A FORCED MARRIAGE

EPISODE 15: គួរឲ្យស្រលាញ់ខ្លាំងណាស់

ឈានចូលមកដល់ព្រឹកនៃថ្ងៃថ្មី Taehyung ព្យាយាមក្រោកពីការគេងឲ្យបានលឿនជាទីបំផុតដើម្បីចុះទៅខាងក្រោមចូលផ្ទះបាយធ្វើម្ហូបក្នុងនាមខ្លួនជាភរិយារបស់គេ។ ពេលដែលងូតទឹកស្លៀកពាក់រួចរាល់អស់ហើយទើបគេចុះទៅខាងក្រោម ព្រោះគេត្រូវតែក្រោកមុនរាងក្រាសដើម្បីធ្វើអាហារពេលព្រឹកសម្រាប់នាយ ទោះជាពួកគេនៅមិនទាន់ផ្សះផ្សាគ្នាពេញលេញនៅឡើយតែ Taehyung នឹងព្យាយាមកែប្រែខ្លួនឲ្យល្អជាងនេះដើម្បីឲ្យចំណងអាពាហ៍ពិពាហ៍របស់ពួកគេរុងរឿងតាមដែលគ្រួសារទាំងសងខាងចង់បាន។

« អរុណសួស្ដីអ្នកប្រុសតូច! ថ្ងៃនេះក្រោកលឿនជាងម្សិលមិញទៅទៀត នេះអ្នកប្រុសធ្វើអីហ្នឹង? » មីង Arin ដែលក្រោកមុនអ្នកណាៗទាំងអស់ ទើបតែមកពីទិញបន្លែត្រីសាច់ទុកដាក់ ពេលដែលចូលមកដល់ខាងក្នុងផ្ទះបាយក៏បានជួបជាមួយនឹងនាយល្អិតដែលកំពុងរុករើរករបស់របរទើបគាត់ចូលទៅសួរ។

« ខ្ញុំរកគ្រឿងធ្វើម្ហូបហ្នឹងណាមីង! »

« អ្នកប្រុសឃ្លានមែនទេចាំមីងធ្វើឲ្យ » មីង Arin រៀបនឹងយកខ្ទះ និង វែកឆា ពីដៃរបស់ Taehyung ដើម្បីមកធ្វើឲ្យគេញ៊ាំទៅហើយព្រោះគិតថាគេឃ្លានទើបក្រោកលឿនមកធ្វើញ៊ាំខ្លួនឯង ប៉ុន្តែ Taehyung ក៏ប្រកែកនិងយកវាពីដៃរបស់គាត់មកវិញ។

« អត់ទេខ្ញុំធ្វើឲ្យ...ធ្វើឲ្យ » Taehyung ស្ទាក់ស្ទើរនិយាយមិនចេញឯមីងក៏យល់ស្ថានការណ៍ទច្បាស់ទើបគាត់ញញឹមដាក់គេបន្តិចរួចក៏និយាយផ្ដល់កម្លាំងចិត្តឲ្យ Taehyung មុននឹងដើរចេញទៅ។

« មីងមិនរំខានទេប៉ុន្តែបើអ្នកប្រុសត្រូវការអីឬក៏ពិបាកកន្លែងណាអាចហៅមីងបានណា » មីង Arin លើកដៃទះស្មារាងតូចតិចៗផ្ដល់កម្លាំងចិត្តមុននឹងញញឹមដាក់គេបន្តិចទៀតទើបដើរចេញទៅ។

***

មួយសន្ទុះក្រោយមក Jungkook បានចុះមកពីខាងលើបន្ទប់របស់នាយដោយស្លៀកសម្លៀកបំពាក់ធ្វើការងារ។ ថ្ងៃនេះនាយទៅក្រុមហ៊ុនដើម្បីបំពេញកិច្ចការងារដែលសេសសល់កាលពីម្សិលមិញដែលនាយមិនបានទៅធ្វើការព្រោះតែបញ្ហាក្នុងផ្ទះ។

Jungkook ក្រឡេកឃើញរាងតូចស្ថិតនៅក្នុងផ្ទះបាយដោយពាក់អៀមធ្វើម្ហូបយ៉ាងយកចិត្តទុកដាក់ធ្វើឲ្យ Jungkook ចម្លែកក្នុងចិត្តព្រោះតែមនុស្សដូចជា Taehyung នេះកាលពីមុនមិនមែនបែបនេះនោះទេបើស្ដាប់តាមការប្រាប់ពីប៉ាម៉ាក់របស់គេ ទើបនាយសម្លឹងគេមួយសន្ទុះក៏ដើរចេញទៅដើម្បីធ្វើដំណើរទៅក្រុមហ៊ុន។