A FORCED MARRIAGE

EPISODE 05: ធុញណាស់ខ្ញុំចង់ស្លាប់!

ពិធីមង្គលការក៏បញ្ចប់ទៅដោយរលូន ឯកូនកម្លោះទាំងពីរក៏ត្រូវចុះទៅទទួលភ្ញៀវនិងត្រូវជុលកែវជាមួយភ្ញៀវតាមតុនីមួយៗរហូតដល់អស់និងដើម្បីឲ្យបានស្គាល់ពីភ្ញៀវរបស់កូនកម្លោះទាំងសងខាងផងដែរ។

« ចូលរួមអបអរផងណាលោកអគ្គនាយក »

« អញ្ជើញតាមសប្បាយ » Jungkook លើកកែវឡើងអញ្ជើញកូនចៅរបស់នាយជាច្រើនដើម្បីអបអរជាមួយគ្នា ព្រមទាំងញញឹមដាក់ពួកគេផងដែរ បន្ទាប់មកនាយក៏ត្រូវដើរទៅតុផ្សេងៗទៀតដោយមាន Taehyung ឱបដើមដៃរបស់នាយដើរតាមនាយនិងជុលកែវស្រាជាមួយភ្ញៀវទាំងបង្ខំ។

ពេលដែលជួបភ្ញៀវរួចរាល់អស់ហើយទាំងពីរនាក់ក៏ដើរចូលទៅរកឪពុកម្ដាយរៀងខ្លួន។ Taehyung ធ្វើមុខមិនរីកនោះទេដូចជាចង់យំបន្តិចអីបន្តិចពេលដែលចូលមកអង្គុយចន្លោះកណ្ដាលជាមួយប៉ាម៉ាក់របស់គេធ្វើឲ្យពួកគាត់ទាំងពីរសម្លឹងមុខកូនទាំងបារម្ភ។

« កុំពិបាកចិត្តអីកូនចាប់ពីពេលនេះតទៅកូននឹងមានអ្នកថែទាំកូនជំនួសប៉ាម៉ាក់ហើយ! គ្រួសាររបស់គេល្អណាស់គេប្រាកដជាមើលថែកូនបានល្អដូចម៉ាក់ប៉ាមើលថែកូនអញ្ចឹង! » អ្នកស្រី Kim លើកដៃអង្អែលខ្នងកូនប្រុសនិងនិយាយលួងលោមគេ។

Taehyung អង្គុយស្ងាត់ស្ងៀមមិននិយាយស្ដីអីចេញមកនោះទេ គេគិតតែពីអង្គុយធ្វើមុខមិនរីកដាក់ប៉ាម៉ាក់របស់គេដោយទុកឲ្យស្វាមីរបស់គេជាអ្នកចូលរួមជាមួយភ្ញៀវដទៃបន្តទៀតតែម្នាក់ឯង។

***

ឈានចូលដល់ពាក់កណ្ដាលអាធ្រាតភ្ញៀវទាំងអស់ក៏បានត្រឡប់ទៅកាន់គេហដ្ឋានវិញ ឯគូស្វាមីភរិយាថ្មីក៏ត្រូវចូលទៅរស់នៅឯផ្ទះថ្មីរបស់ពួកគេដែរ។ វាគឺជាវិមានដែលប៉ាម៉ាក់របស់ពួកគេបានទិញទុកឲ្យមុនថ្ងៃរៀបការមុនមួយសប្ដាហ៍ ឥឡូវរៀបការរួចក៏ត្រូវមករស់នៅជាមួយគ្នាតែពីរនាក់ប៉ុណ្ណោះ។

Jungkook ជាអ្នកបើកបរធ្វើដំណើរទៅកាន់ផ្ទះថ្មីរបស់ពួកគេដោយមាន Taehyung នៅអង្គុយក្បែរដៃងាកសម្លឹងទៅមើលអ្វីផ្សេងនៅខាងក្រៅដោយមិននិយាយស្ដីអ្វីមួយម៉ាត់មកកាន់នាយ។

ដោយមិនគិតគូរច្រើននិងមិនចង់រំខានអារម្មណ៍របស់គេផង Jungkook ក៏បន្ថែមល្បឿនឡានលឿនជាងមុនដើម្បីឲ្យឆាប់ដល់ផ្ទះថ្មីរបស់ពួកគេ។