزه:قولي متزوج ولا في احد داري عنك؟
عمر :مع الاسف الشديد لا
ربت كفته ملهم:يلا الله يرزقك
عمر باستيعاب:طيب والشيخ!!!
ملهم بملل:رجعنا وش فيه بعد!!
عدل جلسته عمربانتباه:اذا كتب العقد بينعرف انك سعودي وتنكشف!!!
عدل جلسته ملهم وهو تو يستوعب عمق الموضوع

.

.

.

جالسه بهدوء تتامل البحر وهو يتاملها
الجوهره:شوف القمر حلو مره
سلطان بحُب:اشوف القمر واقول عندي قمر ثاني
الجوهره بخجل:سلطان لاتحرجني
سلطان بضحكه خفيفه:خلاص اخر مره
الجوهره بممل:طفشت
سلطان:تونا جينا امدى تطفشين؟
الجوهره :تبي نلعب لعبه؟عندي بالجوال
تعدل سلطان:نلعب ليش لا
الجوهره وهي تشوف جوالها:يلا صبر بطلعها
سلطان بتامل:ايش هي اللعبه اشرحيها
الجوهره:سهله كلها اساله وتجاوب بصدق بس ثلاث اساله لك وثلاثه لي
يلا هذي هي نبدا من عندك
سلطان طق اصابعه:يلا
الجوهره بضحك:ترا لعبه مب مصارعه هدي هههههههههه
سلطان بابتسامة:منجد! يلا اعطيني السوال بس
الجوهره وهي تقرا السوال:ايش اساس كَل علاقه ؟اجابه كامله بليز
سلطان بهدوء:الاحترام اساس اي علاقه مهما كانت الشخص اللي مايحترمك مايقدر مشاعرك
الجوهره:اجابه حلوه
السوال الثاني..اوصف اللي قدامك ناظرتها بابتسامة:يلا اوصفني
سلطان بابتسامة ساحره جاء فباله هالبيت:
غلاَتك بقلُبي شئ يطغِى علَى التشبيِه
كَيف أوصفِك والوُصف يعجّز به لسَاني.
الجوهره بخجل استوطنها:اهخ خلاص يكفي استحيت
سلطان ضرب راسها بحفه:يزين المستحي يلا عاد باقي لي سوال
الجوهره بهدوء رغم الخجل اللي عاكس عليها:
السوال الثالث..اكثر شي تكرهه بعلاقات
سلطان:الخيانه اسوء شي يعادلها كسر القلب واعظم من كسر الكعبه
الجوهره بدمع:كيف يعني؟
سلطان بهدوء :الكعبه بناءها ابراهيم والقلب خلقه الله
فكسر القلب يعادل الف كسر ومن ضمنها الكعبه
"بيت الله الحرام"ماقد سمعتي فيها؟
الجوهره ودموعها عالقه بمحاجر عيونها:لا
تعدل سلطان:يلا اعطني دوري اسالك
اعطته الجوال
سلطان:السوال الاول..شخص ودك تفدينه بعمرك؟اجابه كامله يحلوه
الجوهره:امي افديها بعمري وايامي اتعب انا ولاتتعب امرض انا ولاتمرض هي مااقدر اعيش بدونها هي الوحيده اللي بقت لي ولا اقدر اشوف حياتي بدونها اسوي كل شي لعيونها لو انه يكلفني فوق طاقتي ويخليني ادوس على قلبي واترك اشياء كثيره وراي وكانت تعني لي بس عشان اشوف ابتسامه منها .تكفيني عن كل شي مريت فيه امي بخير! وهذا يكفي
سلطان بابتسامة :الله يخليها ويطول بعمرها
الجوهره:امين يارب
سلطان:السوال الثاني..من يطاردون احلامهم لوقت طويل بتكون حقيقه بالنهايه تتفقين ولييش؟
الجوهره:اتفق لان بالنهايه كل شخص زرع بيحصد اللي زرعه ولو طول بالنهايه راح يثمر ويكبر ويقدر يلتمسه وتصير حقيقه وكذا الاحلام بتكون حقيقه اذا كان فيه ارده وصبر بيتحقق وبيكون حقيقه ونقدر نلتمسه وكذا يكون اكبر من الحلم! الحقيقه والتحقيق الارده والارده والارده اهم شي ولا مابيكون فيه تحقيق اذا ماكانت الارده موجوده
سلطان:كلامك حلو ومنطقي السوال الثالث بيكون من عندي اعطها الجوال وجلس قبالها
سلطان بهدوء:ليش سويتي كذا؟
الجوهره برجفه:وش سويت؟
سلطان:تحاولين تخونيني!!!

انتهى...