ကျွန်မမုန်းတဲ့သူ့ကို
အခန်း { ၃၆ }
ပန်သွန်းခ ဘာမှမပြောတော့ဘဲဆက်ပြီးပြေး
တော့ သူကဆက်လိုက်တုန်းပင်သူမပြန်လှည့်
ကြည့်ရင်း ပင့်သက်ရှိုက်ပြီး ခုံတန်းမှာသွား၍
ထိုင်လိုက်မိသည်။ သူက သူမနောက်ကလိုက်
လာကာခုံတန်း၏တစ်ဖက်အစွန်ဘေးတွင်ဝင်
ထိုင်လေသည်။ ပြီးနောက် သူ့လက်ထဲမှရေဗူး
ကိုလှမ်းပေးသည်။ သူမယူ၍ မော့သောက်ပြီး
ပြန်ပေးလိုက်မိသည်။
" ဘာလို့ ငါ့နောက်ကိုဆက်လိုက်နေတာလဲ "
" ကျွန်တော်မသိဘူး "
သူမတိတ်ဆိတ်သွားပြီး အရှေ့တည့်တည့်မှ
ရေပြင်ကိုပင် ငေး၍ ကြည့်နေလေသည်။ သူ
သူမဘက်သို့လှည့်ပြီး မသိမသာခိုးကြည့်နေ
မိပါသည်။ သူမကတော့ သတိထားမိသည့်ပုံ
မရပါလေ။ မဟုတ်ရင် သူမရှောင်ထွက်သွား
မည်ထင်ပါသည်။
" မ "
" ဟင် "
" အဆင်ပြေရဲ့လား "
ကျွန်တော်ခေါ်လိုက်တော့သူမကလှည့်ကြည့်
လာပါသည်။ သူမကိုမေးတော့သက်ပြင်းရှိုက်
ကာ မျက်နှာတစ်ချက်လွှဲသွားပြီး ခပ်ထေ့ထေ့
ပြုံးရယ်သည်။ သူမအပြုံးကြောင့် ကျွန်တော်
ခေါင်းကိုငုံ့ချလျက် မြေပြင်ကိုစိုက်ကြည့်နေမိ
လေသည်။
" ဘာလို့လဲ "
" မ "
" ဘာလို့ အခုမှဒါတွေလာမေးနေတာလဲ "
" ကျွန်တော်ဒီတိုင်းပဲသိချင်လို့ပါ "
" ဘာလဲ ... အဆင်ပြေလို့မရဘူးလား "
သူမခပ်ထေ့ထေ့ပြောပြီး ရယ်ရင်းထိုခုံတန်းမှ
ထထွက်သွားခဲ့သည်။ ကျွန်တော် အနောက်က
နေပြေးလိုက်ခဲ့ရင်းမမှီတော့ဘဲသူမကားဆီသို့
ပြန်သွားပြီးမောင်းကာထွက်သွားခဲ့လေသည်။
ကျွန်တော်ခါးထောက်၍ ရပ်လိုက်မိရင်းလေပူ
တစ်ချက် မှုတ်ထုတ်လိုက်မိပါသည်။ လက်က
နာရီကိုကြည့်ရင်းချွေးတွေနှင့်အလုပ်သွားရဦး
မှာမို့အိမ်ကိုခဏပြန်ရေချိုးလိုက်မိလေသည်။
ကုမ္ပဏီမှာအားနေတော့ကျွန်တော်စုံလည်ခုံကိုပြတင်းမှန်ဘက်သို့လှည့်ထိုင်ကာဖုန်းကိုဖွင့်၍
မရောက်တာကြာပြီဖြစ်သည့် သူမ အင်စတာ
ဂရမ်အကောင့်လေးထဲဝင်ကြည့်နေခဲ့မိသည်။
သူမ ကိုယ်ဝန်ဆောင်တုန်းက ပုံတွေရယ်၊သူမ
နှင့်သူမသားလေးပုံတွေရယ်သာတင်ထား၏။
သူမတို့လက်ထပ်တုန်းက ပုံတွေကိုမတင်ထား
ပါလား။
KAMU SEDANG MEMBACA
ကျွန်မမုန်းတဲ့သူ့ကို (Complate)
Romansaလောကမှာငွေဟာနံပါတ်တစ်ထင်မှတ်ထားကာ မာနကြီးပြီးအကြောက်တရားကင်းမဲ့တတ်သူ မိန်းမလှလေး ပန်သွန်းခ သူမမုန်းတဲ့ယောကျ်ား တစ်ဦးကိုလက်ထပ်ဖို့ဖြစ်လာတဲ့အခါ ...။ အလုပ်ရှင်ရဲ့သမီးကိုမှတိတ်တခိုးချစ်နေမိရင်း သူမအကျင့်စရိုက်ကိုမကြိုက်နှစ်သက်သော်လည်း သိပ်သဘောကျတဲ့အမျိ...
