وكيف يبعد مني من جعلت له صميم قلبي على علاته وطنا

٣٩

هزت راسها بنفي ووقفت:لا فكني تقعد تسهرني وانا وراي دوام بكرا لا
وقف وجلسها بالغصب ومسك الريموت:لا اجلسي مابيطول صدقيني ولف لها واعطها غمزه:وممتع مرا
فتح التلفزيون على القناه ولف يناظر لها بابتسامة
عقدت حواجبها وعيونها بالتلفزيون وتقرا الحدث
«السلام عليكم ورحمة الله وبركاته اعزائي المشاهدين والمشاهدت بغطي لكم اليوم اكبر مداهمه صارت لحد اليوم مع شرطه ال****  لاطفال الشارع والقت القبض على عصابه  الاطفال  التي تقوم باخذهم وبيعهم للخارج
ومسكت شرطه عصابه الخاطفين ورصدت اعداد كبيره للغايه لاتقل عن٧٠ بالميه بقيمه البيع وتمت احالتهم للسجن العام وستقوم المحكمه بالحكم عليهم يوم غدا
ابقو معنا وسنوفيكم بباقي الاحداث»
كانت تناظر للتلفزيون وتشوف الكاميرا تتجول على العصابه امتلت عيونها دموع من شافت الاطفال وتذكرت بنتها قفل التلفزيون ولف لها:ليه ليه هالدموع ماشغلته عشان اشوف دموعك
مسحت دموعها وبضحكه:هذي دموع فرح يامي اني قاعده اشوف شغلك يتفوق ويرتفع وتنقد هالاطفال يكفيني حيل
باس راسها بشده:فخرك ودعمك لي هو اللي مخليني باللي انا فيه ولولا الله ثم انتي ماوصلت لهنا واقول لك وللناس كلها نجاحي انسبه لك اسمياً وانا وعدتك وبوفي بالوعد قريب ان شاء الله برجع بنتك لحضنك بطلعها من سابع ارض وانا ميقن ومومن انها للحين عايشه!
انهارت دموعها وحطت يدها على فمها وبشهقه:يارب
حضنها ومسح دموعها:لالا يالدموع طالبتك لاتنزلين وتتعبين هالعيون الحلوه
شدت على حضنه ودموعها امتلت بتيشيرته
شد على حضنها وباس راسها اكثر من مرا.

.
.
.

ملهم اللي كان مسرع بسيارته للمركز بعد ماجاءه اتصل بانهم لقوا المخبر وفز من السرير يسابق خطواته
وقف قدام المركز ونزل تارك السياره شغله والباب مفتوح!
بدا يفتح غرفه التحقيقات وحده ورا الثانيه لين طلع بوجهه عمر
مسكه من كتفهه:العلم اللي وصلني هو صحيح؟
هز راسه عمر :ايه واناخوك صحيح
ملهم يتنفس بسرعه :وينه هالكلب ويينه!!!
حط يدينه ورا ظهره وركز على الجدار واشر بعيونه للغرفه:موجود هنا
فتح الباب ملهم بسرعه وشاف ٢ من العساكر والرئيس
ورائد وسامي
ملهم وهو شاد يده بعنف:وينه هالخسيس؟؟
ماسمع رد وضرب الطاوله بقوه:اسال انا وينه وينه احد يجاوبني!!
الرئيس بعصبيه:لاعاد تصرخ وتضرب الطاوله كذا احترم الموجودين !
لف عمر ودخل وقف على الجدار وحط رجله فوق الثانيه :نحترم مين بالضبط ؟
الرئيس بتمالك لاعصابه:احترمني انا موجود
هز راسه عمر وسكت

جن جنون ملهم مسكه العساكر الاثنين من عنقهم:اي واحد فيكم ها !!!!! تكلموا ولا انتو سوا!!
جالس على الكرسي ومسك راسه بعنف
عمر وهو يبعد ملهم عن العساكر:مب هم افهم
شال يدينه ملهم ولف على رائد وسدد له ضربه بوجهه:انت صح اعتراف يالكلب وقف رائد وكان بيرد الضربه لملهم
لولا صرخت الرئيس عليهم:بسكم عاد مانتم اطفال! وش هالسوات! احترموا المكان اللي انتم فيه وش هالاتصرفات!
ولف على ملهم بحده:وانت لاتتصرف من كيفك وتضرب كل احد قدامك!
ملهم بجنون الارض:لاتلومني لاتلومني وانت اول واحد يعرف وش عانينا منه! مات اخوي بين يديني  اخوي انا! واشر على عمر  وسامي :اخونا احنا واشر على العساكر :مدرب هذولا! وعلى رائد:وزميل هذا
وبالاخير :طالبك انت ! تدري شلون طالبك انت اللي دربته على يدينك من كل شاب لين كبر !!اكلته وشربته ودربته!
المهمه اللي لنا سنين وحنا عليها ولاقدرنا ننجزها الاطفال اللي تقول انهم راحو ابرياء ولا لهم ذنب مين السبب بكل هذا !!! خااااين بيناا ابن****** وعديم الرجوله مين هذا اللي تتسترون عليه وبصراخ :ميييننننننن!!!!!
ضرب رائد الطاوله وقرب لملهم ومسكه بعنقه:بتعرف ميينن!!
ملهم بنرفزه:ايه بعرف بعرف منهو هالحيوانن!!
شمر اكمامه رائد :بس قلبها باخذ شي
وسدد ضربه قويه لملهم :تمد يدك علي اكسرها فاهم!!
تعدل ملهم وبعصبيه:تستهبل يالمريض!!!! اورييك!
رجع اكمامه رائد وبروقان:الحين اقدر اقولك الحقير اللي تقول عنه انه اخوي وضعيدي ومن ذي الخرابيط هو الغدار يالذكي !
ارتد لورا ملهم بعدم فهم:ها وش تقول انت!!
مسكه رائد من اكتافه ولفه:هذا الخاين ابن  ال*****
هذا اللي تعتبره اخوك هو اللي غدر فيك هو اللي ذبح اخوه
غدر باخوانه وجالس معهم اشر على سامي وبصراخ:هذا ذبااح اخوه هذا!!
اعتلت الصدمه ملامح ملهم وهز راسه بنفي رفع عيونه لرائد ومسكه وضربه براسه طاح بالارض رائد ونزل له ملهم:لاتكذب وتتبلى على اخوي !! مايسويها تغطي سواتك الشينه وتحطها باخواني تخسي وتهبى !! و.
قاطعه عمر بضيق:ماكذب هو اللي غدر فينا
لف لسامي واكمل:قول تكلم انطق بشي!
استغل ان ملهم جالس ويناظر لعمر تعدل بسرعه ورد له الضربه لين نزف خشمه وجبينه وطرف شفته تعدل ملهم وكان بيردها لولا العساكر اللي فرقوهم بامر من الرائيس:ماتفهمون انتم وقدامي بعد ؟
ملهم بعصبيه طفت عليه:ماتسمعه انت! هالكلب قاعد يتبلى على اخوي! اخوي هذا عشره بيننا مستحيل يسويها
ناظر عمر:وانت مو كل شي تصدقه سامي!سامي تكلم قول مهو انا!
جلس قدامه ومسك ركبته:قول لي انه كذب ياخوي قول
انا بصدقك والله لو كلهم ضدك بكون معك ياخوي بس قول ماهو انا قول ماغدرت باخونا قول!!
شافه ساكت ولارد شد عليها :قووول لاتقعد ساكت!
تكلم انطق بحاجه بس لاتقعد ساكت!
رائد:وش تنتظر يعني الوحي ينزل عليه مثلنا؟ ياخوي قلنا لك هو الخاين منت مصدق ليش؟
وقف ملهم بعصبيه:لاتقول لي اخوي مانيب باخوك!!!
اشر على عمر وسامي:هذولي اخواني بس !!!!
مسكه من ياقته:صحيح ياورع اللي تسميه اخوك غدار فاهم كيف؟ غ د ا ر ! استوعبت خلاص ياخي !
شد على اسنانه وكان بيضربه لولا عمر اللي تصدا له ووقف:ماتفهم ياملهم هالكلب ذباح اخونا!!!
ناظره ملهم:مايسويها
عمر بصراخ: سواها هال*****
دفعه ملهم وبصراخ:مايسويها رجع لسامي:ماتسويها ياخوي انا ادري بس قول لي تكفى نخيتك لاتكسر ظهري فيك وانا شاده بك لاتخيلني كذا بس قول لي لا وانا اودعك اني اشي كل هالاتهامات عنك بس انطق بشي!
سحبه بقوه ووقفه صرخ بوجهه:قوووول لاتسسكت اساالك انااا!!
سامي ببروده:وش تبي من اقوول يعني!! الحقيقه بانت وهذا الصدق بس تدري ياملهم هو اللي وصل نفسه انا قلت له ابعد عن هالمهمه ولاتروح هناك تراك بتندم بس هو مافهم كلامي وصارفيه اللي صار و..
قاطعه ملهم بضربه طيحته بالكنبه المنفرده:لييييشششششش!!! قلنا عنك اخونا!!! سندنا وذخرنا !!! دخلك بعيونه!! شرا لك بيت انت وزوجتك وولدك!!! دخلك بالوظيفه ومشى لكم راتب!!
صفعه بقوه ويحس بنار تحرقه من قهره:ماخلى شي بخاطرك الا جابه لك!! توسط لولدك باحسن المدارس!!!!!
مانقص عليك ولا على اهلك بشي!!! ليش تسوي كذا ليش تغدر فيه !!!!
صفعه بقوه اكبر ودمه يغلي من القهره اللي يحسه
عمر راكز ظهره بالباب واجتمعت الدموع بعيونه
رائد المتكتف ويناظر بصمت العساكر والرئيس! ساكتين ويناظرون بصمت ماقدروا يفرقونهم ولا ودهم بالهشي