A FORCED MARRIAGE

EPISODE 02: My dear future wife

Jeon Jungkook អាយុ ២៣ ឆ្នាំសព្វថ្ងៃនេះជាម្ចាស់ក្រុមហ៊ុនប្រេន Gucci ដ៏ល្បីមួយក្នុងប្រទេស កូរ៉េ ហើយថែមទាំងនៅមានក្រុមហ៊ុនលោកប៉ារបស់គេដែលត្រូវកាន់កាប់ស្នងតំណែងពីឪពុកនៅពេលក្រោយទៀតផង។ ជាសេដ្ឋីវ័យក្មេង ទាំងសង្ហា ទាំងឆ្លាត ម៉ត់ចត់ បានទាំងរូបរាង និងអត្តចរិក ស្រីណាក៏លង់ស្នេហ៍រួមទាំងក្មេងប្រុសៗផងដែរ។ សង្ហាដល់ថ្នាក់នេះទៅហើយនរណាមិនលង់ស្នេហ៍បានទៅ?

Jungkook គឺជាប្រភេទមនុស្សដែលស្រលាញ់ការងារមិនខ្វល់ពីអនាគតរបស់ខ្លួនឯងនោះឡើយ មិនមែនមានន័យថាគេស្រលាញ់ការងារដល់ថ្នាក់ភ្លេចអ្នកមានគុណដែរនោះទេ អ្នកមានគុណរបស់គេគឺជារឿងទីមួយដែលគេត្រូវខ្វល់ខ្វាយបន្ទាប់មកនោះគឺជាការងារ។ នាយមានចិត្តគំនិតចាស់ទុំមិនចេះរញ៉េរញ៉ៃច្រើននោះឡើយ សរុបឲ្យអស់សេចក្ដីមក Jeon Jungkook គឺជាបុរសនៅក្នុងក្ដីស្រម៉ៃរបស់នារីគ្រប់រូបតែម្ដង ប៉ុន្តែបើនិយាយអំពីចំណុចអាក្រក់របស់នាយវិញពេលខ្លះនាយគឺជាមនុស្សដែលឆេវឆាវហើយពិបាកនឹងនិយាយឲ្យស្ដាប់គ្នាខ្លាំងណាស់ បើសិនជាខឹងវិញគឺអាក្រក់បំផុតលេខមួយ ដូច្នេះហើយកុំមានគំនិតថានឹងធ្វើឲ្យនាយខឹងឲ្យសោះណា មិនអញ្ចឹងទេគ្រប់យ៉ាងនឹងត្រូវបញ្ចប់

****

បន្ទាប់ពីបញ្ចប់កិច្ចការងារទីមួយហើយ Jungkook ក៏ត្រូវទៅបន្តការងារនៅកន្លែងផ្សេងទៀត។ នាយចូលចិត្តធ្វើឲ្យខ្លួនឯងរវល់ ទើបមិនពាក់ព័ន្ធរញ៉េរញ៉ៃនឹងអ្នកណា ហេតុដូចនេះហើយទើបបានជាប៉ាម៉ាក់របស់គេព្រួយបារម្ភខ្លាចថាគេនឹងនៅម្នាក់ឯងរហូតដល់ចាស់ ស្រលាញ់ងប់ងល់នឹងការងារដោយមិនគិតពីអនាគតរបស់ខ្លួនឯង ទើបពួកគាត់ត្រូវដើររកគូស្រករឲ្យកូនប្រុស ប៉ុន្តែគូស្រករដែលពួកគាត់រើសឲ្យគឺត្រូវតែជាកូនរបស់មនុស្សដែលស្និតស្នាលនឹងគ្នារាប់អានគ្នាជាមិត្តមករាប់ឆ្នាំដូចជាគ្រួសារ Kim អញ្ចឹងទើបពួកគាត់នៅសុខក្នុងចិត្ត ណាមួយពួកគាត់ក៏សម្លឹងឃើញកូនប្រុសរបស់គ្រួសារ Kim យូរមកហើយដែរតាំងពីពួកគេនៅក្មេងៗមកម្ល៉េះ ទោះជា Taehyung មានអត្តចរិកពិបាកយ៉ាងណាក៏ពួកគាត់មិនប្រកាន់ដែរឲ្យតែបានគេមកធ្វើជាភរិយាឲ្យកូនប្រុសរបស់គាត់ ហើយបើពួកគេមិនស្គាល់គ្នាបែបនេះទៀតគឺរឹតតែល្អ ព្រោះនឹងបានមើលចិត្តគ្នាពីដំបូងម្ដងបន្តិចៗហើយអាចនឹងកែប្រែឲ្យគ្នាទៅវិញទៅមកក៏ថាបានដែរ។