ကျွန်မမုန်းတဲ့သူ့ကို
အခန်း { ၁၉ }
ထိုအချိန်မှစ၍သူပြောင်းလဲလာသည်။ သူမ
အပေါ်မှာလည်း ပိုပြီး ဂရုစိုက်လာပေးသည်။
ကိုယ်ဝန်တဖြည်းဖြည်းလရင့်လာတော့ သူမ
ကို ကုမ္ပဏီမသွားခိုင်းတော့ဘဲ သူပဲ အားလုံး
စနစ်တကျဦးစီးလုပ်ကိုင်သည်။ သူမ ဒန်းမှာ
ထိုင်နေမိရင်းသူကုမ္ပဏီကနေ ပြန်လာသည်။
သူမသူ့ကိုမြင်လျက်နှင့် မမြင်ချင်ယောင်သာ
ဆောင်လိုက်မိသည်။ သူကသူမဘေးမှာလာ
ထိုင်ကာ သူမရဲ့ပါးကိုနမ်းပြီး ပူနေသည့်သူမ
ဗိုက်လေးကိုကိုင်၍အနားကပ်ဆိုလေသည်။
" မ ဒီနေ့ဘယ်လိုလဲ ... နေကောင်းရဲ့လား "
" ကောင်းပါတယ် "
" ကလေးလေး ဖေဖေပြန်လာပြီနော် ... သိပ်
မကြာခင် မင်းဖေဖေတို့နဲ့တွေ့ရတော့မယ် "
" မောင် လွတ်လွတ်နေစမ်းပါ "
" ကျွန်တော့်ကလေးလေးနဲ့ခဏစကားပြော
ပါရစေ "
" ကျွန်တော့်ကလေး "
" ကျွန်တော်တို့ကလေးလေး "
သူမမျက်နှာလေးမဲ့ရင်း ဆိုလိုက်တော့သူက
စကားကိုပြင်ပြောလိုက်သည်။ ထိုအခါ သူမ
ပြုံးလိုက်ပြီးခပ်မဲ့မဲ့ရယ်လိုက်မိသည်။ သူက
သူမဗိုက်ကိုကိုင်ထားရာမှ ဘေးကအိတ်တွေ
ကိုယူလိုက်သည်။
" ဒီမှာ ကလေးကစားစရာတွေနဲ့ မ အတွက်
ဗိုက်ဖုံးအင်္ကျီတွေဝယ်လာတယ် "
" ဘာလို့ထပ်ဝယ်လာတာလဲ မောင် အများ
ကြီးဖြစ်နေပြီ ... အင်္ကျီတွေလည်းရှိတာတွေ
ဝတ်လို့ရနေတာပဲကိုး "
" မ ကျွန်တော်စိတ်လှုပ်ရှားနေတယ်သိလား
ကျွန်တော်တို့ကလေးလေးနောက်တစ်လနှစ်
လနေရင် လူ့လောကထဲကိုရောက်လာတော့
မယ် "
" အင်း "
သူမသိုးမွှေးထိုးနေရာမှတိတ်ဆိတ်သွားပြန်
သည်။ ဖုန်းမြည်နေသံကြောင့်သူဘောင်းဘီ
အိတ်ကပ်ထဲမှထုတ်ကိုင်လိုက်တော့သူမဖုန်း
နံပါတ်ကို အကြည့်ရောက်သွားကာ မျက်နှာ
ပျက်သွားရင်း မသိချင်ယောင်ဆောင်သွားခဲ့
ပြီး တစ်ဖက်လွှဲသွားလေသည်။
ŞİMDİ OKUDUĞUN
ကျွန်မမုန်းတဲ့သူ့ကို (Complate)
Romantizmလောကမှာငွေဟာနံပါတ်တစ်ထင်မှတ်ထားကာ မာနကြီးပြီးအကြောက်တရားကင်းမဲ့တတ်သူ မိန်းမလှလေး ပန်သွန်းခ သူမမုန်းတဲ့ယောကျ်ား တစ်ဦးကိုလက်ထပ်ဖို့ဖြစ်လာတဲ့အခါ ...။ အလုပ်ရှင်ရဲ့သမီးကိုမှတိတ်တခိုးချစ်နေမိရင်း သူမအကျင့်စရိုက်ကိုမကြိုက်နှစ်သက်သော်လည်း သိပ်သဘောကျတဲ့အမျိ...
