တောင်ကိုရီးယား၏ နာမည်ကြီးပုံပြင်စာရေးဆရာဂျွန်ဂျောင်ကုနှင့် ဒိတ်ဒိတ်ကျဲချမ်းသာသည့်စီးပွားရေးလုပ်ငန်းရှင် Lee Group ဥက္ကဌလီဒုံဝမ်၏သား လီထယ်ယောင်းတို့တွဲနေသည်ဆိုသည့်သတင်းက ဆိုရှယ်ပလက်ဖောင်းတိုင်းမှာ နာမည်အကြီးဆုံးသတင်းတစ်ပုဒ်ဖြစ်နေပြီး dispatch ကဖော်ထုတ်လိုက်သည်ကြောင့် အားလုံးရဲ့အာရုံစူးစိုက်မှုကိုအပြည့်အဝရရှိနေသည်ဖြစ်သည်။
"အစ်ကိုနမ်ဂျွန်!"
ထိတ်လန့်သောမျက်နှာဖြင့် အလောတကြီးပြေးဝင်လာသည့်ဂျောင်ကုကြောင့် နမ်ဂျွန်လည်းခုံမှာခေါင်းမှီချပြီး နားထင်ကိုလက်နဲ့ဖိနေတာကိုရပ်၍ ဆိုဖာမှာဝင်ထိုင်လိုက်သည်။
"အရင်ဆုံးစိတ်အေးအေးထား ဂျောင်ကု...ဒါတွေကတစ်နေ့တော့ကြုံရမှာပဲလေ"
အသက်ရှုနှုန်းတွေမြန်နေတဲ့ဂျောင်ကုက နမ်ဂျွန်ပြောတော့ခေါင်းညိတ်ပြသည်။သို့သော် သူ့ကိုပြောဆိုနေတာထက် ကင်မ့်ကိုဝိုင်းပြောဆိုနေကြသည့်လူတွေကြောင့် ရတက်မအေးနိုင်ပေ။ဟာနူးလာပြောပြတော့ သူအရမ်းလန့်သွားခဲ့တာ။ပြီးတော့ ဒီကိစ္စမှာကင်မ်ကအသက်တောင်မပြည့်သေးတဲ့ကလေးတစ်ယောက်။ထို့ကြောင့် လူတိုင်းကကင်မ့်ကိုသာအပြစ်သားသဖွယ်ပြောဆိုနေပြီး အရင်ကကင်မ်လုပ်ခဲ့တဲ့ကျောင်းတွင်းအကြမ်းဖက်မှုတွေကိုပါ ဆွဲထည့်ပြောနေကြတာမို့ ကင်မ့်ကိုဒီကိစ္စတွေပေးမသိချင်ပါ။ထို့ကြောင့် ကုမ္ပဏီသို့ခဏသွားဦးမယ်ပြောပြီး ထွက်လာခဲ့တာဖြစ်သည်။
"ကျွန်တော့်ကိုပြောတာကိစ္စမရှိဘူးအစ်ကို...ဒါပေမယ့်ကင်မ့်ကိုအထိခိုက်မခံနိုင်ဘူး...အားလုံးကကျွန်တော်လုပ်ခဲ့တာတွေချည်းပါ...ကင်မ်နဲ့မဆိုင်ပါဘူး"
"ငါနားလည်တယ်ဂျောင်ကု...ဒါပေမယ့်လက်ခုပ်ကနှစ်ဖက်တီးမှမြည်တာမလား...အဲ့တော့အနည်းအကျဥ်းတော့မင်းရော ထယ်ယောင်းရောအပြောခံရမှာပဲ...အခုချိန်မှာငါလုပ်ပေးနိုင်တာက အဲ့ကိစ္စကို confirm မလား...ငြင်းမလားဆိုတာပဲ...ဒါပေမယ့်ပုံတွေကအတိအကျနဲ့ထွက်လာတာ...မင်းတို့နောက်ကိုလိုက်နေတာအတော်ကြာလောက်ပြီ...အဲ့ပုံတွေရောကြည့်ပြီးပြီလား"
