وكيف يبعد مني من جعلت له صميم قلبي على علاته وطنا

٤٧

مر بسرعه ووصل البيت بس انصدم لما شاف الباب مقفل!
كور يده وضربه بقوه وصرخ بقهر:اهخخخ وين رحتي وين!!
فتح جواله بسرعه ودق على المركز:برسل لكم رقم وابي تحددون وين اخر مكان تحدد فيه!!
وقفل جواله بسرعه وقف عنده سياره ونزل عمر:شفييك شصاير؟؟
مسح وجهه وبلع ريقه بصعوبه:هربت!
عمر عقد حواجبه:مين؟
غمض عيونه وهو بحس بنار احرقت قلبه من القهر:حرمتي!
شهق عمر وطير عيونه:كيف هربت وليش؟
ملهم:درت عن حادثه ابوها وانه مات بسببي !
عمر:بس مالك ذنب! هو ضحى بنفسه عشانك !
جلس على رجوله ويحس الدنيا تدور فيه:تلومني والصدق معها حق لو مادخت حياتهم ابوها عندها الحين!
مسك كتفهه:استغفر ربك كل شي مقدر ومكتوب لاتقول كذا
طلع جواله من صوت الاشعار«تحدد اخر موقع بالمطار وبعدها انقطعت الاشاره» وقف ورمى جواله بعصبيه :روح انت الباقي علي لابغيت شي اصالك وركب سيارته وحرك بسرعه للمطار

.

.

.

شدت على يدها بقوه وتوتر!
وعيونها تتنقل بين الركاب عضت شفتها لين حسّت بطعم الدم يسّيل!
بلعت ريقها وفزت من صوت يقصدها!:لو سمحتي!
لفت لمصدر الصوت وصدت بسرعه تنحنح وبلع ريقه:احنا طايرين لدوله اجنبيه وعشان ماتتعرضين للاذى منهم لاتلبسين العباه!
بلعت ريقها وبهدوء عكس الخجل والرهاب اللي داخلها من خطوتها الجريئه بالنسبه لها!:لو اني مادري ماجيت لاتشيل همي اعرف اتصرف !
تنهد بهدوء:نيتي زينه ياختي! ولاتفهميني غلط قلت لك هالكلام لان واضح من شكلك اول مره تسافرين!
صدت بعيونها عنه وامتلت عيونها بالدموع وبهدوء:مهوب اول مره اسافر ولو سمحت لاتتدخل وتسوي تمون!
هز راسه وعدل جلسته شد على كتابه:العذر والسموحه اذا تخطيت حدي مقصدي انك بنت بلادي ولابي لك مضره
صدت وشدت على يدها:حصل خير!

.

.

.

فتحت عيونها بنعاس ورجعت غمضتها لين حست بحنين اللي تتحرك عندها فتحتها بقوه:وش تهببين من الصباح!
حنين عكس خوفها من الكابوس اللي شافته:ولاشي !
تعدلت حياه وتركزت على كوعها:لاصدقت عاد! وجهك منقلب شفيك؟
فركت يدينها وقربت من حياه:شفت كابوي والحين افكر فيه!
ابتسمت ورجعت نظرها لحنين:كل هالحوسه عشان كابوس؟
تعدلت حنين :قمت مخروشه منه ولاطلع من بالي!
حياه بتثاوب:ايش شفتي؟
حنين بلعت ريقها:كنا جالسين بالدار طبيعي حلو؟
هزت راسها ولازالت تتثاوب
اكملت بهدوء :وبعدها يدخل شخص متلثم وعيونه تخووف واستغربنا كيف دخل وفجاه بدون مقدامات صار يسحب فيك لبرا الدار وكنا نحاول نساعدك بس كان هو اقوى منا وقفل علينا الباب وصار يرش البنزين علينا واحرق بالدار واخذك وراح!
عقدت حواجبها:بسم الله الرحمن الرحيم تعوذي من ابليس
ناظرتها بدموع:خفت عليك وصحيت والشمس ماطلعت واقاوم النوم وعيوني ماشلتها عنك خفت يرجع وياخذك مني!
تعدلت حياه وحاوطه وجهها بكفوفها:مافي مخلوق بالدنيا يقدر يفرقنا!فاهمه!
تبللت رموشها من دموعها:توعديني ماتتركيني! توعديني تبقين معي ولاتتخلين عندي!مالي بالدنيا غيرك لاتروحين انتي بعد والله اموت !
شهقت حياه وشدت على حنين:اوعدددك اوعدك ماتركك والله محد يفرقنا غير الموت!
بعدت حنين :نحي ببعض ونموت مع بعض!ماتخيل هالدنيا بدونك !
ابتسمت وشدت عليها فزروا من الصوت:اذا خلصتوا من الدراما حقتكم الفطور جاهز بسرعه!
ضحكت حنين ووقفت:انا عندك بكل وقت الا وقت الاكل اعذريني وطلعت بسرعه
ضحكت حياه وفزت وهي تلحقها:وكلامك لي يالخاينه اوريك! بس خليني قبل اشبع بطني